Baara Ka Lajɛ Bolodasira

Marisikalo tile 10 nan dɔgɔkun

Dɔnkili 5

Sanga 10: Ladɔnniyaliw ka ɲɛsin sigida ma. Ladɔnniyali latɔmɔlenw ka bɔ An ka Masaya Cidenyabaara kɔnɔ. Baara kɛ ni hakililaw ye minnu bɛ kalo tɛmɛnnenw ka An ka Masaya Cidenyabaara kɔnɔ, walisa ka ɲɛjirali fila labɛn La Tour de Garde ni Réveillez-vous! kuraw jiracogo kan. Ɲɛjirali kelen-kelen bɛɛ la, kuma bɛ kɛ gafenin kelen dɔrɔn kan, nka gafenin fila de bɛ di ɲɔgɔn fɛ.

Sanga 35: “An ka nafa sɔrɔ ka bɔ kafoba ka jamalajɛ la min tɔgɔ ko “Masaya weleweledala cɛsirilenw.” O bɛ kɛ La Tour de Garde kalan ɲɛminɛbaga fɛ. Sanga kelen dantigɛli kɔfɛ, baro ɲɛminɛ ni lamɛnbagaw ye kafoba ka jamalajɛ kalanbolodalen kan. Ɲininkali minnu bɛ barokun kɔnɔ, baara kɛ ni olu ye. I ka waati tila koɲuman. Ɲɛfɔli surunw bɛ se ka kɛ walisa ka mɔgɔw hakili jigin yɔrɔ kolomaw kan. A ɲini lamɛnbagaw fɛ u k’a fɔ u ye min kalan, u ye o sirataama cogo min na, ani u ye nafa minnu sɔrɔ o kɛli la.

Dɔnkili 194 ani kuncɛli delili.

Marisikalo tile 17 nan dɔgɔkun

Dɔnkili 34

Sanga 10: Ladɔnniyaliw ka ɲɛsin sigida ma. Jatew dantigɛli.

Sanga 15: Hakili sɔrɔ i jɛɲɔgɔnw sugandili la. Maakɔrɔ dɔ b’a jɛmu kɛ. O sinsinnen bɛ Feburuyekalo tile 22 Réveillez-vous! san 1997 kan, a ɲɛ 13 nan na, ani Comment raisonner gafe kan, barokun jukɔrɔ min tɔgɔ ko “Les mauvaises compagnies” (Jɛɲɔgɔnya juguw) a ɲɛw 192-3 la. A jira o sariyakolow bɛ sirataama cogo min na denmisɛnninw ni balikuw kan. K’i teriw sugandi mɔgɔw cɛla minnu bɛ Jehowa kanu, ani minnu b’a jira k’u bɛ ka u cɛsiri ka tugu a ka sariyakolow la, nafa minnu bɛ o la, i k’o jira.

Sanga 20: “An ka an jija ko ɲuman kɛli la!”a (Dakunw 1-​12) Baro kɛlen kɔ dakun 6 nan kan, ɲɛjirali surun dɔ fɛ, weleweledala dɔ bɛ baara kɛ ni Yesu ka saya Hakilijigin welesɛbɛn ye walisa ka a somɔgɔ dɔ, a sigiɲɔgɔn dɔ, a lakɔlidenɲɔgɔn dɔ, walima a baarakɛɲɔgɔn dɔ wele ka na Hakilijigin lajɛ la. Ni welesɛbɛnw ma tila fɔlɔ, o bɛna kɛ lajɛ bannen kɔfɛ.

Dɔnkili 19 ani kuncɛli delili.

Marisikalo tile 24 nan dɔgɔkun

Dɔnkili 72

Sanga 10: Ladɔnniyaliw ka ɲɛsin sigida ma. Baara kɛ ni hakililaw ye minnu bɛ An ka Masaya Cidenyabaara in ɲɛ 8 nan na, walima kalo tɛmɛnnenw ta kɔnɔ walisa ka ɲɛjirali kɛ La Tour de Garde ni Réveillez-vous! kuraw jiracogo kan.

Sanga 15: Sigida magow.

Sanga 20: “I cɛsiri ko ɲuman kɛli la!”b (Dakunw 13-​26) O bɛ kɛ Lakɔlɔsibaga ɲɛmɔgɔ fɛ. Baro kɛtuma dakun 14 nan kan, ɲɛjirali surun dɔ bɛ kɛ, min bɛ maakɔrɔ dɔ jira min taara bɔ an balima dɛsɛbagatɔ dɔ ye walisa ka dusu don a kɔnɔ. O kɔnɔna na, maakɔrɔ b’a jira ni ɲumanya ye o balimakɛ bɛ se cogo min na k’a niyɔrɔ kɛ waajuli la, tuma min na Jɛkulu bɛ dɔ fara a ka baara kan Hakilijigin waati la.

Dɔnkili 53 ani kuncɛli delili.

