Ala-ka-marako Cidenyabaara Kalan ka seginnkanni sɛbɛnnen
Kalan min kɛra Ala-ka-marako Cidenyabaara Kalan la, k’a ta san 2000 Mɛkalo tile fɔlɔ dɔgɔkun ma fo Utikalo tile 21 ta ma, o seginnkanni, gafe datugulenw. Waati dilen kɔnɔna na, a’ ye ɲininkaliw jaabiw di aw se la, u danma sɛbɛnfura dɔ kan.
[Kɔlɔsili: Seginnkanni senfɛ, a’ ye baara kɛ ni Bibulu dama ye. Seereya dilenw dabɔkun ye ka ɲininiw nɔgɔya aw ma. Ɲɛw ni dakunw da dilen tɛ tuma bɛɛ La Tour de Garde seereyaw la.]
A’ ye kumasen nata bɛɛ kelen-kelen jaabi kɛ Tiɲɛ don walima Tiɲɛ tɛ ye:
1. Jedeɔn ye jaabi min di Efrayim cɛw ma u ka kɛlɛ tigɛ kuma daliluntan ko la, o y’a ka dususumalenya n’a ka majiginnenya jira. O cogo la, a y’u ka kɔrɔfɔli kuma daliluntan kunbɛn koɲuman ka hɛrɛ to u ni ɲɔgɔn cɛ. (Kir. 8:1-3) [Dɔgɔkun Bibulu kalan]
2. Hali ni Manoa y’a fɔ ko ‘u ye Ala ye,’ tiɲɛ yɛrɛ la, ale n’a muso tun ye Ala ka kumalasebaga de ye, kumalasebaga min tun ye hadamaden sawura ta. U ma Ala yɛrɛ ye. (Kir. 13:22) [Dɔgɔkun Bibulu kalan; i ka w88 15/5 lajɛ, ɲ. 23 d. 4]
3. Kiritigɛlaw 5:31 bɛ kuma mɔgɔw ko la mɔgɔ “minnu bɛ i kanu.” O ye kiraya kuma ye min ɲɛsinnen don Masaya ciyɛntabaga 144 000 ma. [si ɲ. 50 d. 28]
4. Ruti ka kitabu furaɲɛ kunkurun si ma sɔrɔ Sɛbɛn melekelenw cɛma minnu sɔrɔla Kɔgɔji Salen yɔrɔ la. [si ɲ. 51 d. 3]
5. Kiritigɛlaw 21:25 kan bɛ waati ma, waati min na Jehowa ye Israɛldenw to u yɛrɛ ma k’a sɔrɔ ɲɛminɛni si tun t’u la. [Dɔgɔkun Bibulu kalan; i ka w95 15/6 lajɛ, ɲ. 22 d. 16]
6. Serubɛn ja dɛsɛlen minnu tun bɛ layidu wagande kan, o tun b’a jira ko Jehowa tun bɛ o yɔrɔ la. Samuɛl ka kitabu fɔlɔ b’a fɔ Jehowa ko la ko “ale sigilen bɛ serubɛnw . . . furancɛ la.” (1 Sam. 4:4, NW ɲɛfɔli) [Dɔgɔkun Bibulu kalan; i ka w81 1/2 lajɛ, ɲ. 29 d. 2]
7. Tuma min na Saul ka kɛlɛdenw ye joli dun k’u to cogo gɛlɛnba la, k’a sɔrɔ u ma ɲangi o la, o b’a jira ko dalilu dɔw bɛ se ka mɔgɔw yamaruya u k’u ɲɛ tugu Ala ka sariyaw kan walasa ka dɔ ni kisi. (1 Sam. 14:24-35.) [Dɔgɔkun Bibulu kalan; i ka w94 15/4 lajɛ, ɲ. 31 d. 7-9]
8. ‛Ka fɛn don mɔgɔ kun ma’, dɔw bolo, o kɔrɔ ye ka mɔgɔ kun saalo walima k’a hakilisonya. Nka, o kɔrɔ bɛ se ka kɛ fana, ka mɔgɔ ladaŋaniya, k’a miiricogo bayɛlɛma hakilijakabɔ sɛbɛ sababu fɛ. (2 Tim. 3:14, 15) [w98 15/5 ɲ. 21 d. 4]
9. “Ɲɛnamaya bɔrɛ” ye Ala ka lakanani n’a ka marali ye, Dawuda tun bɛ se ka min sɔrɔ n’a y’a yɛrɛ bali joli hakɛ ta ma Ala ɲɛ kɔrɔ. (1 Sam. 25:29, NW) [Dɔgɔkun Bibulu kalan; i ka w91 15/6 lajɛ, ɲ. 14 d. 3]
