Baara ka Lajɛ Bolodasira

Feburuyekalo tile 10 nan dɔgɔkun

Dɔnkili 4

Sanga 10: Ladɔnniyaliw ka ɲɛsin sigida ma. Ladɔnniyali latɔmɔlenw ka bɔ An ka Masaya Cidenyabaara kɔnɔ. Dusu don bɛɛ kɔnɔ, u ka wideyo kasɛti lajɛ, n’o ye ko Les jeunes s’interrogent. . .Comment se faire de vrais amis? Walisa ka Feburuyekalo tile 24 nan dɔgɔkun baara ka lajɛ labɛn. Baara kɛ ni hakililaw ye minnu bɛ ɲɛ 8 nan na walisa ka ɲɛjirali fila labɛn La Tour de Garde ani Réveillez-vous! kuraw jiracogo kan. Ɲɛjirali kelen-kelen bɛɛ la, kuma bɛ kɛ gafenin kelen dɔrɔn de kan, nka gafenin fila de bɛ di ɲɔgɔn fɛ.

Sanga 35: “Aw ka waajuli kɛ ani ka seereya kɛ ka dafa.”a Baara lakɔlɔsibaga de b’a kɛ. Dusu don bɛɛ kɔnɔ walisa minnu bɛ se ka kɛ tutigɛbaga farankan ye Marisikalo ni Awirilikalo la, olu ka se k’o baara kɛ. Mɔgɔ minnu kɛra tutigɛbaga ye salon, Hakilijigin waati la, dusu don olu kɔnɔ u ka kuma. U y’u ka kow labɛn cogo jumɛn na walisa ka kɛ tutigɛbagaw ye? O ye cɛsiri ni yɛlɛma jumɛnw wajibiya u ma? U ye nisɔndiyaw ni dugawu jumɛnw sɔrɔ? Waati bolodacogo min bɛ ɲɛ 4 nan na, o lajɛ. A fɔ ko mɔgɔ minnu b’a fɛ ka kɛ tutigɛbaga farankan ye, olu bɛ se ka tutigɛbagaya baara ɲini sɛbɛnw sɔrɔ lajɛ kɔfɛ.

Dɔnkili 30 ani kuncɛli delili.

Feburuyekalo tile 17 nan dɔgɔkun

Dɔnkili 48

Sanga 10: Ladɔnniyaliw ka ɲɛsin sigida ma. Jatew dantigɛli. Sɛbɛn minnu ka kan ka jira Marisikalo la, olu fɔ. Hakilila minnu bɛ Dɔnniya gafe jiracogo kan, Zanwuyekalo san 2002 An ka Masaya Cidenyabaara farankan kɔnɔ, o hakilila kelen, walima o fila fɔ. I sinsin a kan ko an kuntilenna ye ka Bibulu kalanw daminɛ.

Sanga 15: “Yali i bɛ se k’i ka so labila wa?” Gafe kalan lakɔlɔsibaga dɔ bɛ a jɛmu kɛ. Ɲɛfɔli minnu bɛ Awirilikalo san 2002 ani Feburuyekalo san 1990 An ka Masaya Cidenyabaara ɲininkaliw jaabi barokun yɔrɔ la, olu fɔ ka fara a kan. Gafe kalan kuluw hakɛ min bɛ jɛkulu kɔnɔ, ani mɔgɔ hakɛ min bɛ na olu la, o fɔ. Weleweledala kelen, walima fila b’a fɔ u ye nafa minnu sɔrɔ, katuguni gafe kalan bɛ kɛ u ka so. Mɔgɔ o mɔgɔ b’a fɛ ka a ka so labila o kama, o tigi ka kan k’o fɔ lakɔlɔsibaga ɲɛmɔgɔ ye.

Sanga 20: “I bɛ jɔyɔrɔ fɔlɔ di fɛn jumɛn ma?”b I ka kɔn k’a ɲini weleweledala kelen, walima fila fɛ, u k’a fɔ u ye u ka kow yɛlɛma cogo min na walisa ka dɔ fara u ka cidenyabaara kan.

Dɔnkili 57 ani kuncɛli delili.

Feburuyekalo tile 24 nan dɔgɔkun

Dɔnkili 74

Sanga 10: Ladɔnniyaliw ka ɲɛsin sigida ma. Weleweledalaw hakili jigin u k’u ka Feburuyekalo foro baara dantigɛli sɛbɛn di. Baara kɛ ni hakililaw ye minnu bɛ An ka Masaya Cidenyabaara in kɔnɔ, walima kalo tɛmɛnnen ta kɔnɔ, a ɲɛ 8 nan, walisa ka ɲɛjirali fila labɛn La Tour de Garde ni Réveillez-vous! kuraw jiracogo kan. Ɲɛjirali kelen-kelen bɛɛ la, kuma bɛ kɛ gafenin kelen dɔrɔn de kan, nka gafenin fila de bɛ di.

Sanga 10: “Dɛmɛ, waati bɛnnen na.” Maakɔrɔ dɔ bɛ a jɛmu kɛ. I sinsin a kan ko cɛsiri kɛrɛnkɛrɛnnen minnu bɛ kɛ walisa ka walekɛbaliw dɛmɛ, olu b’a jira ko Jehowa b’a mago don a ka jama na ni kanuya ye.

Sanga 25: “U y’a kunbɛn ni nisɔndiya ye!”c Dakun fɔlɔ la, a to jɛkulu ka kuma dɔw fana fɔ wideyo Les jeunes s’interrogent. . .Comment se faire de vrais amis? kan. O kɔfɛ, sin ka baro daminɛ ni lamɛnbagaw ye, ɲininkali kelen-kelen bɛɛ kan minnu bɛ dakun 2-7 la. Awirilikalo la, an bɛna wideyo Toute la communauté des frères lajɛ.

Dɔnkili 191 ani kuncɛli delili.

Marisikalo tile 3 nan dɔgɔkun

Dɔnkili 14

Sanga 10: Ladɔnniyaliw ka ɲɛsin sigida ma. “Masaya so bibiliyotɛki ko labɛncogo kura” barokun bakuruba fɔ. Masaya so bibiliyotɛki sɛbɛnw koɲɛ bɛ balimakɛ min bolo, o tɔgɔ pereperelatigɛ.

Sanga 15: Sigida magow.

Sanga 20: “Aw ka aw hakili sigi ikomi laban surunyara.”d Dakun 3-4 na, olu sɛgɛsɛgɛli bɛ kɛ tuma min na, a ɲini weleweledalaw fɛ u k’a fɔ u tugulen bɛ kuntilenna minnu nɔfɛ sisan alako ta fan fɛ. Ɲɛfɔli minnu bɛ Adorez Dieu gafe kɔnɔ, a ɲɛ 176 la, olu fɔ ka fara a kan.

Dɔnkili 127 ani kuncɛli delili.

[Footnotes]