Baara Ka Lajɛ Bolodasira

Kɔlɔsili: Kafoba ka jamalajɛ bɛna kɛ waati minnu na, o dɔgɔkun kelen-kelen bɛɛ ka Baara ka lajɛ bolodasira bɛna sɔrɔ An ka Masaya Cidenyabaara kɔnɔ. Jɛkuluw bɛ se ka yɛlɛmaw don o la, ka kɛɲɛ ni u magow ye, walisa mɔgɔw ka se ka taa kafoba ka jamalajɛ la, n’o tɔgɔ ye ko: “Aw ye nɔɔrɔ da Ala kan.” N’a bɛnnen don, Baara ka lajɛ laban min bɛna kɛ sanni jamalajɛ ka kɛ, sanga 15 ta o kɔnɔ walisa ka segin laadilikanw kan minnu bɛ nin kalo in ka An ka Masaya Cidenyabaara farankan kɔnɔ minnu ɲɛsinnen bɛ sigida ma. Feburuyekalo kɔnɔna na, san 2004, Baara ka lajɛ kelen mumɛ bɛna bila jamalajɛ ka kalan yɔrɔ kolomaw seginnkanni kama. Walisa an ka se k’o labɛn, n’an bɛ jamalajɛ kɛnɛ kan tuma min na, an bɛɛ bɛ se ka kalan nafamayɔrɔw sɛbɛn. An b’a fɛ ka kalan yɔrɔ kɛrɛnkɛrɛnnen minnu waleya an ka ɲɛnamaya kɔnɔ, ani foro la, an bɛ se k’olu fana sɛbɛn. O la sa, an bɛ se ka dusu don tɔw kɔnɔ, an kɛtɔ k’a ɲɛfɔ cogo min na an ye o hakililaw waleya kabini an bɔra jamalajɛ la.

Sɛtanburukalo tile 8 nan dɔgɔkun

Dɔnkili 10

Sanga 10: Ladɔnniyaliw ka ɲɛsin sigida ma. Ladɔnniyali minnu bɛ jɛkulu kun kan, olu woloma ka bɔ An ka Masaya Cidenyabaara kɔnɔ. Dusu don bɛɛ kɔnɔ walisa u ye yɔrɔ koloma minnu sɛbɛn salon kafo ka jamalajɛ la, u ka olu lajɛ walisa ka se ka dɔgɔkun nata ka Baara ka lajɛ labɛn. Baara kɛ ni hakililaw ye minnu bɛ ɲɛ 8 nan na walisa ka ɲɛjirali fila labɛn minnu bɛ bɛn an ka jɛkulu waajulikɛyɔrɔ ma, Utikalo tile 22 Réveillez-vous! ani Sɛtanburukalo tile fɔlɔ La Tour de Garde kan. Ɲɛjirali kelen na, i ka lakɔliden walima bangebaga dɔ jira min bɛ ka seereya kɛ lakɔli karamɔgɔ dɔ ye.

Sanga 10: Bataki min bɔra Tɔn bolofara yɔrɔ. Baro weleweledala fila cɛ. Kelen bɛ weleweledali la a mɛnna, a ka fisa a ka kɛ maakɔrɔ ye, tɔ kelen ye weleweledala denmisɛnnin ye. Weleweledala denmisɛnnin b’a ɲininka ni a ye Tɔn ka bataki ye min bɔra Tɔn bolofara yɔrɔ, n’o bɛ An ka Masaya Cidenyabaara kɔnɔ. Weleweledala min bɛ ko caman dɔn, a b’a ɲɛfɔ ko Tɔn bolofara ka bataki tun ye Masaya ka Cidenyabaara kɔnɔko dɔ ye san 1960 ni san 1970 kɔnɔnaw na. O kɔfɛ, u bɛ baro kɛ bataki kan min bɛ ɲɛ fɔlɔ la sanfɛ, k’u sinsin a yɔrɔ kolomaw kan.

Sanga 25: “Denmisɛnninw: Aw ka jujɔ ɲuman sigi siniɲɛsigi kama.”a O bɛ kɛ maakɔrɔ dɔ fɛ. A bɛ baara kɛ ni ɲininkali dilenw ye. Ni baro bɛ kɛ dakun 5 nan kan tuma min na, a b’a sinsin nisɔndiya ni dugawuw kan minnu bɛ sɔrɔ waati dafalen baara la.

Dɔnkili 170 ani kuncɛli delili.

