U y’a kunbɛn ni nisɔndiya ye
1 Bangebaga Kerecɛnw ye u ka waleɲumandɔn jira ni nisɔndiya ye Les jeunes s’interrogent—Comment se faire de vrais amis? wideyo kasɛti ko la. O waleɲumandɔn bɔra diɲɛ yɔrɔ bɛɛ la. Amerikɛn jamana kan, denfa dɔ y’a fɔ ko a denw ye wideyo lajɛ kaban tuma min na, u makunnen sigilen tora—u ye wideyo fɛn kelen-kelen bɛɛ faamu, ka sɔn o ma. Ka bɔ Malawi, sɛbɛn cilen dɔ y’a jira ko balimakɛ ni balimamuso funankɛninw tun bɛ se k’a faamu bawo u filanw bɛ o degunko kelenw de lase u ma lakɔliso la. Ka bɔ aleman jamana na, denfa dɔ ye nin fɔ wideyo ko la: “Ne hakili la, wideyo kɛra ne ka deliliw jaabi ye.” Funankɛnin musoman dɔ ko: “Ne bɛ aw fo bawo aw ye ne hakili jigin a la ko Jehowa b’a mago don ne na.” Nuwɛl Zelandi jamana maakɔrɔ dɔ ko: “A ye anw ka denmisɛn musomanin dɔ la kelen dɛmɛ a ka segin ka na ɲɛnamaya sira kan.” Muso furulen baliku dɔ kɛlen kɔ ka kasɛti filɛ, a ko: “Ne b’a fɛ denmisɛn o denmisɛn min bɛ tiɲɛ sira kan, o ka se ka wideyo nin filɛ, a ka u bila u ka tiɲɛ kɛ u tɔgɔlafɛn ye.” Denbayaw, mun na aw tɛna o wideyo filɛ kokura? O kɔfɛ, aw ka jɛ ka baro kɛ a kan, ka ɲininkali nataw jaabi:
2 Dantigɛli: Teri sɛbɛ ye jɔn de ye?—Nta. 18:24.
3 Fɛn minnu bɛ teriya bali: Ni i b’a miiri ko i tɔɲɔgɔnw si mago tɛ i la, i bɛ se ka o ko ɲɛnabɔ cogo di? (Fil. 2:4) Mun na i ka kan ka sɔn k’i jogo ɲɛ? Jɔn bɛ se k’i dɛmɛ ka o kɛ? Mun bɛna i dɛmɛ ka teri caman sɔrɔ? O teriw fana bɛ se ka sɔrɔ min?—2 Kɔr. 6:13.
4 Ala fɛ teriya: An bɛ se ka anw ni Jehowa cɛ siraw sinsin ka taga a fɛ cogo di, ani mun na o b’an cɛsiri kun bɔ? (Zab. 34:8) Jɔn bɛ se ka anw ni Ala ka teriya kologɛlɛya kosɛbɛ?
5 Jɛɲɔgɔnjuguw: Jɔn de ye jɛɲɔgɔnjuguw ye? (1 Kɔr. 15:33) Jɛɲɔgɔnjuguw bɛ se ka na ni i ka alamɔgɔya tiɲɛni ye cogo di? Dina ka maana min bɛ Bibulu kɔnɔ, o b’an kalan mun na?—Jen. 34:1, 2, 7, 19.
6 Bi tile kojuguba dɔ: Ikomi teri tun tɛ Tara la, o ye mun kɛ a la? A y’a jira cogo di ko ale fɛ a tun ka ɲi a ka tugu diɲɛ denmisɛnw kɔ? A tun ye a yɛrɛ bila farati jumɛnw na? Mun na a bangebagaw ma a ye ko a tun bɛ farati la, nka hakilinata jumɛn ye a bangebagaw dɛmɛ u ka se ka Tara dɛmɛ a ka kɛnɛya alako ta fan fɛ? An balimamuso tutigɛbaga dɔ kɛra Tara teri sɛbɛ ye cogo di? Mun na Krecɛnw ka kan k’u hakili to Ntalenw 13:20 ani Jeremi 17:9 kumaw na? O ye Tara kalan fɛn nafama jumɛn na?
7 Kuncɛli la: I ye nafa jumɛnw sɔrɔ ka bɔ o wideyo la? I bɛ se ka baara kɛ n’a ye cogo di walasa ka mɔgɔ wɛrɛw dɛmɛ?—Zab. 71:17.