“San ba kelen kura: I ka siniɲɛsigi bɛna kɛ mun ye?”
1 O ɲininkali bɛ mɔgɔ caman hakili la dugukolo yɔrɔ bɛɛ la. Hali ni hadamadenw ye fɛn caman kɛ san kɛmɛ tɛmɛnenw kɔnɔna na, mɔgɔw jigi tigɛra kunko fɔlɔw ko la minnu ye hadamadenw tɔɔrɔ san ba caman kɔnɔ, n’u bɛ yen hali bi. (Job. 14:1, Zab. 90:10) Hadamadenw bɛ se ka dususaalo sɔrɔ min?
2 Ɔkutɔburukalo ni Nowanburukalo la, an bɛna cogo kɛrɛnkɛrɛnnen sɔrɔ k’o ɲininkali jaabi di an sigiɲɔgɔnw ma. Cogo di? Nouvelles du Royaume No. 36 tilatilali fɛ. A tɔgɔ ye ko: “Un nouveau millénaire—que nous réserve l’avenir?” (San ba kelen kura—I ka siniɲɛsigi bɛna kɛ mun ye?) An bɛna La Tour de Garde ni Réveillez-vous! jira fo Ɔkutɔburukalo tile 15 la. O kɔfɛ k’a ta Ntɛnɛndon Ɔkutɔburukalo tile 16 la, fo ka na se Jumadon Nowanburukalo tile 17 la, an bɛna Nouvelles du Royaume No. 36 tilatila yɛrɛ de. O jɛnsɛnni waati kɔnɔna na, an ka baara bɛna sinsin Nouvelles du Royaume No. 36 tilatilali kan dɔgɔkun donw na. Dɔgɔkun don labanw na, an bɛna u ni sɔn-ni-sɔn gafenin kuraw jira ɲɔgɔn fɛ.
3 Yali i bɛna i ta kɛ o la kosɛbɛ wa? Ikomi maakɔrɔw, cidenyabaara magannaw, ani tutigɛbagaw de bɛ ɲɛfɛ o baara in na, a bɛna diya u ye k’o jɛnsɛnni baara ɲɛminɛ. O kalo kelen, walima o kalo fila kɔnɔna na, a dɔ rɔ weleweledala caman bɛna u ka kow labɛn walasa ka kɛ tutigɛbaga farankanw ye. Mun na i tɛna o kɛ i kuntilenna ye? N’i tɛ se k’o kɛ, i ka fɛɛrɛ kɛ walasa i bɛ waati min kɛ ka kɔrɔ cidenyabaara la, i ka dɔ fara o kan.
4 Jɛkulu ka Gafe Kalan ɲɛminɛbagaw bɛ se ka kɛ sababu ye k’u ka kulu kɔnɔmɔgɔ kelen-kelen bɛɛ dusu lamin walasa u k’u ta kɛ kosɛbɛ Nouvelles du Royaume No. 36 tilatilali la. I b’a sɔrɔ weleweledala dɔw kɛra walekɛbaliw ye wajuli baara la. Maakɔrɔw ka kan ka taa bɔ u ye, k’a lajɛ fɛn min bɛ se ka kɛ walasa k’u dɛmɛ. A dɔ rɔ, fɛɛrɛw bɛ se ka kɛ walasa o kalow kɔnɔna na, weleweledala minnu bɛ se, u ka weleweledala walekɛbali kelen-kelen bɛɛ bilasira foro la. Nouvelles du Royaume No. 36 jiracogo nɔgɔn dɔrɔn bɛ se ka kɛ sababu ye o weleweledalaw ka se ka kɛ walekɛlaw ye ko kura.
5 Bibulu kalanden minnu bɛ ɲini ka tila Dɔnniya gafe la, n’u bɛ cogow dafa walasa ka kɛ weleweledalaw ye minnu ma batise fɔlɔ, o fana bɛna kɛ cogo ɲuman ye olu bolo walasa u k’u sen don cidenyabaara la. Hali funankɛninw bɛ se k’u niyɔrɔba kɛ o baara la.
6 Jiracogo nɔgɔn dɔ bɛ wasa kɛ. I bɛ se k’a fɔ ko:
◼ “Ne ye n ka waati bila a kama walasa ka dɛmɛ don nin sɛbɛn nafama in tilatilali la [dugu walima jamana tɔgɔ fɔ] du kelen-kelen bɛɛ kɔnɔ. Nin y’i ta ye. An b’i deli i k’a kalan.” N’i bɛ Nouvelles du Royaume No. 36 tilatilali la, wajibi tɛ i ka wajuli kɛ bololabɔrɛ ta.
