Ala-ka-marako Cidenyabaara Kalanso Dalafɔ-seginnkanni

Ɲininkali ninnu jaabiw bɛna kɛ dalafɔ ye Ala-ka-Marako Cidenyabaara kalanso ka lajɛ la, o min bɛna kɛ Desanburukalo tile 29nan dɔgɔkun kɔnɔna na, san 2003. Kalan lakɔlɔsibaga bɛna seginnkanni ɲɛminɛ sanga 30 kɔnɔ. O seginnkanni bɛna sinsin kalanw kan minnu kɛra k’a ta Nowanburukalo tile 3nan na ka na a bila Desanburukalo tile 29nan na, san 2003. [Kɔlɔsili: Ni ɲininkali dɔ kɔfɛ, yɔrɔ ma fɔ, tali bɛ se ka kɛ min na, i ka kan ka i yɛrɛ ka ɲinini kɛ walisa ka jaabiw sɔrɔ.​—⁠École du Ministère mafilɛ ɲ. 36-7.]

JƐMU KƐCOGO ƝUMANW

1. Mun na nafaba b’a la ka baara kɛ ni Bibulu ye foro cidenyabaara la? [be ɲ. 145 d. 2, tiiri kɛlen bɛ ka sɛbɛnni minnu lamini] Fangaba bɛ Bibulu la, ka sira jira mɔgɔw la, minnu bɔlen bɛ ‘sagaden’ fɛ ka tɛmɛ an yɛrɛ ka fɔtaw bɛɛ kan. U yɛrɛ ɲɛ mana jɔ fɛn min kan Bibulu kɔnɔ, o de bɛ nɔ ba bila u la.

2. Ni an bɛna Sɛbɛnninw yɔrɔ dɔw jira, cogo jumɛn na o Sɛbɛnninw kɛra hukumu min kɔnɔ, o bɛ nɔ bila Bibulu tɛmɛsira lana cogo la? [be ɲ. 149] Sɛbɛnniw kɛra hukumu min kɔnɔ o b’a jira u sɛbɛnna ka ɲɛsin mɔgɔ sugu minnu ma. Misali la, Zaburuw kuuru bɛɛ ma sɛbɛn Dawuda dɔrɔn fɛ, ani Ntalenw kuuru bɛɛ ma sɛbɛn Solomani dɔrɔn fɛ. Sɛbɛnniw kɛra hukumu min kɔnɔ, o bɛ an dɛmɛ ka kuma, ni an bɛ a dɔn kuma sɛbɛnna mɔgɔ minnu kama, kuma tun ɲɛsinnen bɛ mun ma, ani ko jumɛnw tun bɛ kɛ o Bibulu tɛmɛsira sɛbɛn-waati la.

3. Mun na a nafa ka bon, kalanjɛ kɛtuma Bibulu kɔnɔ, ka i sinsin daɲɛ nafamaw kan, ani o bɛ se ka kɛ cogo di? [be ɲ. 151 d. 2, tiiri kɛlen bɛ ka sɛbɛnni minnu lamini] Ni sinsin kɛra ka ɲɛ daɲɛ nafamaw kan, kuma kuntilenna bɛ jɛya ani a faamuyali bɛ diya lamɛnbagaw fɛ. Ni an bɛ ka dakun dɔw sɛgɛsɛgɛ walisa k’a ɲini k’a faamu, an bɛ se k’an yɛrɛ ɲininka: ‘Sinsin ka kan ka kɛ daɲɛ jumɛnw kan walisa o sɛbɛnnin bɛ ka kalan kun min na, o ka ɲɛnabɔ?’

4. Cogo jumɛn na an bɛ se ka Paul ka laadili kuma waleya, ka ‘tinyɛ kuma walawala kɛcogo ɲuman na’ ni an bɛ tɔw kalan, ani mun na o nafa ka bon? (2 Tim. 2:15) [be ɲ. 153 d. 2, tiiri kɛlen bɛ ka sɛbɛnni minnu lamini] Walisa an ka se ka ‘tiɲɛ kuma walawala kɛcogo ɲuman na,’ an ka kan ka Sɛbɛnniw ɲɛfɔ ka bɛn Bibulu yɛrɛ ka kalansiraw ma. O la sa fo an ka an hakili to a la Sɛbɛnniw kɛra hukumu min kɔnɔ. An ka an yɛrɛ tanga ɲɛfɔliw ma, minnu sinsinnen bɛ an yɛrɛ dɔrɔn ka faamuyali kan wala diɲɛ ka haki­litigiya kan, min bɛ wele ko filosofi. O nafa ka bon k’a da a kan Ala bɛ a fɛ mɔgɔ bɛɛ ka ‘tiɲɛ dɔnniya sɛbɛ sɔrɔ.’ (1 Tim. 2:​3, 4)