Sɛtanburukalo tile 15 nan dɔgɔkun

Dɔnkili 199

Sanga 10: Ladɔnniyaliw ka ɲɛsin sigida ma. Jatew dantigɛli. Ɲininkaliw Jaabi lajɛ.

Sanga 10:  “Adorez le vrai Dieu gafe kalan.” Baro bɛ kɛ gafe kalan ɲɛminɛbaga dɔ fɛ. A bɛ lamɛnbagaw ɲɛsin kalan bolodacogo ma. Baro bɛ kɛ tuma min na dakun 4 nan kan, ɲɛfɔli minnu bɛ l’École du ministère gafe ɲɛ 28 nan, dakun fɔlɔ la, ani a ɲɛ 70 nan na, a bɛ olu fɔ ka fara a kan.

Sanga 25: “I jigi da Jehowa kan ka koɲuman kɛ.” (Zab. 37:⁠3) Baro bɛ kɛ ni lamɛnbagaw ye. A sinsinnen bɛ ɲininkali nataw kan. O ɲininkaliw bɛ sinsin salon kafo ka jamalajɛ yɔrɔ kolomaw kan. Lamɛnbagaw kelen-kelen sera k’o yɔrɔ kolomaw waleya cogo min na u ka ɲɛnamaya kɔnɔ, ani u ka denbaya kɔnɔ, a ɲini u fɛ u k’o fɔ ka fara a kan. Kalanbolodalen yɔrɔ ninnu jira: (1) “An k’a jira ko an dalen bɛ Jehowa la.” Mun na a nafa ka bon an ka da Jehowa la an ka ɲɛnamaya kɛcogo bɛɛ la? (it-2 ɲ. 521) Watch Tower Publications Index bɛ se k’an dɛmɛ cogo jumɛn na? (2) “An ka an yɛrɛ tanga diɲɛ wasobaganciya kow ma.” (Ekl. 2:​4-8, 11) An ka kan ka an yɛrɛ tanga baara nafantan jumɛnw ma, wa an bɛ se k’o kɛ cogo di? (3) “An ka boli kojugu ɲɛ, ka kɛ koɲumankɛlaw ye.” Mun na a nafa ka bon kosɛbɛ ka nɔɔrɔ Jehowa ka naamuw na? (Esa. 5:20) An cɛsirilen ka kan ka to baara ɲuman jumɛnw kɛli la? (4) “An dalen ka to Jehowa la.” Mun bɛ se k’an dɛmɛ an sinsinnen ka to n’an bɛ ka kɔrɔbɔ ani ka tɔɔrɔ? Mun na an ka kan ka ko dɔw to Jehowa ma? (5) “Yali i bɛna jate mɔgɔ ye min ka kan ni Ala ka masaya ye wa?” (Kol. 1:​10) Misali jumɛnw bɛ Bibulu kɔnɔ minnu bɛ dusu don an kɔnɔ ka t’a fɛ ka taama cogo la min bɛ bonya da Jehowa kan? (6) “An ka da Jehowa ka layidu talenw na.” Ka o kɛ, o bɛna nɔ bila an ka ɲɛnamaya kɛcogo la cogo di?

Dɔnkili 58 ani kuncɛli delili.

Sɛtanburukalo tile 22 nan dɔgɔkun

Dɔnkili 7

Sanga 15: Ladɔnniyaliw ka ɲɛsin sigida ma. Lamɛnbagaw ɲɛsin san 2003 kafoba ka jamalajɛ kɛyɔrɔw ni a kɛwaatiw barokun ma. Jɛkulu welelen bɛ kafoba ka jamalajɛ min na, o don ni a yɔrɔ fɔ. Baara kɛ ni hakililaw ye minnu bɛ ɲɛ 8 nan na walisa ka ɲɛjirali fila labɛn Sɛtanburukalo tile 8 Réveillez-vous! ani Sɛtanburukalo tile 15 La Tour de Garde kan. Dɛsɛbagatɔ dɔ farikolo ta fan fɛ ani maakɔrɔ dɔ jira minnu bɛ ka telefɔni seereya kɛ.

Sanga 15: An ye baara jumɛn kɛ salon? K’a ta Sɛtanburukalo san 2002 ma ka na a bila Uti kalo san 2003 ma, Jɛkulu ye baara min kɛ o kɔnɔna na, foro baara lakɔlɔsibaga bɛ o yɔrɔ kolomaw lajɛ. A bɛ jɛkulu fo a ka baara ɲumanba kɛlenw la. Kafo lakɔlɔsibaga ye dantigɛli laban min kɛ, o yɔrɔ minnu bɛnnen bɛ k’a fɔ, a bɛ olu fɔ ka fara a kan. Kuntilenna kelen walima fila minnu bɛ se ka waleya san nata la, a bɛ olu fana fɔ.

