Ladɔnniyaliw

◼ Sɛbɛn jirataw Utikalo la: La route qui mène à la vie éternelle gafenin. Fɛɛrɛ kɛrɛnkɛrɛnnenw ka kan ka tigɛ walisa ka waajulikɛyɔrɔ mumɛ bɛɛ kɛ. N’i y’a boloda ka taa taama na Farafinna jamana dɔ la, a ɲinilen bɛ i fɛ i ka o gafenin hakɛ caman ta i bolo walisa ka o jɛnsɛn kosɛbɛ. Sɛtanburukalo la: La vie : comment est-elle apparue ? Évolution ou création ? Ɔkutɔburukalo la: La Tour de Garde ni Réveillez-vous ! den kelen-kelen. Ni mɔgɔ dɔw y’a jira ko kibaru duman ka di u ye, i ka Wajibiya gafenin jira o tigiw la, ka cɛsiri kɛrɛnkɛrɛnnenw kɛ walisa ka Bibulu-kalanw daminɛ. Nowanburukalo la: Dɔnniya gafe walima Wajibiya gafenin. Ni o sɛbɛnw bɛ mɔgɔw bolo kaban, Adorez Dieu gafe walima sɛbɛn kɔrɔ dɔ bɛ se ka jira.

◼ K’a daminɛ Ɔkutɔburukalo tile 20nan dɔgɔkun na san 2003, an bɛna Adorez le seul vrai Dieu gafe kalan jɛkulu ka gafe kalan na.

◼ Lakɔlɔsibaga ɲɛmɔgɔ, walima mɔgɔ wɛrɛ min sugandira a fɛ, o ka kan ka jɛkulu ka jatew sɛgɛsɛgɛ Sɛtanburukalo tile fɔlɔ la, walima waati dɔɔnin dɔrɔn o kɔfɛ. N’o kɛra tuma min na, jɛkulu ka ladɔnniya o la jatebɔ sɛbɛn nata kalanni kɔfɛ.

◼ San o san, jatebɔ min bɛ kɛ gafew ani sɔn-ni-sɔn gafeninw kan minnu maralen bɛ yen, o ka kan ka kɛ Utikalo tile 31 san 2003, walima o masurun na. O jatebɔcogo ni sisan kalo o kalo jatebɔcogo bɛɛ ye kelen ye, o min bɛ kɛ gafew ko ɲɛnabɔbaga fɛ. Jatew bɛɛ lajɛlen ka kan ka kɛ sɛbɛnw jatebɔsɛbɛn (S-18) kan. Sɔn-ni-sɔn gafenin minnu tɔ tora, olu hakɛ ɲini balimakɛ(w) fɛ min(nu) bɛ sɔn-ni-sɔn gafeninw tilatilali ko ɲɛnabɔ. Jɛkulu min bɛ sɛbɛnw baara kafo ɲɔgɔn kan, o sɛbɛnnikɛla ka kan ka sɛbɛn jateko lakɔlɔsi. Sɛbɛnnikɛla ni jɛkulu lakɔlɔsibagaw ɲɛmɔgɔ bɛna u bolo nɔw bila o jatebɔsɛbɛn kan. Jɛkulu kelen o kelen min bɛ sɛbɛnw ni gafeninw kulu ɲini tɔw tɔgɔla, o bɛna jatebɔsɛbɛn (S-18) den saba sɔrɔ. Sɛbɛnni bɛ sɛbɛnfura fɔlɔ min kan, i k’o ci Tɔn ma, ka kɔn Sɛtanburukalo tile 6 ɲɛ. A filanan ka mara sɛbɛn tɔw cɛ ma. Baara bɛ se k’a kɛ ni sabanan ye jate kɛtuma na.

◼ Jɛkuluw ka kan ka Calendrier des Témoins de Jéhovah 2004 ani Examinons les Écritures chaque jour 2004 ani Annuaire des Témoins de Jéhovah 2004 ɲinini daminɛ kabini sisan u ka kalo nata sɛbɛnw ɲinisɛbɛnfura kan.

◼ Senegali jamana na, baara min kɛra foro la Awirilikalo la, dɔ farala kosɛbɛ o kan bawo lɛrɛ 33 289 kɛra, sɔn-ni-sɔn gafenin 17 432 bilara mɔgɔw bolo, segin-ka-bɔnye 13 797 ani Bibulu-kalan 1 892 kɛra. O ɲɔgɔn hakɛ tun ma deli ka sɔrɔ. Tutigɛbaga farankanw tun ye 200 ye. O la sa, weleweledala minnu tun bɛ waati dafalen baara dɔ la o kalo la, olu bɛɛ lajɛlen tun ye mɔgɔ 339 ye. O ɲɔgɔn hakɛ tun ma deli ka sɔrɔ.

◼ Zuwɛnkalo tile fɔlɔ san 2003, Dakar Nord jɛkulu weleweledala 72 nisɔndiyara bawo u tun ye mɔgɔ 314 ye u ka Masaya So kura dayɛli ɲɛnajɛ la.