Jehowa bɛ min ɲini an fɛ, an bɛ se k’o kɛ
1 Ka an ka ɲɛnamaya kɛ ka kɛɲɛ ni Jehowa ka sariyaw ni a ka sariyakolow ye, o de ye ɲɛnamaya kɛcogo ye min ka fisa bi ka tɛmɛ ɲɛnamaya kɛcogo bɛɛ kan. O b’an dɛmɛ fana ka jusigilan ɲuman sigi an ka sini ɲɛnamaya banbali kama. (Zab. 19:8-12; 1 Tim. 6:19) Nka, Sitanɛ ka diɲɛ bɛ ko caman da an kan minnu b’an nimatɔɔrɔ. An farisogo dafabali fana bɛ an ka ko tɔw juguya. An ka baara kɛta minnu ɲɛfɔlen bɛ Bibulu kɔnɔ, ni an bɛ ka olu kɛ, an bɛ se k’a ye tuma dɔw la ko an ka baara kɛtaw ka ca fo ka dama tɛmɛ. (Zab. 40:13; 55:2-9) A bɛ se ka kɛ yɛrɛ ko an bɛ an yɛrɛ ɲininka ni Jehowa bɛ fɛn minnu ɲini an fɛ, ni an bɛ se k’olu bɛɛ kɛ. Mun bɛ se k’an dɛmɛ o waatiw la walisa an basigilen ka to la alako ta fan fɛ?
2 Jehowa ka ci fɔlenw man gɛlɛn: Jehowa tɛ doni da an kan abada min dama tɛmɛnen don. A ka ci fɔlenw man gɛlɛn. U dira an ka nafa de kama. (Dut. 10:12, 13; 1 Yuh. 5:3) Jehowa b’a dɔn ko an ye mɔgɔ barikantanw de ye. “A hakili b’a la ko an ye buguri ye.” (Zab. 103:13, 14) Ni an bɛ an seko damajira kɛ ka kɛɲɛ ni an cogoya ye walisa ka baara kɛ Ala ye, a ka makari kɔnɔ, Ala bɛ sɔn o la, hali ni an seko man bon. (Lev. 5:7, 11; Mar. 14:8) A b’a ɲini an fɛ an ka an ka doni fili ale kan. A b’a jɛya an ye ko a bɛna ko kɛ cogo la min b’a to an bɛna se ka to kantigiya la.—Zab. 55:22; 1 Kɔr. 10:13.
3 A tɛ taa muɲuni kɔ: Bibulu bɛ kuma mɔgɔw kan minnu ye kantigiya mara, i n’a fɔ Elija, Jeremi, ani Paul. O maanaw b’a jira mun na mɔgɔ mago bɛ muɲuni na. (Heb. 10:36) Gɛlɛya ni dusufaga waatiw la, Jehowa ye u dɛmɛ. (1 Mas. 19:14-18; Jer. 20:7-11; 2 Kɔr. 1:8-11) Ka fara o kan, an balima minnu bɛ kantigiya mara an ka waati la, olu fana ka maanaw bɛ an bila wale kɛ la. (1 Pi. 5:9) Ka taasi o misali ɲumanw kan, o bɛ se k’an dɛmɛ walisa an dusu kana faga.
4 Ka da Ala ka layiduw la, o ye ‘banamini ye an ni ye.’ (Heb. 6:19) O dannaya de ye Ibrahima ni Sara bila u ka sɔn k’u ka dugu bila ka ‘taa sigi layidu jamana na, i n’a fɔ siginfɛw,’ iko Jehowa tun y’a ɲini u fɛ cogo min na. O dannaya de ye fanga di Musa ma a ka bato lakika kɔkɔrɔdon, k’a sɔrɔ a ma siran. O dannaya de ye barika don Yesu fana na a ka gengenjiri muɲu. (Heb. 11:8-10, 13, 24-26; 12:2, 3) Ala ye diɲɛ kura tilennen min layidu ta, ni o tora an dusukun na iko tamɛnɛ, an fana sinsinnen na to kantigiya la.—2 Pi. 3:11-13.
5 Ka an hakili to an yɛrɛ ka kantigiya wale tɛmɛnenw na, an ka kaarinciya, an ka kisɛya ni an ka jagɛlɛya la, o fana bɛ se ka barika don an na an ka baara la. (Heb. 10:32-34) O bɛ an hakili jigin nisɔndiya la an ye min sɔrɔ, tuma min Jehowa ye min ɲini an fɛ, an y’o di a ma, n’o ye k’a bato ni an ni bɛɛ ye.—Mat. 22:37.
[Study Questions]
1. Tuma dɔw la, miiri jumɛnw bɛ se ka na an na ni an ka kan k’u kɛlɛ, ani mun na?
2. Cogo jumɛn na Jehowa tɛ a ka ko dama tɛmɛ a ka fɛn ɲinita la an fɛ?
3. Jehowa bɛ barika don an na cogo jumɛn na walisa an ka se ka muɲuni kɛ?
4. Mun na a nafa ka bon an hakili ka to tuma bɛɛ Ala ka layiduw la?
5. Ka miiri an yɛrɛ ka kantigiya wale tɛmɛnenw na, mun na o bɛ se ka dusu don an kɔnɔ?