Ka wajuli kɛ—Jusqu’aux extremités de la terre

A ka c’a la, jɔn de bɛna Jusqu’aux extremités de la terre (Fo ka se dugukolo danyɔrɔ bɛɛ ma) kasɛti videyo lajɛ siɲɛ caman caman? Mɔgɔ minnu kuntilenna ye ka kɛ tunga-fɛ cidenw ye. Mun na? Walasa u ka se ka Watchtower ka Bibulu kalanbolo dɔn kosɛbɛ, n’o ye Gileyad ye. Videyo in ye o danma kalanbolo ka san 50 nan sankɔrɔtali ko ye, kalanbolo min sigi kun tun ye ka seereya baara jɛnsɛn fo ka se “dugukolo danyɔrɔ bɛɛ” ma. (Zab. 22:28, ABU) I man’a lajɛ, i ka waleɲumandɔn bɛ bonya ka ɲɛsin baara sɛbɛ ma, n’o ye kibaru duman wajuli ye, wa, a na dusu don i kɔnɔ ka dɔ fara baara kan ka t’a fɛ. I ka nin yɔrɔw jateminɛ: (1) San 1940 nan kɔfɛ, mun kɛra Jehowa ka jɛkuluba haminakoba dɔ ye ? (Kɛw. 1:8) (2) Bibulu ka kiraya kuma kabakoma jumɛn tun bɛ ka timɛ san 1942 nan na; an ɲɛjɔlen tun bɛ min kan, ani diɲɛ mɔgɔw fanba ɲɛjɔlen tun bɛ min kan, danfara jumɛn tun bɛ u cɛ? (Jir. 17:8; w89 15/4 ɲ. 14 d. 12) (3) Sigi kɛra n’a ye ko lafiya waati tun na kɛ Diɲɛ Kɛlɛba Filanan bannen kɔ; o la, kuntilenna jumɛnw sigira sen kan walasa ka nafa bɔ o lafiya waati la? (jv ɲ. 522 d. 1-2) (4) Gileyad kalanbolo kilasi fɔlɔ kalandenw ye mankutu minnu dankɛnɛmaya, olu jumɛnw ka di i ye? (5) Gileyad ka san 50 fɔlɔw kɔnɔ, kalanden joli ye dɔnniya-sɛmɛntiya-sɛbɛn sɔrɔ, ani u cira ka taa jamana joli la? (6) Bibulu kalan tun bɛ kɛ kalandenw kun fo ka se hakɛ jumɛn ma? (7) Mun ka kan walasa mɔgɔ ka kɛ tunga-fɛ ciden ɲuman ni Ala ka Kuma karamɔgɔ ye? (8) Tunga-fɛ cidenw bɛ mun kɛ don o don ani u ka kan ka gɛlɛya jumɛnw kun? (9) Tunga-fɛ cidenw dusukunnataw ye mun ye u ka diɲɛnatigɛ ko la ani u y’u yɛrɛ di cogo min na, o nana ni sewa ye cogo kɛrɛnkɛrɛnnen jumɛnw na? (10) Tunga-fɛ ciden ba caman tun bɛ se ka fɛn jumɛnw kɛ fo ka se bi ma? Misali dɔw di. (11) Balimakɛw ni balimamuso minnu taara fo ka se “dugukolo danyɔrɔ bɛɛ” ma walasa ka wajuli kɛ, e bɛ mun miiri u ko la? (12) Tunga-fɛ cidenw kɛra ɲɛjirabagaw ye cogo min na, o bɛ dusu don i kɔnɔ ka mun kɛ ani kun jumɛn na?