Ala-ka-marako Cidenyabaara Kalanso Dalafɔ-seginnkanni — Watchtower BIBILIYOTƐKI INTƐRINƐTI KAN

Ala-ka-marako Cidenyabaara Kalanso Dalafɔ-seginnkanni

Ɲininkali nataw jaabiw bɛna kɛ dalafɔ ye Ala-ka-Marako Cidenyabaara kalanso ka lajɛ la, o min bɛna kɛ Utikalo tile 25 nan dɔgɔkun kɔnɔna na, san 2003. Kalan lakɔlɔsibaga bɛna seginnkanni ɲɛminɛ sanga 30 kɔnɔ. O seginnkanni bɛna sinsin kalanw kan minnu kɛra k’a ta Zuluyekalo tile 5 ka na a bila Utikalo tile 25 la, san 2003. [Kɔlɔsili: Ni ɲininkali dɔ kɔfɛ, yɔrɔ ma fɔ tali bɛ se ka kɛ min na, i ka kan ka i yɛrɛ ka ɲinini kɛ walisa ka jaabiw sɔrɔ.—⁠École du ministère mafilɛ ɲ. 36-7.]

JƐMU KƐCOGO ƝUMANW

1. Nafa jumɛnw b’a la ka mɔgɔw filɛ n’an bɛ ka kuma u fɛ cidenyabaara la? [be ɲ. 125 d. 1-2; ɲ. 125 tiiri kɛlen bɛ ka sɛbɛnni minnu lamini] Ni an bɛ dusumandiya ani bonya lase mɔgɔ ma, o b’a jira u la an ye mɔgɔ sifa min ye. O bɛ se fana ka mɔgɔw dɛmɛ u ka se k’an lamɛn ni hakililatigɛ ye. N’an ye mɔgɔw filɛ cogo bɛnnen na, o bɛ se k’an dɛmɛ ka kuntilenna di baro ma.

2. Ni an jɔrɔlen bɛ sanni an ka bɔ ka taa waajuli la, mun bɛ se k’an dɛmɛ? [be ɲ. 128 d. 4-5] An k’a daminɛ ni labɛnkoɲuman ani Jehowa delili ye fɔlɔ; Jehowa makarila cogo min na hadamadenw na, ka u wele u ka se ka na ɲɛnamaya banbali kɛ Alijɛnɛ kɔnɔ, an ka miiri o la; an k’a ladege ka to ka miiri mɔgɔ tɔw kungow la. A ka kan, an k’an hakili to a la ko bɛɛ kelen-kelen de b’a latigɛ a yɛrɛ ye ka sɔn walima ka ban cikan na. An cira min kama o ye ka waajuli kɛ. (Mat. 24:14; Kɛw. 4:29)

3. Ni an bɛ ka jɛmu kɛ jama ɲɛ fɛ, mun bɛ se k’an dɛmɛ ka kuma i n’a fɔ n’an bɛ ka baro kɛ, ani ka kuma i n’a fɔ an bɛ deli ka kuma cogo min na? [be ɲ. 129 d. 2; ɲ. 129 tiiri kɛlen bɛ ka sɛbɛnni minnu lamini] An ka fɔlɔ ka tugu hakilinataw la sanni k’a fɔ k’an bɛ tugu kuma fɔcogoya kɛrɛnkɛrɛnnenw la. O b’an dɛmɛ ka kuma i n’a fɔ n’an bɛ ka baro kɛ, ani ka kuma i n’a fɔ an bɛ deli ka kuma cogo min na. Ni an ye an ka jɛmu durusi walima ni kofɔtaw cayara kojugu, an kumacogo tɛ kɛ kumacogo ɲɛnama ye.

4. Sariyakolo minnu bɛ Levitike 16:4, 24, 26, 28; Yuhana 13:10; ni Jirali 19:8 la, olu ka kan ka nɔ jumɛn bila an yecogo la, ani mun na o nafa ka bon? [be ɲ. 131 d. 3; ɲ. 131 tiiri kɛlen bɛ ka sɛbɛnni minnu lamini] [7, be ɲ. 131 d. 3; ɲ. 131, tiiri kɛlen bɛ ka sɛbɛnni minnu lamini] Bibulu bɛ dusu don an na walisa an farikolo ni an ka fini dontaw ka saniya, janko n’an bɛ taa bato kɛyɔrɔ dɔ la walima n’an bɛ cidenyabaara la. Kerecɛnya dannakow ani an bɛ seereya kɛ ɲɛnamaya kɛcogoya min ko la, an mɔgɔɲɔgɔnw bɛ jateminɛ kɛ o bɛɛ la, k’a da an yecogo kan.

5. Aw k’a ɲɛfɔ, a bɛ dɔn cogo min na ko mɔgɔ dɔ majiginnen bɛ, ani ko “hakili ɲuman” bɛ a fɛ? (1 Tim. 2:9, 10) [be ɲ. 132 d. 1] Mɔgɔ min b’a yɛrɛ bɛrɛ dɔn walima mɔgɔ min majiginnen bɛ, o tigi ka hami ye a kana tɔw tɔɔrɔ gansan, a kana a yɛrɛ jira cogo la, a ni min man kan. Mɔgɔ min hakili ka bon, o tɛ don tɔw gasi la, o bɛ kow kɛ ni hakili ye. O tigi bɛ Ala ka naamuw labato, k’a jira ko ale labɛnnen bɛ a kama ka Bibulu sariyakolow sirataama a ka ɲɛnamaya la.

KALANSEN FƆLƆ

6. Hali ni kerecɛnw ka kan ka muɲu ɲɔgɔn kɔrɔ, u tɛ sɔn mun ma? (Kol. 3:13) [w01 15/7 ɲ. 22 d. 7-8] Kerecɛnw tɛ sɔn cogo si la tilenbaliyakow la, janko k’u ɲɛ tugu filimakow kan. (Gal. 6:1)

7. Tiɲɛ don wa walima tiɲɛ tɛ?: Jateden i n’a fɔ fɔlɔ, filanan, sabanan olu ye jateden dafalenw de ye. Aw k’a ɲɛfɔ. [si ɲ. 282 d. 24-5] Tiɲɛ tɛ. Jateden min bɛ wele jɔyɔrɔda-jateden, o bɛ jɔyɔrɔda de jira sɛrɛ kulu kɔnɔ, i n’a fɔ: fɔlɔ, filanan, sabanan, nka a tɛ jateden dafalen jira. Misali la, n’a fɔra san kɛmɛ sigiyɔrɔma 21nan, o kɔrɔ tɛ ko san kɛmɛ sigiyɔrɔma 21 dafalen tɛmɛna kaban. Nka jateden dafalen ye hakɛ kuturu de ye.

8. Ŋaniya bɛɛ la ɲuman ye jumɛn ye min bɛ an bila ka Bibulu kalan, mun na a nafa ka bon o ŋaniya ka kɛ an na? [be ɲ. 24 d. 1] Kanuya min bɛ an na ka ɲɛsin Jehowa ma o ye ŋaniya bɛɛ la ɲuman ye min b’an bila k’a ka Kuma kalan. N’an bɛ Jehowa kanu “ni an hakili bɛɛ” ye, o bɛ an bila k’an cɛsiri kosɛbɛ walisa ka Ala dɔnniya sɔrɔ. (Mat. 22:37)

9. Cogo jumɛn na mɔgɔ “hakilitigi bɛ dɔnniya mara”? (Nt. 10:14) [w01 15/7 ɲ. 27 d. 4-5] O tigi ka kan k’a yɛrɛ hakili lafa ni Ala dɔnniya ye, min bɛ dɔ fara mɔgɔ barika kan, ni a bɛ sɔrɔ ‘Kitabu Sɛbɛnni bɛɛ’ kɔnɔ. (2 Tim. 3:16, 17) Sɛbɛnniw dɔnniya ka kan fana k’a dusukun minɛ hakilijakabɔ matarafali sababu fɛ.

10. Mun na Job ka delinakow ɲumanw ka kan ka kɔlɔsi? (Job 1:1, 8; 2:⁠3) [w01 1/8 ɲ. 20 d. 4] Job kɛra mɔgɔ laadiri ye, mɔgɔ tilennen tun don k’a sabu kɛ a delinakow tun ka ɲi. A tun bɛ deli ka sarakalasebagaya kɛ a ka denbaya ye, ka sarakaw bɔ a denw ye. (Job 1:5) Jehowa batoli tun ye delinakow ye minnu tun jɔyɔrɔ ka bon kosɛbɛ Job ka denbaya kɔnɔ.

