Kunnafoni min bɛ jama dɛmɛ

Kerecɛn sɛbɛw bɛ u sen don kibaru duman jɛnsɛnni na foroba cidenyabaara la. (Fil. 2:​17) Fɛɛrɛ min dabɔra o kama, o sinsinnen bɛ gafeninw kan, sɛbɛndenninw ani sɛbɛn kɔnɔna sigidaw kan. Olu sɛbɛnna kan 20 na ka u bila ɛntɛrinɛti ladɛrɛsi la: www.watchtower.org. O ɛntɛrinɛti yɔrɔ in ma dilan walisa ka kɛ sɛbɛn kura sɔrɔ sira ye Jehowa seerew bolo. A dabɔra walisa Jehowa seerew bɛ min fɔ Bibulu kan, jama ka se ka kunnafoni jɔnjɔn sɔrɔ o kan.

A ma mɛn, kunnafoni caman farala an ka o ɛntɛrinɛti yɔrɔ kan. Min farala a kan, o ye gafenin ye min tɔgɔ ye ko Ala bɛ mun waajibiya anw ma? a bɛ sɔrɔ kan 220 na. Ka fara o kan, an ka ɛntɛrinɛti ladɛrɛsi bɛna sɛbɛn Sɔn-ni-sɔn gafenin ɲɛ laban kan, k’a daminɛ Zanwuyekalo tile 1 ani a tile 8 san 2004 la La Tour de Garde ani Réveillez-vous ! bɛɛ kan, u bɔlen mana kɛ kan o kan na.

Aw bɛ se ka baara kɛ ni nin minɛn ye cogoya jumɛn na? A bɛ se ka kɛ, ko aw bɛ bɛn ni mɔgɔ ye, a bɛ iko kibaru duman ka di min ye nka a tigi bɛ kan wɛrɛ dɔrɔn de mɛn. Ni a se bɛ a ye ka don ɛntɛrinɛti kɔnɔ, an ka ɛntɛrinɛti ladɛrɛsi min bɛ La Tour de Garde walima Réveillez-vous ! ɲɛ laban kan, aw bɛ se ka o jira a la. A na se o cogo la ka Waajibiya gafenin jateminɛ a fakan na yanni aw ka se ka sɛbɛnw sɔrɔ ka na di a ma o kan na. Walima aw bɛ se ka a ko don jɛkulu walima kulu bolo min bɛ a mago don o kan suguya fɔbagaw la.