5. Cogo jumɛn na Paul tun bɛ ‘hakilijakabɔ kɛ k’a sinsin Bibulu kan’? (Kɛw. 17:​2, 3) [be ɲ. 155 d. 5–ɲ. 156 d. 1] Paul ye kow lakali ka kɛɲɛ ni Yesu ka ɲɛnamaya ani a ka cidenyabaara ye, a y’a jira ko olu tun sɛbɛnnen bɛ Layidu Kɔrɔ kɔnɔ, o kɔ a sɔrɔla ka kuma kuncɛ ni barika ye. A tun bɛ Sɛbɛnninw yɔrɔ dɔw kalan, ka sinsin daɲɛw wala kumasenw dɔw kan, ka olu bɔ kuma tɔ cɛla, ka u jɔyɔrɔ jira.

KALANSEN FƆLƆ

6. Tuma min an bɛ ka jɛmukan labɛn ni Bibulu ye, an ka baarakɛminɛn bɛɛ la nafama, mun na nafa b’a la (1) k’a filɛ kun min y’a to hayaw sɛbɛna Bibulu kɔnɔ, (2) Ka Bibulu tɛmɛsira wɛrɛw lajɛ, minnu bɛ di Bibulu kɔnɔ ani (3) ka kow ɲini ka dɔn ni Concordance kitabu ye? [be ɲ. 34 d. 3–ɲ. 35 d. 2] (1) Hayaw dira hukumu min kɔnɔ, ni an bɛ an hakili to o la, o bɛ an dɛmɛ ka Bibulu kuma faamu, o b’an dɛmɛ fana ka ko wɛrɛ dɔn, min bɛ an ka kuma walawala cogo ɲɛ, ka dɔ fara a dawula kan. (2) Bibulu tɛmɛsira wɛrɛw minnu bɛ di Bibulu kɔnɔ, olu bɛ dɔ fara ko dɔnniya kan, ani u b’a jira, cogo min na Bibulu kiraya kuma dɔ, wala Sariya yɔrɔ dɔ bɛ dafa; Bibulu tɛmɛsira wɛrɛw minnu bɛ di Bibulu kɔnɔ, olu bɛ se ka kɛ kunnafoniw ye fana, minnu bɛ Bibulu fan wɛrɛ, wala ni u bɛ kuma mɔgɔ dɔ kan wala dugukolo fan dɔ. (3) Ni an bɛ kow ɲini ka dɔn ni “Concordance” kitabu ye o bɛ an dɛmɛ an ka Bibulu tɛmɛsiraw sɔrɔ, minnu ni ɲinifɛn bɛ tali kɛ ɲɔgɔn na, ani k’a ye an ka ko ɲininta in (‘taabolo’) ‘misaliya’ min bɛ Ala ka kuma kɔnɔ. (2 Tim. 1:​13)

7. Kantigiya sɛbɛ bɛ jira cogo di, ani o bɛ kɛ ka ɲɛsin jɔn ma? [w01 1/10 ɲ. 22-3] Hali ni Kantigiya sɛbɛ ani dusu ɲumanya ye fɛn kelen ye, kantigiya bɛ ta de ka ɲɛsin i mɔgɔɲɔgɔn ma. Ni mɔgɔ dɔ ye dusu ɲumanya ta ka ɲɛsin i ma, i fana ka kan ka kɛ kantigi ye ka dusu ɲumanya ta ka ɲɛsin o tigi ma. Jehowa tun ye dusu ɲumanya ta ka ɲɛsin Dawuda ma, o kosɔn Dawuda fana samana Jehowa nɔfɛ k’a bato ani k’a tanu. (Zab. 138:2) Ka kantigiya ta ka ɲɛsin Jehowa ma, o bɛ an bila ka kantigiya ta ka ɲɛsin a ka kuma ma ani a ka jɛkulu ma. An ka kan ka dusu ɲumanya ta ka ɲɛsin an furuɲɔgɔn ma, an ka denbaya min dalen bɛ Ala la, ani an teriw ma.