Marisikalo tile 31 nan dɔgɔkun

Dɔnkili 130

Sanga 12: Ladɔnniyaliw ka ɲɛsin sigida ma. Weleweledalaw hakili jigin a la, u ka Marisikalo foro baara dantigɛli sɛbɛn di. Sɛbɛn minnu bɛ jira Awirilikalo la, o fɔ. Ɲɛfɔli kɛ nin barokun kan: “Baara kɛ ni Adorez le seul vrai Dieu gafe ye walasa ka Bibulu kalanw daminɛ.” “Fɛn minnu ka kan ka to an hakili la walisa ka Hakilijigin don ɲɛsigi.” I ka baro kɛ o yɔrɔbaw kan.

Sanga 13: Ko minnu kɛra foro baara la an sigida la. A ɲini jɛkulu fɛ a ka kow fɔ minnu kɛra an ka baaraba kɛtuma na Marisikalo la. U tanu u ka cɛsiriw ko la, ka dusu don u kɔnɔ u k’u niyɔrɔ kɛ cogo dafalen na, ni u bɛ se, Awirilikalo kɔnɔna na.

Sanga 20: “Jehowa ka kan kosɛbɛ ni tanuliba ye.”c Yesu ka saya Hakilijigin nafa ka bon cogo min na, i sinsin kosɛbɛ o kan i ka baro kɔnɔna na. A jira an bɛɛ bɛ se ka tɔw dɛmɛ cogo min na walisa u ka se ka na Hakilijigin na. Fɛn minnu bɛ se ka kɛ walisa balima minnu ye waajuli dabila, olu ka se ka waajuli kɛ kokura, olu fɔ. Fɛn minnu kɛra salon hakilijigin labatoli ko la minnu bɛ dusu don mɔgɔ kɔnɔ, a ɲini lamɛnbagaw fɛ u ka olu dɔw fɔ.

Dɔnkili 173 ani kuncɛli delili.

Awirilikalo tile 7 nan dɔgɔkun

Dɔnkili 191

Sanga 10: Ladɔnniyaliw ka ɲɛsin sigida ma.

Sanga 15: Mɔgɔ bɛ se k’i sinsin Bibulu tɛmɛsiraw kan ka a hakili jakabɔ cogo min na. Baro bɛ kɛ ni lamɛnbagaw ye. An bɛ se ka dɔ fara an seko kan cogo jumɛn na hakilijakabɔ la ni mɔgɔw ye cidenyabaara la? (1) Ka Sɛbɛnniw dɔnniya ɲɛnama, ni dɔnniya dafalen sɔrɔ i kɛtɔ k’i yɛrɛ kalan tuma bɛɛ, ani ka lajɛw matarafa. (2) I bɛ min kalan, ka taasi o la, ka tiɲɛ kow jateminɛ cogo caman na. (3) I kana Bibulu tɛmɛsira ɲɛfɔli dɔrɔn ɲini, nka i k’a ɲini k’a dɔn o ɲɛfɔliw sinsinnen bɛ kun minnu kan Bibulu kɔnɔ. (4) I k’a lajɛ i bɛ se ka Bibulu tɛmɛsiraw ɲɛfɔ mɔgɔ sugu caman ye cogo min na. (5) A lajɛ i bɛ se ka yɔrɔ dɔw ɲɛfɔ ni misaliw ye cogo min na.

Sanga 20: Jehowa Seerew bɛ nɔ ɲuman bila u sigida la. Jɛmu ani baro bɛ kɛ ni lamɛnbagaw ye. Tuma dɔw la, an bɛ sira sɔrɔ k’a ɲɛfɔ mɔgɔw ye, an ka cidenyabaara ni an ka misali bɛ nafa min lase an sigidalamɔgɔw ma. A ɲini lamɛnbagaw fɛ u ka kuma nin yɔrɔw kan: (1) An bɛ mɔgɔw kalan u k’u ka ɲɛnamaya kɛ ka bɛn ni jogoɲumanya sariyakolow ye minnu bɛ Bibulu kɔnɔ. (2) An bɛ mɔgɔw kalan u ka tilennenya sirataama, ka kuntigiw bonya. (3) An bɛ mɔgɔw kalan bɛn ani kelenya ko la mɔgɔw bɛɛ lajɛlen ni ɲɔgɔn cɛ, u siyaw, u ka jamanaw, ani u jɔyɔrɔ mana kɛ fɛn o fɛn ye. (4) An bɛ tɔw dɛmɛ u k’u ka denbaya ka ɲɛnamaya kɛcogo ɲɛ ka taga a fɛ, an kɛtɔ ka dusu don u kɔnɔ u ka Bibulu sariyakolow sirataama. (5) An ye mɔgɔ ba caman dege kalanjɛ ni sɛbɛnni na. (6) An b’an jija ka tɔw dɛmɛ kasaarabaw waatiw la. (7) An jɔyɔrɔ bonyara kosɛbɛ walisa sariyaw labatoli sira fɛ mɔgɔw ka se k’u ka diinɛ sirataama lafiya la, wa, o nafa sera bɛɛ ma​—Prédicateurs gafe ɲ. 699 lajɛ.

Dɔnkili 121 ani kuncɛli delili.

[Footnotes]