10. Layidu min tara Dawuda ye Masaya ko la, n’a kofɔlen bɛ 2 Samuɛl 7:16 kɔnɔ, o tun ye Si buruju danw sigi, buruju min bɛ taa bila Masiya la. Sariya hukumu kɔnɔ, o y’a seereya ko Dawuda bɔnsɔn dɔ na kuntigiya kɛ fo “badaa.” [Dɔgɔkun Bibulu kalan; i ka w89 1/2 lajɛ, ɲ. 14 d. 21—ɲ. 15 d. 22]
A’ ye ɲininkali nataw jaabi:
11. Zaburu 34:19 bɛ mun jɛya an ye? [w98 1/4 ɲ. 31 d. 2]
12. Yusufu lajamutɔgɔ tun ye Barnabasi ye. O tun bɛ mun de jira? (Kɛw. 4:36) [w98 15/4 ɲ. 20 d. 3, duguma sɛbɛnni]
13. Mun na Bibulu kɔnɔ maana b’a fɔ ko Eli y’a denkɛw bonya ka tɛmɛ Jehowa kan? (1 Samuɛl 2:12, 22-24, 29) [Dɔgɔkun Bibulu kalan; i ka w96 15/9 lajɛ, ɲ. 13 d. 14]
14. Mun na Ruti ka kitabu b’an ka dannaya barika bonya Masaya kun kan layiduw la? [si ɲ. 53 d. 10]
15. Ka kɛɲɛ ni 1 Samuɛl 1:1-7 ye, Samuɛl n’a somɔgɔw kɛra ɲɛjirabaga ɲumanbaw ye cogo jumɛn na? [Dɔgɔkun Bibulu kalan; w98 1/3 ɲ. 16 d. 12]
16. Sira jumɛn fɛ a bɛ se ka fɔ ko ‘nafolo bɛ mɔgɔ lafili’? (Mat. 13:22) [w98 15/5 ɲ. 5 d. 1]
17. K’a sɔrɔ Jonatan tun ka kɔrɔ ni Dawuda ye, a y’a jira cogo jumɛn na k’a tun sɔnnen bɛ Jehowa ka munnen ye, n’o tun ye Dawuda ye, ani o ye mun bisigi ye bi? (1 Sam. 18:1, 3, 4) [Dɔgɔkun Bibulu kalan; i ka w89 1/1 lajɛ, ɲ. 24 d. 4, ɲ. 26 d. 13]
18. Hali ni Job tun ye mɔgɔ “dafalen tilennen” ye, o kɔrɔ tɛ ko mɔgɔ jurumuntan tun don. A ka kitabu b’a jira cogo jumɛn na? (Job 1:8) [w98 1/5 ɲ. 30 d. 7]
19. O kɔrɔ ye mun ye ‛k’an sɛbɛkɔrɔ-jija’? (Luka 13:24, NW) [w98 15/6 ɲ. 31 d. 1, 4]
20. N’an ni mɔgɔ wɛrɛw bɛ baara kɛ ɲɔgɔn fɛ, laadili jumɛn ka kan ka minɛ ni sɛbɛ ye, iko a sɛbɛnnen bɛ 2 Samuɛl 12:26-28 kɔnɔ cogo min na? [Dɔgɔkun Bibulu kalan; i ka w93 1/12 lajɛ, ɲ. 19 d. 19]
A’ ye daɲɛ(w) walima kumasen bɛnnenw kɛ ka kumasen nataw dafa:
21. Jehowa ye Baal batoli ɲangi ni farinya min ye, o ka kan k’an bila k’an yɛrɛw tanga o bɔɲɔgɔnkow ma bi tile in na, n’o ye _________________________ ni _________________________ ni _________________________ ye. (Kir. 2:11-18) [si ɲ. 50 d. 26]
22. Samuɛl ka waati bɛnna _________________________ tile bantuma ma ani _________________________ tile daminɛ ma, waati min kɔnɔna na Israɛl bɔnɛna Jehowa ka nɛɛma na. [si ɲ. 53 d. 1]
23. Ala tɔgɔ, Jehowa, kɔrɔ ye _________________________; o kɔrɔ ye ko jɔyɔrɔ o jɔyɔrɔ wajibiyalen don, Jehowa b’i jɔ o la walasa k’a _________________________. [w98 1/5 ɲ. 5 d. 3]