8. Mun b’a jira ko Jehowa ye waati tigi ye? (Dan. 11:​35-40; Luka 21:24) [si ɲ. 284 d. 1] A kɛtɔ ka “saheli yanfan fɛ masakɛ” ani “worodugu yanfan fɛ masakɛ” ka kow jira, Jehowa ka mɛlɛkɛ kumana siɲɛ caman “waati latigɛlen” ko la. Sɛbɛnninw yɔrɔ caman bɛ a jira ko Jehowa ye waati tigi ye ani ko a bɛ a ka ko bɛɛ kɛ ka bɛn cɔyi a tuma ma.

9. An kɛlen ka ɲininiw kɛ kaban jɛmu dɔ labɛntɔ, an ka kan ka fɛn jumɛnw to an hakili la, tuma min na an bɛ a fɛ ka miirinataw ɲɛnatɔmɔ? [be ɲ. 38] An bɛ yɔrɔw ta minnu bɛ an ka jɛmu kɛcogo ɲɛ. An ka kan ka a ɲini k’a dɔn ko kunnafoni min bɛ an bolo o ye kunnafoni laban ye, ko a bɛnnen bɛ Jehowa Seerew ka sɛbɛn kuraw kɔnɔkow ma. An ka an kɔlɔsi tuma min an bɛ kunna­foniw ɲini ka bɔ mɔgɔ wɛrɛw ka dɔnniya kow kɔnɔ. An ka a to an hakili la ko Ala ka kuma ye tiɲɛ ye ani ko Yesu de bɛ jɔyɔrɔ fɔlɔ la Ala sago tiimɛli ko la. (Yuh. 17:17; Kol. 2:3) An kuntilenna ye ka Ala ka miiri fɔ. (Prov. 2:​1-5)

10. Mun kosɔn Yesu ye min fɔ ‘Nuhun ka donw’ ko la, o fana bɛ se ka fɔ ka ɲɛsin bi donw ma? (Mat. 24:37) [w01 15/11ɲ. 31 d. 3-4] Bi kerecɛnw ye tilennenya weleweledalaw ye. U bɛ a ɲini mɔgɔw fɛ u ka nimisa ka segin u kɔ. (2 Pi. 3:​5-9) Nuhun ye Jehowa kan minɛ hali k’a sɔrɔ mɔgɔw bɛ a kɛlɛ ani ka a to gɛlɛya kɔnɔ. Ale ni a ka denbaya tun tɛ a dɔn ka ɲɛ, tuma min na Jehowa tun bɛ na ni ji ba ye. Nka dannaya min tun bɛ u la ka ɲɛsin Ala ka kuma ma, o ye u dɛmɛ sanw kɔnɔ ka u to Ala-ka-marako baara la. (Heb. 11:7

BIBULU KALAN MIN BƐ KƐ DƆGƆKUN O DƆGƆKUN

11. Paul ye lɛtɛrɛ min sɛbɛn Filemɔn ma, o b’a jira cogo di ko cikan min donna krecɛnw bolo, o ye ka mɔgɔ kelen-kelen bɛɛ dɛmɛ u ka kɛ krecɛnw ye, nka a ma ɲini u fɛ u ka jamana taabolo yɛlɛma? (Flm 12) Paul kumana jɔnkɛ bolilen Onesime ko la, iko ‘a denkɛ, ale kɛra min fa ye,’ ani ‘ale kɛra min balima ye alako ta fan fɛ.’ (Flm. 10, 16) Hali ni Onesime ye Paul ka waajuli kuma lamɛn ani ka kɛ Kerecɛn ye, Paul m’a fɔ a ye ko a tɛ jɔnya la tun. A ye a lasegin a tigi ma ka kɛɲɛ ni Rɔme jamana ko sigicogo ye, o min tun bɛ jɔnya yamariya. [1, w98 15/1 ɲ. 30-1; w63 ɲ. 108-111]