Sanga 15: “An ka fara ɲɔgɔn kan ka Jehowa bato.”b Baara kɛ ni ɲininkali dilenw ye. Dusu don bɛɛ kɔnɔ u ka ye jamalajɛ don kelen-kelen bɛɛ ka kalan bolodalen na, k’a ta Jumadon sɔgɔmada ma, ka n’a bila Karidon wulada ma. I sinsin nin kan: An bɛ min mɛn, k’o waleya, o nafa ka bon kosɛbɛ ka tɛmɛ kuma lamɛnni dɔrɔn kan. Kɔlɔsili kuma min bɛ sanfɛla la, ni o bɛ Feburuyekalo san 2004 Baara ka lajɛ kan, kuma o kan, ka a jira tuma min na kafoba ka jamalajɛ kalan yɔrɔ kolomaw seginnkanni bɛ kɛ. Dusu don bɛɛ kɔnɔ, u ka kalan yɔrɔ kolomaw sɛbɛn jamalajɛ kɛtuma na.

Dɔnkili 39 ani kuncɛli delili.

Sɛtanburukalo tile 29 nan dɔgɔkun

Dɔnkili 194

Sanga 10: Ladɔnniyaliw ka ɲɛsin sigida ma. Weleweledalaw hakili jigin u k’u ka Sɛtanburukalo baara dantigɛli sɛbɛn di. A fɔ sɛbɛn min bɛ jira Ɔkutɔburukalo la. Ɲɛjirali surun kɛ Bibulu kalan daminɛcogo kan Wajibiya gafenin kan.

Sanga 15: “I ka kɛ kɛwale ɲumanw ɲɛjirabaga ye.”c Baara kɛ ni ɲininkali dilenw ye. Jatigilako Iabɛnna cogo min na, i sinsin a kan ko a nafa ka bon an ka sɔn o la, an yɛrɛ ka nafa kama. A ɲɛfɔ mun na an kelen-kelen bɛɛ taamacogo ɲuman jɔyɔrɔ ka bon kosɛbɛ.

Sanga 20: “An ka majiginlenya fini don an yɛrɛ la.”d Bibulu tɛmɛsiraw bɛ waleya cogo min na, lamɛnbagaw bila u ka o fɔ.

Dɔnkili 224 ani kuncɛli delili.

Ɔkutɔburukalo tile 6 nan dɔgɔkun

Dɔnkili 170

Sanga 10: Ladɔnniyaliw ka ɲɛsin sigida ma. Nin kalo in na, an bɛ cɛsiri kɛrɛnkɛrɛnnenw kɛ walisa ka Bibulu-kalanw daminɛ. Mɛkalo san 2002 An ka Masaya Cidenyabaara ɲɛ fɔlɔ, dakun fɔlɔ lajɛ waati kunkurunnin kɔnɔ.

Sanga 15: “I ka da a la ko fɛn minnu ka kan ka bila jɔyɔrɔ fɔlɔ la ko i ye olu bila jɔyɔrɔ fɔlɔ la.” Jɛmu ani Baro bɛ kɛ ni lamɛnbagaw ye. A sinsinnen bɛ barokun kan min bɛ Sɛtanburukalo tile fɔlɔ san 1998 La Tour de Garde ɲɛw 19-21 la. Ko minnu ka kan ka kɛ kalo nataw la, Ala-ka-marako ta fan fɛ, o kɛdonw fɔ. Dusu don bɛɛ kɔnɔ u ka o donw sɛbɛn u ka donjatelan kan. A ɲini lamɛnbagaw fɛ u k’a fɔ u bɛ mun kɛ walisa u kana alako ta fan fɛ ko si jɛ.

Sanga 20: “Finidoncogo ɲuman bɛ bonyaba da Ala kan.”e O bɛ kɛ maakɔrɔ dɔ fɛ. Baara kɛ ni ɲininkali dilenw ye. Dakun kelen-kelen bɛɛ ka kan ka kalan balimakɛ dɔ fɛ, min bɛna a kan kɔrɔta k’o kɛ. O balimakɛ ka kan ka kɛ kalanjɛkɛla ɲuman ye.

Dɔnkili 26 ani kuncɛli delili.

[Footnotes]