Baara ka Lajɛ Bolodasira

Awirilikalo tile 12nan dɔgɔkun

Dɔnkili 48

Sanga 15: Ladɔnniyaliw ka ɲɛsin sigida ma. Ladɔnniyali minnu bɛ jɛkulu kun kan, olu woloma ka bɔ An ka Masaya Cidenyabaara kɔnɔ. Hakilila minnu bɛ sɛbɛn ɲɛ 4nan na, olu ta i ka ɲɛjirali kɛ Marisikalo tile 22 Réveillez-vous ! ani Awirilikalo tile 1 La Tour de Garde jiracogow kan. Ɲɛjirali kelen o kelen na, gafenin fila bɛɛ bɛ jɛ ka jira, hali ni kuma bɛ kɛ gafenin kelen dɔrɔn de kan. Ɲɛjirali kelen-kelen bɛɛ kɔnɔ, a jira mɔgɔ bɛ se ka mun fɔ ni i lamɛnbaga y’a fɔ ko “Ne bolo degunnen bɛ.” Fɔcogow danfara ka bɔ ɲɔgɔn na.​—Gafe Comment Raisonner lajɛ, a ɲɛw 19-​20.

Sanga 30: “Tutigɛbagaya baara​—Cogo dɔ don ‘k’a sifilɛ, k’a dɔn ko Jehowa ka ɲi’ ” Baro bɛ kɛ ni lamɛnbagaw ye. Diinɛ maakɔrɔ dɔ de bɛ a ɲɛminɛ tutigɛbagaya ka di min ye. Ni a waati bɛ aw bolo aw ka tɛmɛsiraw kalan ka ɲɛfɔli kɛ u kan. Ni aw sera dakun 4nan ma, tutigɛbaga basigilen fila walima weleweledalaw minnu ye tutigɛbaga farankan baara kɛ ka tɛmɛ, olu ɲininka u sera cogoya min na ka u yɛrɛ labɛn u ka ɲɛnamaya kɔnɔ walisa ka kɛ tutigɛbaga ye ?

Dɔnkili 56 ani kuncɛli delili.

Awirilikalo tile 19nan dɔgɔkun

Dɔnkili 55

Sanga 8: Ladɔnniyaliw ka ɲɛsin sigida ma.

Sanga 17: “Miiricogo min bɛ Yesu la, aw ka o ladege.”a Baara kɛ ni ɲininkali dilenw ye. Ni baro sera dakun 4nan ma, a ɲini tutigɛbaga farankanw fɛ u k’a ɲɛfɔ u ye ko duman minnu sɔrɔ u ka baara kɛli la.

Sanga 20: “Denmisɛnw​—Aw ka Ala ka Kuma kalan!”b Kɔn ka a ɲini denmisɛn kelen wala fila fɛ u k’u labɛn ka ɲɛfɔli kɛ u ka Bibulukalan bolodacogo kan ani cogoya min na u bɛ ka nafa sɔrɔ o la. Dusu don denmisɛnw kɔnɔ u ka Bibulu mumɛ bɛɛ kalan kɛ u ka kuntilenna ye. Ɲɛfɔli minnu bɛ École du ministère gafe kɔnɔ, a ɲɛ 10, dakun 5nan na olu sen don a la.

Dɔnkili 80 ani kuncɛli delili.

Awirilikalo tile 26nan dɔgɔkun

Dɔnkili 46

Sanga 12: Ladɔnniyaliw ka ɲɛsin sigida ma. Jatebɔ. Weleweledalaw hakili jigin u k’u ka Awirilikalo forobaara dantigɛli sɛbɛn di. Gafe minnu bɛ jira Mɛkalo la olu fɔ. Hakilila minnu bɛ sɛbɛn ɲɛ 4nan na, olu ta i ka ɲɛjirali kɛ Awirilikalo tile 8 Réveillez-vous ! ani Awirilikalo tile 15 La Tour de Garde jiracogow kan. Ɲɛjirali kelen o kelen na, gafenin fila bɛɛ bɛ jɛ ka jira, hali ni kuma bɛ kɛ gafenin kelen dɔrɔn de kan. Ɲɛjirali kelen kɔnɔ seereya bɛ kɛ baarakɛɲɔgɔn dɔ ye walima lakɔlidenɲɔgɔn dɔ ye.

