An ka kɛ mɔgɔ senumanw ye an kɛcogow bɛɛ la
1 Jehowa Ala min ka sanu, an ye o ka baarakɛdenw ye. O la an bɛ cɛsiri bɛɛ kɛ walisa an ka kɛ mɔgɔ senumanw ye an kɛcogow bɛɛ fɛ. (1 Pi. 1:15, 16) O kɔrɔ ye ko an bɛ an jija ka Jehowa ka sariya sigilenw kɔkɔrɔdon ani ka u mara an ka ɲɛnamaya bɛɛ kɔnɔ. Ɲinan san kafoba ka jamalajɛ waati la, an bɛna se ka an ka senumaya jira an ka ko kɛtaw fɛ.
2 Ka an to lotoliw la: Lotoli baarakɛla minnu bɛ dumunikɛlaw kunbɛ o dɔ y’a fɔ ko: “Jehowa seerew ni mɔgɔ tɔw tɛ kelen ye. Mɔgɔbonya bɛ u la.” Ka i yɛrɛ minɛ kumakanbafɔ ma ani yɛlɛbakɛ ma min bɛ se ka dumunikɛla tɔw degun o fana sen bɛ jogoɲumanya la. Hali ni an bɛ dumuni ani minni na, an bɛ an seko bɛɛ kɛ walisa nɔɔrɔ ka da Ala kan.—1 Kɔr. 10:31.
3 Ka an to jamalajɛkɛyɔrɔ la:An ka jogoɲumanya ka kan ka ye kɛrɛnkɛrɛnneya la jamalajɛkɛyɔrɔ kɛnɛ de kan. An bɛ aw deli aw ka jɛ ka baara kɛ ni mɔgɔw ye minnu bilara moto, mɔbili, ani sigiyɔrɔko ɲɛnabɔli la. (Heb. 13:17) Dɛnbayaw kɔnɔmɔgɔw bɛɛ ka kan ka sigi ɲɔgɔn fɛ yɔrɔ kelen na sanni u ka a to denmisɛnniw, denkɔrɔbaw ka taa sigi ni u filankuluw ye yɔrɔ wɛrɛ la. Ja walima kumakan bɛ ta ni mansin minnu ye, olu si mankan ka don lajɛkɛyɔrɔ kuran la walima ka u nɔrɔ nɛgɛjuruw la kuma bɛ tɛmɛ minnu fɛ. Ni mɔgɔ bɛ a fɛ ka baara kɛ ni o minɛn suguw ye, a tigi ka o kɛ ka mɔgɔ tɔw gasi sigi. Ni aw bɛ a fɛ ka foto de ta, aw kana baara kɛ ni ja ta yeelenw ye jamalajɛ waati. Telefɔni Selilɛriw walima bipɛriw ka kan ka labɛn cogo la min tɛ mɔgɔw ntɔɲɔ. Ni aw ye kasarako ye jamalajɛ-kɛyɔrɔ la, a ɲininen bɛ aw fɛ aw ka teliya ka o kunnafoni lase mɔgɔ ma, min ye dɛmɛ kunfɔlɔ lasejɛkulu kɔnɔmɔgɔ dɔ ye. U bɛna o ko ɲɛnabɔ.
4 An ka jogoɲumanya de bɛ an fara ka bɔ tɔw la, ka an bila an dan na ka nɔɔrɔ da Ala kan. (1 Pi. 2:12) Jamalajɛ waati, Jehowa seerew ka ko kɛtaw bɛ da kɛnɛ kan. O la sa, an ka an jija ka kɛ mɔgɔ senumanw ye an kɛcogow bɛɛ fɛ.
[Caption on page 8]
An ka kɛcogoya senuman jira
◼ An ka an denw kɔlɔsi waati bɛɛ
◼ An ka bonya da tɔw kan