24. Eli ni Saul fila bɛɛ kɛɲɛna, bawo mɔgɔ fɔlɔ _________________________, mɔgɔ laban ye wale kɛ _________________________ la. [si ɲ. 57 d. 27]
25. Yesu ye ntalen min fɔ Samarika ɲuman ko la, o b’a jira ko mɔgɔ tilennen lakika ye mɔgɔ ye min tɛ Ala ka sariyaw dɔrɔn labato, nka min b’a ka _________________________ fana ladege. (Luka 10:29-37) [w98 1/7 ɲ. 31 d. 2]
A’ ye jaabi ɲuman kɔrɔci kumasen kelen-kelen nataw la:
26. Jehowa ka mankutuba min ye (hakilitigiya; sebaaya; kanuya) ye, o bɛ ye Moab bɔnsɔn (Ruti; Naɔmi; Ɔrpa) sugandili fɛ; fɔlɔ la, a tun ye (Baal; Kemɔs; Dagɔn) batobaga ye, nka a tuubira ka don diinɛ lakika la, ka kɛ Yesu Krista bɛnba dɔ ye. (Mat. 1:3, 5, 16) [si ɲ. 51 d. 1]
27. Kiritigɛlaw ye waati min kɛ Israɛl kunna, o banna tuma min na (Samuɛl; Dawuda; Saul) munna ka kɛ masakɛ ye, ani dɔɔnin o kɔfɛ a kɛlen ka se sɔrɔ (Amɔn bɔnsɔnw; Moab bɔnsɔnw; Filistikaw) kan ni Jehowa ka dɛmɛ ye. (1 Samuɛl 11:6, 11) [Dɔgɔkun Bibulu kalan; i ka w95 15/12 lajɛ, ɲ. 9 d. 3—ɲ. 10 d. 1]
28. (Ciden Pol; a fa; a ba n’a mamuso) de ye Timote ɲɛminɛ k’a kalan “sɛbɛn senumanw” na fo a ka kɛ tunga fɛ ciden ɲuman ni lakɔlɔsibaga ye. (2 Tim. 3:14, 15; Fil. 2:19-22.) [w98 15/5 ɲ. 8 d. 3—ɲ. 9 d. 4]
29. (Dawuda; Samuɛl; Jonatan) denmisɛnma ka cidenyabaara bɛ dusu don funankɛw kɔnɔ k’u sen don cidenyabaara la sisan; ka to o la k’a sɔrɔ i m’i bolobɔ a la fo i ka don laban na, o bɛ se ka mɔgɔw kɔkɔrɔdon, mɔgɔ minnu sɛgɛnnen don kɔrɔya fɛ. [si ɲ. 58 d. 30]
30. Samuɛl ka kitabu filanan bɛ kuma waati min kan, o bɛ daminɛ (san 1077 na ka taa san 1040 na; san 1077 na ka taa san 1037 na; san 1070 na ka taa san 1040 na) kristatile ɲɛ. [si ɲ. 60 d. 3]
A’ ye tɛmɛsira nataw sɛbɛn kumasenw kɔfɛ, minnu bɛ bɛn u ma: Kir. 11:30, 31; 1 Sam. 15:22; 30:24, 25; 2 Mas. 6:15-17; Yak. 5:11
31. Jehowa b’a jɛya k’a bɛna a ka sankolola kɛlɛbolow kɛ k’a ka mɔgɔw lakana ka kɛɲɛ n’a sago ye. [w98 15/4 ɲ. 29 d. 5]
32. Jɛkulu lakɔlɔsibagaw ka kan k’u ka saratikanw labato hali n’o bɛ se k’u tɔɔrɔ walima ka gɛlɛya u ma. [w99 15/9 ɲ. 10 d. 3-4]
33. Ka dafalenya mara kɔrɔbɔli kɔnɔ, o bɛ na ni barajiba ye ka bɔ Ala yɔrɔ. [w98 1/5 ɲ. 31 d. 4]
34. Ala kanuya lakika b’a wajibiya an ma k’a ka bilasirali labato; a dan tɛ dɔrɔn ka sarakaw bɔ a ye. [Dɔgɔkun Bibulu kalan; i ka w96 15/6 lajɛ, ɲ. 5 d. 1]
35. Bi, Jehowa b’a ka waleɲumandɔn dunba jira ka ɲɛsin a ka baarakɛlaw ma, baarakɛla minnu b’u baarakɛɲɔgɔnw dɛmɛ Jehowa ka jɛkuluba la. [Dɔgɔkun Bibulu kalan; i ka w86 1/9 lajɛ, ɲ. 28 d. 4]