Sanga 18: Sigida magow.

Sanga 15: Ka Sɛbɛndenninw Kɛ ka Barow Daminɛ. Baro bɛ kɛ ni lamɛnbagaw ye. Tuma caman na waajuli gɛlɛya bɛɛ la belebele ye ka baro daminɛ. Sɛbɛndenninw bɛ se ka kɛ ka baro daminɛ k’an to so ni so waajuli la, ni an bɛ waajuli la feerekɛyɔrɔw la, ani foroba yɔrɔw la. Cogo surun na aw ka sɛbɛndennin fila wala saba lajɛ ɲɔgɔn fɛ minnu ko bɛ se ka diya mɔgɔw ye aw ka sigida la. Mun bɛ se ka fɔ kuma daminɛ na an kɛtɔ ka o sɛbɛndenninw jira? Jaw minnu bɛ u kan, baara bɛ se ka kɛ ni u ye cogoya jumɛn na? Ɲininkali jumɛn ka kan ka lawuli ni fɛɛrɛ ye? Sɛbɛndenninw kelen-kelen kɔnɔ, dakun dɔ jira, kalan bɛ se ka kɛ min kan ni sokɔnɔmɔgɔ y’a jira ko a ka di ale ye. Ɲɛjirali kelen kɛ, i k’a jira cogo min na baro bɛ se ka daminɛ ni sɛbɛndennin dɔ ye. Weleweledala bila a ka dakun kelen lajɛ teliya la sɛbɛndennin kɔnɔ, ka sɔrɔ ka o kuncɛ ni Dɔnniya gafe bilali ye a barokɛɲɔgɔn bolo.

Dɔnkili 37 ani kuncɛli delili.

Mɛkalo tile 3 dɔgɔkun

Dɔnkili 93

Sanga 10: Ladɔnniyaliw ka ɲɛsin sigida ma.

Sanga 15: “An ka an ka fɛn bɛɛ la fisaman di Jehowa ma.”c Ni aw sera dakun 4nan ma, a ɲini i lamɛnbagaw fɛ u k’a ɲɛfɔ cogoya jɔnjɔn minnu fɛ an bɛ se ka an ka kanuya jira mɔgɔw la an ka cidenyabaara kɔnɔ.

Sanga 20: Louons Jéhovah “ au milieu de la congrégation ” (Jehowa tanto ‘Jɛkulu cɛma’). Baro bɛ kɛ ni lamɛnbagaw ye, baro min sinsinnen bɛ Sɛtanburukalo tile 1 La Tour de Garde kan san 2003, a ɲɛw 19-​22. (1) An bɛ jaabi minnu di lajɛw tuma na, kun min bɛ o la, Zaburu 22:22, 25 bɛ o jira cogoya jumɛn na? (2) Mun na delili bɛ mɔgɔ dɛmɛ? (3) Mun na an mago bɛ labɛn na? (4) Kuntilenna jumɛn ka kan ka ye an bɛɛ la lajɛw waati la? (5) Mun na ka sigi ɲɛfɛ, o bɛ mɔgɔ dɛmɛ? (6) Mun na a nafa ka bon ka tɔw ka kumafɔtaw lamɛn? (7) An bɛ se ka ɲɛfɔliw kɛ ni an yɛrɛ ka daɲɛw ye cogoya jumɛn na? (8) An bɛ se ka dusu don tɔw kɔnɔ ni an ka ɲɛfɔliw ye cogoya jumɛn na? (9) Jɔyɔrɔ jumɛn bɛ ɲɛminɛbaga la?

Dɔnkili 81 ani kuncɛli delili.

[Footnotes]