BIBULU KALAN MIN BƐ KƐ DƆGƆKUN O DƆGƆKUN

11. Mun na ɲɛmɔgɔ kulu mɔgɔw bɛɛ sera ‘ka bɛn a la’ ko mɔgɔ minnu tɛ Yahutuw ye, a kun tɛ olu bolo ka ko walisa u ka kisi? (Kɛw. 15:⁠25) A fɔlɔ kɛra min ye, Piɛrɛ ye Kɔrinɛye n’a ka denbaya tubili ko misali ta k’a lakali ko Ala ye hakili senu di mɔgɔ bolokobaliw ma minnu tɛ Yahutuw ye. (Kɛw.15:7-9) O kɔfɛ Barinabas ani Paul y’a lakali, olu ye ko minnu kɛ siya wɛrɛ mɔgɔw cɛ ma, minnu kɛra dannabagaw ye. (Kɛw. 15:12) A laban na, Yakuba ye Amos 9:11, 12 kofɔ. (Kɛw. 15:13, 16) O cogo la, ko kɛlenw faralen Sɛbɛnni fyɛlenw kan, o sera k’a jira kɛnɛ kan bɛɛ la, koɲɛ tun ka kan ka ɲɛnabɔ cogo min na. [w90 15/6 p. 13 d. 14-15]

12. Mun na ɲɛmɔgɔ kulu y’a ɲini Paul fɛ a ka sɔn ka Musa ka sariya yɔrɔ dɔw sirataama, k’a sɔrɔ Jehowa tun ye dan bila o sariya la kaban? (Kɛw. 21:20-26) [it-1 ɲ. 481 d. 3; it-2 ɲ. 1163 d. 6–ɲ. 1164 d. 1] Musa ka sariya tun ye jamana ka sariya ye Juda. Laada dɔw, minnu kolonsonnen bɛ o sariya la, ni olu tun tɛ kerecɛnw ka sariyakolow kɛlɛ walima ka kerecɛnya dannakow sɔsɔ, kerecɛn fɔlɔw ma kun ye, min b’u bali ka o laadaw labato, o kana na u bila ka u mɔgɔɲɔgɔn hakili tiɲɛ gansan.

13. Nkalon jumɛnw dara Paul kan ni o ɲɔgɔnna fana bɛ da Jehowa Seerew kan bi? (Kɛw. 24:5, 6) [w01 15/12 ɲ. 22 d. 7–ɲ. 23 d. 2] Ciden Paul juguw tun bɛ murutili sɔn da a la, o ye k’a fɔ ko a bɛ jama lamuruti faamaw ma. U tun b’a fɔ fana ko Paul ye jɛ dibilen dɔ kuntigi ye, sabu kerecɛnya dannaya ni Yahutuw ka dannaya sigilenw tɛ sira kelen na. Ka fara o kan, u tun b’a fɔ ko Paul ye Alabatosoba don yɔrɔ sariya sɔsɔ.

14. Hali k’a sɔrɔ a tun minɛlen bɛ san fila a ka so kɔnɔ, Paul kɛra Masaya weleweledala cɛsirilen misali ɲuman ye cogo di? (Kɛw. 28:30, 31) Hali k’a sɔrɔ garadi bilala a kunna k’a lakɔlɔsi a ka so iko kasoladen, o bɛɛ n’a ta, ciden Paul y’a seko kɛ ka waajuli kɛ, ka mɔgɔw “kalan ni jagɛlɛya ye.” K’a to kaso la, a ye Efɛsekaw, Filipekaw, Kolosekaw ani kerecɛn Heburuw ani Filemɔn ka lɛtɛrɛw sɛbɛn hakili senu barika la. [w90 15/6 ɲ. 25 d. 20; Rbi8 ɲ. 15, tabali]

15. Sira jumɛn fɛ “an kunna fangaw” ye ‘Ala ka ko latigɛlen’ ye ani Jehowa Seerew kɛcogo ye mun ye ka ɲɛsin u ma? (Rom. 13:1, 2) [w00 1/8 ɲ. 4 d. 5] A yamaruya dira hadamadenw ka politiki gɔfɛrɛnamanw ma, u ka sigi fanga la waati damadɔ kɔnɔ, Ala sagonata ko hukumu kɔnɔna na. Kerecɛnw b’a bɔ u yɛrɛ la ka kolo o fangatigi ninnu ye, a dan ye Ala ye min dansigi u ye u kana o dan sagon.