Ala-ka-marako Cidenyabaara Kalan ka seginnkanni sɛbɛnnen

Kalan min kɛra Ala-ka-marako Cidenyabaara Kalan la, k’a ta san 2000 Zanwuyekalo tile 3 nan dɔgɔkun ma fo Awirilikalo tile 17 nan ta ma, o seginnkanni, gafe datugulenw. Waati dilen kɔnɔna na, a’ ye ɲininkaliw jaabiw di aw se la, u danma sɛbɛnfura dɔ kan.

[Kɔlɔsili: Seginnkanni senfɛ, a’ ye baara kɛ ni Bibulu dama ye. Seereya dilenw dabɔkun ye ka ɲininiw nɔgɔya aw ma. Ɲɛw ni dakunw da dilen tɛ tuma bɛɛ La Tour de Garde seereyaw la.]

A’ ye kumasen nata bɛɛ kelen-kelen jaabi kɛ Tiɲɛ don walima Tiɲɛ tɛ ye:

1. Ikomi Jehowa b’an ka cogoya dɔn, an kelen-kelen bɛɛ mago bɛ min na, a b’o di a waati bɛɛ la fisaman na. O kosɔn, an ka kan ka makɔnɔni kɛ tuma dɔ la walasa ka Jehowa ka dubaw sɔrɔ. (Zab. 145:16; Yak 1:17) [w98 1/1 ɲ. 23 d. 6]

2. Jehowa ka kankira ka kɛ yen, o dɔrɔn m’a to Israɛldenw ka se sɔrɔ. Kankira tun bɛ mɔgɔ minnu bolo, n’olu cogo tun ka ɲi hakili ta fan fɛ, wa n’u tun bɛ Ala kanminɛ ni kantigiya ye, Jehowa ka duba tun bɛ bɔ o fɛnw de la. (Jos. tila 7 nan) [Dɔgɔkun Bibulu kalan; it-1, ɲ. 160 d. 3]

3. Bi bi in na, an bɛ balo hakili ta fan fɛ n’an bɛ Jehowa ka kuma fɔlenw dɔrɔn kalan. (Dut. 8:⁠3) [Dɔgɔkun Bibulu kalan; w85 15/6 ɲ. 17 d. 15, 17]

4. Ka kɛɲɛ ni sariyakolo ye min jiralen bɛ Musa ka Tɔn na Dutɛrɔnɔmɛ 23:20 na, kanuya tɛ Krecɛn dɔ la n’a bɛ wari juru don mɔgɔ la ka tila ka tɔnɔ dɔ wajibiya o kan. [Dɔgɔkun Bibulu kalan, it-1 ɲ. 1200 d. 7; it-2 ɲ. 653 d. 8; w86 15/10 ɲ. 12 d. 9 lajɛ.]

5. Josue ni Kalɛb ye kunnafoni ɲuman minnu di, olu tun sinsinnen bɛ u ka dannaya kan ka ɲɛsin Israɛldenw ka fanga n’u ka ŋaniya sabatilen ma, ko fɛn o fɛn b’u bali ka dugukolo minɛ, dugukolo min layidu tara, ko Israɛldenw tun bɛna olu bɛɛ kunnasagon. (Nɔn. 13:30) [w98 1/2 ɲ. 5 d. 4]

6. Walasa ka Timote hakili jigin, Pol kan tun bɛ “nilifɛn” min ma 1 Timote la, o tun ye Timote ka munni ye ni hakili senu ye, ani sankolola sara min tun b’a ɲɛ. (1 Tim 4:14) [w98 15/2 ɲ. 25 d. 1]

7. Josue ka kitabu tɛ kunnafoni ɲɛnama si di min sirilen bɛ Masaya si buruju ko la. [si ɲ. 46 d. 24]

8. Mɔgɔ minnu sugandira Israɛl fɛ walasa ka sigi jamana kunna masakɛw ka waati ɲɛ, Kiritigɛlaw ka kitabu ɲɛsinnen bɛ olu ka maana de ma. [si ɲ. 47 d. 2]

9. Iko a ɲɛfɔlen bɛ cogo min na Kiritigɛlaw 6:​37-39 na, Jedeɔn ye fɛn min ɲini, o b’a jira ko mɔgɔ tun don min ɲɛmajɔlen bɛ fo ka dama tɛmɛ, n’a tun bɛ siga-siga kosɛbɛ fana. [Dɔgɔkun Bibulu kalan; w88 1/4 ɲ. 30 d. 6 lajɛ.]

10. Tuma min na Yesu y’a ka kalandenw kalan k’u ‘kana mɔgɔ si poron foli la’, a tun bɛ ka sinsin a kan ko wajuli baara ye kɔrɔtɔko de ye, ko u k’u ɲɛmajɔ kosɛbɛ o baara nafamaba in fɛ. (Luka 10:​4, NW) [w98 1/3 ɲ. 30 d. 5 lajɛ.]

A’ ye ɲininkali nataw jaabi:

11. Mun na nafa b’a la Jehowa ka kuma ka kɛ bangebagaw dusukunw na? (Dut. 6:​5, 6) [Dɔgɔkun Bibulu kalan; w98 1/6 ɲ. 20 d. 4 lajɛ.]

