Baara Ka Lajɛw Bolodasira

Nowanburukalo tile 13 nan dɔgɔkun

Dɔnkili 4

Sanga 10: Ladɔnniyaliw ka ɲɛsin sigida ma. Ladɔnniyali latɔmɔnenw ka bɔ An ka Masaya Cidenyabaara kɔnɔ.

Sanga 13: Ɲininkaliw jaabi. Jɛmu don min bɛ kɛ maakɔrɔ fɛ.

Sanga 22: “Magojirabaga minnu sɔrɔla Nouvelles du Royaume No. 36 sababu fɛ, an ka dɔ fara olu ka magojira kan.” Ɲininkaliw ni jaabiw baro dakunw 1-5 kan. Fɛɛrɛ minnu tigɛra walasa ka baara kɛ wajulikɛyɔrɔ la min ma baara fɔlɔ, olu fɔ. Hakilinata minnu bɛ dakunw 7 ani 8 la segin-ka-bɔnyew kan, o fɔ. Nɛjirali dɔ kɛ o kelen-kelen kan. Ka segin ka taa bɔ magojirabagaw bɛɛ ye ani k’an jija ka Bibulu kalanw daminɛ, i sinsin o nafa kan. A laban ni baro ye dakun 9 nan kan ani tɛmɛsira kofɔlenw kan.

Dɔnkili 63 ani kuncɛli delili.

Nowanburukalo tile 20 nan dɔgɔkun

Dɔnkili 111

Sanga 10: Ladɔnniyaliw ka ɲɛsin sigida ma. Jatew dantigɛli.

Sanga 15: Ko kɛlen minnu sɔrɔla Nouvelles du Royaume No. 36 tilatilali la. Jɛkulu sera ka wajulikɛyɔrɔ hakɛ min baara, o fɔ. Yali mɔgɔ dɔ siɲɛ fɔlɔ tun don a k’i sen don wajuli la wa? Mɔgɔw ye kuma ɲuman minnu fɔ an ka wajuli senfɛ, olu fana fɔ. Yali weleweledala dɔw sera ka Bibulu kalanw daminɛ wa? U y’u kɛ cogo min na, u k’o ɲɛfɔ, walima u bɛ se ka ɲɛjirali kɛ o kan. Bɛɛ hakili jigin u ka segin-ka-bɔnyew kɛ walasa ka dɔ fara magojira sɔrɔlenw kan.

Sanga 20: “An ka wajuli kɛ ka t’a fɛ.” Jɛmu, ani mɔgɔ dɔw ɲininkali. Jehowa ka jɛkuluba la, mɔgɔ dɔw b’u timinandiya wajuli baara la u si bɛɛ la. Ikomi hakili ɲuman b’u la, u ye nisɔndiya sɔrɔ o la. (Dɔnniya gafe ɲɛ 179, dakun 20 ani san 1992 Mɛkalo tile fɔlɔ La Tour de Garde ɲɛ 21-2, dakun 14-15 lajɛ.) Weleweledala minnu kisɛyalen tora o la san caman kɔnɔ, kun minnu y’a to u taar’a fɛ wajuli baara la, a ɲini u fɛ, u k’o fɔ.

Dɔnkili 141 ani kuncɛli delili.

Nowanburukalo tile 27 nan dɔgɔkun

Dɔnkili 153

Sanga 10: Ladɔnniyaliw ka ɲɛsin sigida ma. Weleweledalaw hakili jigin u k’u ka Nowanburukalo baara dantigɛli sɛbɛnw di. Desanburukalo sɛbɛn jirata ye Dɔnniya gafe ye ani Traduction du monde nouveau Bibulu. Jehowa Seerew ye baaraba min kɛ Bibulu dilanni na kan caman na, o ɲɛfɔ.​—⁠San 1997 Ɔkutɔburukalo tile 15 La Tour de Garde ɲɛ 11-12 lajɛ.

Sanga 20: Baara ɲuman kɛ ni Comment raisonner gafe ye. Ɲininkaliw ni jaabiw baro ɲɛ 7-8 kan. O gafe b’an dɛmɛ cogo min na walasa an k’an labɛn ka se ka baara nafama kɛ cidenyabaara la, o fɔ. N’an bɛ seereya kɛ telefɔni fɛ, an bɛ se ka baara kɛ n’a ye cogo min na, o ɲɛfɔ. An bɛ se ka kunnafɔni ɲuman sɔrɔ a kɔnɔ cogo min na walasa ka ɲininkali dɔ jaabi, i ka ɲɛjirali dɔ kɛ o kan. Dusu don bɛɛ kɔnɔ u k’a kɔnɔkow dɔn, k’a bila u ka bololabɔrɛ kɔnɔ, ani ka baara kɛ n’a ye tuma bɛɛ cidenyabaara la.

Sanga 15: N bɛ se ka jateminɛ kɛ n ka telewisiɔn lajɛli la cogo di? Maakɔrɔ dɔ bɛ kuma balimakɛ dɔ fɛ min bɛ lɛrɛ caman kɛ don o don telewision filɛli la. A daminɛ na, balimakɛ b’a da gɛlɛya ko kojugu si t’o la. A b’a fɔ ko ɲɛnajɛ gansan sugu dɔ dɔrɔn don, wa, k’o tɛ fɛn jugu si lase a ma. Maakɔrɔ bɛ Les jeunes s’interrogent gafe masalakun 36 ta k’o yɔrɔ kolomaw lajɛ. A b’a ɲɛfɔ ko ka telewision lajɛ ka dama tɛmɛ k’o bɛ waati dun, waati min bɛ se ka kɛ yɛrɛkalan na, walima ka taa cidenyabaara la, walima ka dɛmɛ don jɛkulu magow la. An balimakɛ funankɛ b’a ka waleɲumandɔn jira laadilikan ko la, k’a fɔ k’a ka hakili ta fan fɛ nafa kama, a bɛna a delinakow yɛlɛma telewision ta fan fɛ.

Dɔnkili 175 ani kuncɛli delili.

Desanburukalo tile 4 nan dɔgɔkun

Dɔnkili 189

Sanga 10: Ladɔnniyaliw ka ɲɛsin sigida ma.

Sanga 15: Sigida magow.

Sanga 20:  “Kuma min fɔra ka bɛn a waati ma.” Baro kɛ lamɛnbagaw fɛ, ani ɲɛjiraliw. Mɔgɔ caman ɲɛ na, u tɛ se ka baro daminɛ kosɛbɛ bawo u hakili la u ka kan ka sekolaya kɛrɛnkɛrɛnnenw sɔrɔ walasa ka nɔ ɲumanw sɔrɔ u ka baara la. Mɔgɔ kuraw, ka fara funankɛw kan, an bɛɛ bɛ se ka barow daminɛ n’an b’an cɛsiri tiɲɛ na. Ɲɛjirali minnu kofɔlen bɛ, olu lajɛ. A jira k’a jɛya k’u ka nɔgɔn. Weleweledala fila walima saba k’o ɲɛjiraliw kɛ. I ka san 1998 Marisikalo An ka Masaya Cidenyabaara ɲɛ 8 lajɛ min bɛ sɛbɛn jiracogo nafama wɛrɛw jira. Dusu don bɛɛ kɔnɔ, u ka hakili ɲuman sɔrɔ walasa u ka se ka nisɔndiya caman sɔrɔ u ka cidenyabaara la.

Dɔnkili 218 ani kuncɛli delili.