12. Danfara jumɛn bɛ nin daɲɛw ni ɲɔgɔn cɛ: ‘Ka a to kow ka taa ni i ye,’ ‘k’i mabɔ,’ ‘ka bin.’ (Heb. 2:1 ; 3:12; 6:⁠6) [w99 15/7ɲ. 19 d. 12; w86 1/6ɲ. 14 d. 16-17 ; w81 1/3ɲ. 23 d. 8] ‘Ka a to kow ka taa ni i ye,’ fo ka sira bila ka bɔ tiɲɛ kɔnɔ, o bɛ kɛ k’a sɔrɔ i ma ko gɛlɛn kɛ, ani k’a sɔrɔ i m’a dabɔ a kama. Ka boli nafoloma fɛnw nɔfɛ ani ka jɛɲɔgɔnya don i ni diɲɛ cɛ ani ka tiɲɛ kuma tɔnɔmiolu bɛ se ka taga ni mɔgɔ ye. ‘K’i mabɔ’ o bɛ juguya kofɔ ani o bɛ kɛ ni mɔgɔ bɛ i yɛrɛ to kɛrɛfɛ wala ni mɔgɔ bɛ tiɲɛ kuma kɛlɛ. ‘Ka bin’ o ye ka a dabɔ a kama ka tiɲɛ kuma fili fo i tɛ se ka segin tun. Jehowa ani Yesu dɔrɔn de bɛ se ka o faranfasi.

13. Ni an b’a fɔ “Ni Jehowa sɔnna,” an bɛ se ka mun kɛ walisa o kana kɛ kuma nafantan ye? (Yak. 4:15) [cj ɲ. 170 d. 3–ɲ.171 d. 1] An ka kan k’an yɛrɛ tanga o kuma fɔli ma a kana kɛ an deliko ye walisa ka an yɛrɛ jira tɔw la wala k’a jira ko an ye ko min kɛ o tun ka kan. O nɔ na, an bɛ fɛn o fɛn kɛ, i n’a fɔ ka jɔ ni an ka denbaya musaka ye ka bɛn Bibulu ka fɔta ma, an ka a ɲini ka Ala sago kɛ, ka o baara ta ni an dusu bɛɛ ye

14. Ni a fɔra ko ‘ka Jehowa ka don makɔnɔ ani k’o don to an hakili la tuma bɛɛ,’ kɔrɔ jumɛn bɛ o kuma la, ani an bɛ se k’o kɛ cogo di? (2 Pi. 3:12) [w97 1/9 ɲ. 19-20] O kɔrɔ ye ko an ka to “Sebaaya bɛɛ tigi Ala ka don ba” Harmagedɔn makɔnɔni na, ani a nali ka diya an ye. (Jir. 16:14) O kɔrɔ ye ko “kira senumaw kɔnna ka kuma minnu fɔ,” ka ɲɛsin Yesu ka nali ma a ka masaya fanga la, ani kiri tigɛli min bɛ kɛ mɔgɔw la, minnu tɛ Ala dɔn an bɛ an hakili to olu la. An ka kan fana ka min to an hakili la o ye “an Matigi ni an kisibaa ka ci min fɔra” ko an ɲɛ jolen ka to. (2 Pi. 3:2; Luka 21:34-​36)

15. Ka ɲɛsin bi Krecɛnw ma, ladilikan nafama jumɛm bɛ sɔrɔ cikanw kɔnɔ minnu bilara ka taa jɛkulu wolonwula ma ni u bɛ sɔrɔ Jirali kitabu kɔnɔ, a tilayɔrɔba 2, ani 3 la? (Jir. 2:​4, 5, 10, 14, 20; 3:​3, 10, 11, 17, 19) Walisa an ka kɛ kerecɛnw ye minnu ye se sɔrɔ, an ka alamogoya barika man kan ka ban, walima tiɲɛ kanuya min bɛ an na o man kan ka ban. An ka kan ka sigi ni a ye ko an bɛna kɔrɔbɔ a ɲɛ ma, ani fana an si tile bɛɛ la, an ka a ŋaniya ka kantigiya jira. An man kan ka sɔn jogojuguya ma ani an man kan ka tiɲɛ kuma kɛlɛ. An ɲɛ jolen ka to alamogoya ta fan fɛ, ka kɛ mɔgɔ muɲunen ye. Diɲɛ nafolomafɛnw, ani an lamɛnbaliya mɔgɔw fɛ, o si kana a to an fari ka faga. [7, re ɲ. 34 d. 5-6; ɲ. 38 d. 5; ɲ. 44 d. 10-​11; ɲ. 49 d. 7; ɲ. 56 d. 7; ɲ. 64 d. 20; ɲ. 68 d. 8]