12. Sariyakolo min ɲɛfɔlen bɛ Dutɛrɔnɔmɛ 11:18, 19 na, dutigi bɛ se k’o sirataama cogo di? [Dɔgɔkun Bibulu kalan; fy ɲ. 70 d. 14 lajɛ.]

13. Mun b’a jira Sɛbɛnniw kɔnɔ ko jɔnkɛ Onesime bolilen tun ye waati dɔ kɛ ciden Pol fɛ sanni Pol ka bataki ci Filemɔn ma? [w98 15/1 ɲ. 30 d. 2]

14. N’an ɲɛ bɛ tilenbaliyakow la, walima n’u bɛ an yɛrɛw la, an bɛ se ka mun kɛ walasa an dusu kana tiɲɛ kojugu, walima ka miiri cogo dɔ la min man ɲi? [w98 1/2 ɲ. 6 d. 2-3]

15. Josue ni Jedeɔn ye bonyaba da Ala ka sariya kan cogo di? (Dut. 20:​8, 15-18) [si ɲ. 4 d. 32]

16. Ko minnu ɲɛfɔlen bɛ Josue 10:​10-14 na, ani an bɛ se ka sigi ni min ye Harmagedɔn don na, o kow bɔlen bɛ ɲɔgɔn fɛ cogo jumɛn na? [Dɔgɔkun Bibulu kalan; w86 15/12 ɲ. 12 d. 14 lajɛ]

17. Ka taamacogo ɲuman tanu ni kɔnɔnajɛya ye, o nafa saba fɔ. [w98 1/2 ɲ. 31 d. 5-6]

18. Ka kɛɲɛ ni Josue 20:4 ye, mɔgɔ bɛ boli ka taa kalifadon dugu bisigi la cogo di? [Dɔgɔkun Bibulu kalan; w86 15/12 ɲ. 24 d. 16 lajɛ.]

19. Kiritigɛlaw 5:31 b’a jira ko kiritigɛla Barak ye se min sɔrɔ Sisera ka kɛlɛbolow kan Kisɔn folonba la, ko kɔrɔ b’o la ka ɲɛsin an ka waati ma. Cogo di? [Dɔgɔkun Bibulu kalan; w86 15/12 ɲ. 21 d. 4 lajɛ.]

20. Sariyakolo min bɛ Kiritigɛlaw 7:21 kumasen kɔnɔ, ko ‘u kelen kelen bɛɛ jɔlen tora u ka yɔrɔ la’, an bɛ se ka tugu o sariyakolo la cogo di? [Dɔgɔkun Bibulu kalan; w82 1/9 ɲ. 25 d. 17 lajɛ.]

A’ ye daɲɛ(w) walima kumasen bɛnnenw kɛ ka kumasen nataw dafa:

21. Walasa ka duba caman sɔrɔ ka bɔ Jehowa yɔrɔ, an ka kan ka t’a fɛ ka _________________________, ka Jehowa deli a k’an dɛmɛ k’a ka Kuma fiyɛlen kalansiraw _________________________, ani k’u _________________________. (1 Tim. 4:​8, 9) [w98 1/1 ɲ. 24 d. 6]

22. Musalaka ka go Jehowa ye kosɛbɛ bawo a kun ye _________________________ de ye. _________________________ tɛ, wa _________________________ fana tɛ. Ka fara o bɛɛ kan, _________________________ don. [w98 ɲ. 30 d. 2-3]

23. Josue tɔgɔ kɔrɔ ye _________________________ wa kiraya sira la, a kɛra _________________________ bisigi ye. [si ɲ. 43 d. 5]

24. Ka kɛɲɛ ni Yesu ka misali ye Matiyu 7:​24-27 la, bangebaga hakilimaw bɛ se k’u denw dɛmɛ u jɔlen ka to digiliw la minnu bɛ iko fiɲɛba, n’u ye _________________________ di u ma. O bɛna kɛ sababu ye k’u dɛmɛ u k’u _________________________. [w98 15/2 ɲ. 29 d. 1]

25. Tariku maana min bɛ Kiritigɛlaw ka kitabu kɔnɔ, o bɛ waati kan min bɛ daminɛ _________________________ ka saya la fo _________________________ ka waati la, san _________________________ ɲɔgɔn. [si ɲ. 47 d. 5]

A’ ye jaabi ɲuman kɔrɔci kumasen nata kelen-kelen na:

26. Mɔgɔ dɔ ka fɛɛrɛw tigɛ a ka du ko la n’a bɛna sa, o ye (jɛkulu ka ko ye; a tigi ka ko ye; Krecɛn lakikaw ka wajibiyako ye). (Gal. 6:⁠5) [w98 15/1 ɲ. 19 d. 6]

27. Pol ye dusu don Filemɔn kɔnɔ a ka sɔn (Onam, Onesifɔre, Onesime) na ni ɲumanya ye, nka a m’a ka cidenya jɔyɔrɔ ta ka ci bila a kan ko a k’o kɛ, walima ko a k’a ka jɔn hɔrɔnya. (Flm. 21) [w98 15/1 ɲ. 31 d. 1]

28. Kunnatɔ minnu kɛnɛyara Yesu fɛ, u ka filiba min ɲɛfɔra maana kɔnɔ, o kɛra u ka (dannayabaliya; kanbilali; ɲumandