Ala-ka- Marako Cidenyabaara Kalan Ka Seginnkanni Sɛbɛnnen

Kalan min kɛra Ala-ka-marako Cidenyabaara kalan na, k’a ta san 2002 Zanwuyekalo tile 7 dɔgɔkun na fo Awirilikalo tile 22, o seginnkanni, gafew datugulen. A’ ye ɲininkaliw jaabiw di aw se la, u danma sɛbɛnfura dɔ kan.

[Kɔlɔsili: Seginnkanni senfɛ, a’ ye baara kɛ ni Bibulu dama ye. Seereya dilenw dabɔkun ye ka ɲininiw nɔgɔya aw ma. La Tour de Garde ɲɛ ni dakun ma di tuma bɛɛ.]

A’ ye ɲininkali nata bɛɛ kelen-kelen jaabi kɛ Tiɲɛ don walima Tiɲɛ tɛ ye:

1. Waajulikɛla 2:2 la, Solomani b’a fɔ ko an ka kan k’a an yɛrɛ tanga yɛlɛ ni nisɔndiya ma. [Bibulu kalan; w87 15/9 ɲ. 24 d. 5.]

2. Waajulikɛla tɛ kitabu ye ko tiɲɛsira hakilina bɛ min kɔnɔ, nka, Ala ka hakilitigiya bɛ a kɔnɔ, wa, a b’a jira fana ko bɔnɛ kow ye kow ye minnu tɛ Alako jate. [si ɲ. 114 d. 15]

3. Esayi 1:7 la, kira bɛ kuma Juda halakili de kan Ahaz ka fanga kɔrɔ. [Bibulu kalan; ip-1 ɲ. 17-18 d. 16.]

4. Kumasen min bɛ Jirali kɔnɔ, n’o ye ko: ‘U jɔlen bɛ masasigilan ni Sagaden ɲɛ kɔrɔ’, o bɛ sankolo de jira. [rs ɲ. 67 d. 3]

5. ‘Ka Jehowa bonya ni i bolofɛnw ye,’ ni o ye an ka waati, an sekow, an fanga, ani an ka nafolo ye, o bɛ Jehowa ka dugawu caman lase an ma alako ta fan fɛ. (Nta. 3:​9, 10). [w00 15/1 ɲ. 25 d. 1]

6. Esayi 28:21 ka fɔ la, Jehowa ma deli ka “kɛwale min kɛ”, ni a ka kan k’o kɛ an ka waati la, o bɛ siyaw de halakili jira Harmagedɔn [Bibulu kalan; ip-1 ɲ. 295 d. 16; ɲ. 301 d. 28.]

7. Iko Matiyu 24:​38, 39 b’a jira cogo min na, Nuhun tilelamɔgɔ halakila bawo u tun bɛ dumuni kɛ, ka minni kɛ, ka baaraw kɛ minnu ɲɛsinnen bɛ hadamadenw taabolo ma. [w00 15/2 ɲ. 6 d. 6]

8. Mɔgɔ minnu bɛ baara kɛ Jehowa ye ni majigilenya ye, k’a sɔrɔ u ma kɛ nata fana na, olu bɛ fɛn minnu ɲini a fɛ, Jehowa bɛ olu di u ma. [w00 1/3 ɲ. 4 d. 3]

9. “Siyaw minnu kofɔlen bɛ Esayi 60:3 la, olu ye politiki siyaw ye minnu samanen bɛ Ala ka yeelen nɔfɛ. [Bibulu kalan; w00 1/1 ɲ. 12 d. 4.]

10. Jehowa ye Jeremi “saniya” sanni a ka wolo, a kɛtɔ k’a ka badaa siniko latigɛ (Jer. 1:⁠5). [Bibulu kalan; w88 1/4 ɲ. 10 d. 2.]

A’ ye ɲininkali nataw jaabi:

11. Waajulikɛla 11:1 ko ‘i ka i ka dumunifɛn seri baji la’. O kɔrɔ ye mun ye? [Bibulu kalan; w87 15/9 ɲ. 25 d. 12.]

12. Esayi 6:8 la, Jehowa ko tuma min na “anw”, a kan bɛ jɔn ma? [Bibulu kalan; ip-1 ɲ. 93-4 d. 13.]

13. Cogoya jumɛn na “yeelenba” bɔra Galile, ka Esayi 9:2 waleya? [Bibulu kalan; ip-1 ɲ. 126 d.17 lajɛ.]

14. Bi ko jumɛn de bɛ se ka suma ni Babilɔnɛ binni ye san 539 Yesu tile ɲɛ, ani k’a kɛ tomon kolon ye (Esa. 13:​19, 20; 14:​22, 23)? [Bibulu kalan; ip-1 ɲ. 188 d.30-1]

15. Cogoya jumɛn na “jɔnkɛ kantigiman” b’a ka baara kɛ i n’a fɔ “bɛlɛnnikɛla” min kofɔlen bɛ Esayi 21:6 la (Mat. 24:45)? [Bibulu kalan; ip-1 lajɛ ɲ.221-2 d. 111

16. Ntalenw 31:10 bɛ hakilitigiya laadilikan jumɛn di kamalen ma min b’a fɛ ka furu kɛ? [w00 1/2 ɲ. 31 d.1]

17. Kɔrɔbɔ jumɛn ɲɛsinna diɲɛmɔgɔw ka batoli fɛnw ma Esayi 43:9 kɔnɔ? [Bibulu kalan; w88 1/2 ɲ. 16 d. 3 lajɛ.]

18. Kɔrɔ jumɛn na kibaru duman lasebagaw senw “cɛ ka ɲi”? (Esa.52:⁠7) [Bibulu kalan; w97 15/4 ɲ. 27 d. 6]

19. An ka kan ka mun kɛ walasa k’an dusukun bali a k’an bila fili la (Jer.17:⁠9)? [w00 1/3 ɲ. 30 d.4]

20. “Minnu bɛ taama Jehowa ka sira kan” olu ka kan ka mun de kɛ? (Jer. 7:23) [Bibulu kalan; w99 15/8 ɲ. 29 d. 6 lajɛ].

A’ ye nin kumasenw dafa:

21. “Maa hakilitigi dusukun b’a kininbolo fɛ”; kɔrɔ min b’o la, o ye ko kininbolo ye tuma caman na _____ ye; o la a tigi _____ b’a bila ka jogoɲuman ta, wa jogo in bɛ ɲɛ a tigi la (Waaj. 10:2; Mat. 25:33). [Bibulu kalan; w87 15/9 ɲ. 25 d. 9]

22. Solomani ka dɔnkili bɛ laadilikan nafamanw de lase an ma, a dɔ ye Ala ka sariyaw _____ ani _____.[si ɲ. 117 d. 16]

23. Esayi 33:1 kɔnɔkuma bɛ _____ kan, o min ye Juda duguw ci k’a nafolo cɛ, nka se bɛna sɔrɔ a yɛrɛ kan san 632 sanni Yesu ka wolo, wa a bɛ boli ka nafoloba to a kɔ _____ dugu mɔgɔw ye, o minnu na ‘suw dalajɛ i na fɔ ɲɛbɛrɛw’. (Esa. 33:⁠4) [Bibulu kalan; ip-1 ɲ. 343 d. 4; ɲ. 345 d. 6].

24. Ni an ye Esayi 54:1 ni Galasikaw 4:26, 27 suma ni ɲɔgɔn ye, o b’a jira ko “muso min tɛ se ka den sɔrɔ”, o ye _____ bisigi ye, ani ‘tigi ani furucɛ bɛ muso min bolo,’ o ye _____ ye. [Bibulu kalan; w95 1/8 ɲ. 11 d. 8 lajɛ]

25. N’an ka cidenyabaara kɔnɔ mɔgɔw bɛ yɛlɛ an na, walima u bɛ ban k’an lamɛn, an k’an hakili to a la ko tiɲɛ na u ka banni ɲɛsinnen bɛ _____ ma, an ka kuma bɛ bɔ o min yɔrɔ, wa, banni ma kɛ _____ na. (2 Kɔr. 4:1, 7). [w00 15/1 ɲ. 21 dakun 1]

A’ ye jaabi ɲumanw ɲɛnatɔmɔ kumasen nataw kelen-kelen bɛɛ la, ka tiiri ci u jukɔrɔ:

26. A kɛtɔ ka Yesu ka sankolola nɔɔrɔ yeliko lakali, Pol kumana a yɛrɛ kan, ko ale kɛra iko “mɔgɔ min wolola sanni a ba kɔnɔ ka se”, o kuma kɔrɔ ye (ko a bange tantannin tun don hakili senu la; ko a kɔnna ka wele siyaw ka Ciden; ko a tun bɛ iko bonya dara a kan a ka wolo, o kɔrɔ ka lakunun hakilila ɲɛnamaya kama sanni a waati ka se) (1Kɔr. 9:​1, 15:⁠8). [w00 15/1 ɲ. 29 d. 6]

27. “Badaa badaa Fa” tɔgɔ kɔrɔ ye fanga walima sebaaya min bɛ Masiya masakɛlama fɛ ka (alamɔgɔya barika di; ka sankolola sabaliya di; ka dugukolo kan ɲɛnamaya banbali di) hadamadenw ma (Esa. 9:6; Yuh. 11:​25, 26). [Bibulu kalan; ip-1 ɲ. 131 d. 26 lajɛ.]

28. Esayi 66:7 kiraya kuma tiimɛ cogo la bi bi in na, “Denkɛ cɛman” min wolola o ye (Yesu Krista ye; Masiya ka masaya ye; siya kura bangelen san 1919, alako ta fan fɛ). [Bibulu kalan: w95 1/1 ɲ. 11 d. 3 lajɛ.]

29. N’an ye Matiyu 10:28 kalan ni ɲɛmajɔ ye, o b’an dɛmɛ k’a faamu ko jahanama tasumama (ye ɲɛnamaw tɔɔrɔ yɔrɔ ye; ko o ye halakili banbali ye; ko taamasiyɛn don k’a jira ko mɔgɔ mabɔlen bɛ Ala la). [rs ɲ. 128 d. 1]

30. Jeremi 7:28 kiraya kuma tiimɛ cogo la bi bi in na, “jamana min mɔgɔ ma Jehowa kanminɛ, o jamana ye (Babilɔnɛba ye; o ye tɔgɔla Krecɛn fu ye; o ye diɲɛ fangaba wolonwulanan ye). [Bibulu kalan; w88 1/4 ɲ. 18 d. 10 lajɛ.]

Kumasen minnu bɛ duguma a’ ye olu ni tɛmɛsira nataw bɛn ɲɔgɔnmaw ye:

Nta. 24:16; Waaj. 3:11; Esa. 40:8; Rɔm. 10:15; 1 Piɛrɛ 4:⁠6.

31. Ka bɛn a tuma ma, an na a dɔn Ala ye jɔyɔrɔ jɔnjɔn min labɛn a ka baara kelen-kelen ye, a sagonata kɔnɔ. [Bibulu kalan; w87 15/9 ɲ. 24 d. 8 lajɛ.]

32. Minnu salen don Alamɔgɔya ta fan fɛ, kibaru duman weleweledali bɛ olu dɛmɛ ka nimisa yɔrɔ sɔrɔ. [rs ɲ. 63 d. 2]

33. Diɲɛnatigɛ kɔnɔ, dɛsɛ min bɛ mɔgɔ sɔrɔ o tɛ ban, nka mɔgɔ min tugulen bɛ Ala la, o tɛ ɲumankɛ dabila. [w00 1/2 ɲ. 5 d. 1]

34. Ala ka kuma wala a sagonata fɔlen, fosi tɛ se ka se sɔrɔ o kan, k’a bali ka tiimɛ. [Bibulu kalan; ip-1 ɲ. 401 d. 10 lajɛ.]

35. Yesu ka Cidenw ye Esayi ka kiraya kumaw kɛ baarakɛminɛn ɲuman ye u ka cidenya baara senfɛ. [si ɲ. 123 d. 37]