7 Foro baara lajɛ minnu labɛnnen don koɲuman: Maakɔrɔw ka kan k’a lajɛ ni wajuli lajɛw bɛ bɛn balimaw ma. Kɛrɛnkɛrɛnnenya la, baara lakɔlɔsibaga ka kan k’a lajɛ ni wajulikɛyɔrɔ caman bɛ yen du-ni-du baara kama, ani jagokɛyɔrɔw la walasa bɛɛ ka se ka wajuli kɛ cogo dafalen na. N’a bɛ se ka kɛ, baara lajɛw ka kan ka kɛ dɔgɔkun don kelen-kelen bɛɛ la, ani dɔgɔkun laban donw na, ani wuladaninw fɛ fana. Lajɛw bɛ se ka labɛn fitiridaw fɛ lakɔlidenw, mɔgɔ wɛrɛw, ani baarakɛlaw kama minnu ka baara kɛwaati bɛ to ka yɛlɛma-yɛlɛma.
8 Fɛn min bɛ se ka kɛ ni mɔgɔw tɛ u ka so: An kuntilenna ye ka kuma mɔgɔ camanba fɛ. N’i sera so dɔ ma, ni mɔgɔ si tɛ yen, i k’o ladɛrɛsi sɛbɛn, ka segin ka na o yɔrɔ la waati wɛrɛ la. Ni Nouvelles du Royaume No. 36 jɛnsɛnni baara dɔgɔkun laban sera k’a sɔrɔ i ma se k’o mɔgɔw ye, i bɛ se ka kelen bila u ka don da la k’a sutura walasa tɛmɛbagaw kana a ye. Ni jɛkulu bɛ ka baara kɛ kɛrɛfɛ duguw la tuma min na, n’a ka wajulikɛyɔrɔ ka bon fo u bɛɛ tɛ se ka kɛ sɛbɛndenninw jɛnsɛntuma na, a bɛ se ka kɛ ko maakɔrɔw b’a ɲini jɛkulu fɛ a ka Nouvelles du Royaume No. 36 kelen bila mɔgɔw ka sow donda la minnu kɔnɔmɔgɔw tɛ yen.
9 An ka baaraba kɛ! Jɛkuluw ka kan k’u cɛsiri walasa u ka se ka tila u ka wajulikɛyɔrɔ la sanni Nouvelles du Royaume No. 36 jɛnsɛnni baara ka ban Nowanburukalo tile 17 la. N’a y’a sɔrɔ u ka wajulikɛyɔrɔ ka bon, ni farati t’a la, ani n’a bɛ se ka kɛ, weleweledala dɔw bɛ se ka baara kɛ u kelen na. O fɛɛrɛ sababu fɛ, an bɛ se ka mɔgɔ caman lasɔrɔ, mɔgɔ minnu ka kan n’a ye. I k’a sɛgɛsɛgɛ ko mɔgɔ minnu ye mago jira kɛ, k’i ye olu bɛɛ tɔgɔw sɛbɛn.
10 Jɛkulu mago bɛna kɛ sɔn-ni-sɔn gafeninw hakɛ min na ka fara hakɛ kɔrɔlen kan, maakɔrɔw ka kan ka kɔn k’o jateminɛ, ani k’a ɲini ka bɛn o ma. Ikomi Nouvelles du Royaume No. 36 bɛna ci jɛkulu bɛɛ la, a kun tɛ k’o ɲini. Tutigɛbaga kɛrɛnkɛrɛnnenw, basigilenw, ani farankanw bɛɛ bɛna den 200 sɔrɔ walasa k’u tilatila. Jɛkulu weleweledalaw bɛɛ bɛna den 50 sɔrɔ. O la sa, yali i labɛnnen don wa, ani yali i kɔrɔtɔlen don ka baaraba kɛ nin baara kɛrɛnkɛrɛnnen in na wa? Ka se ka cogo di an sigiɲɔgɔnw bɛɛ ma u ka Ala ka layidu talenw dɔn minnu bɛna timɛ sɔɔni, o ye bonya ye an bolo dɛ!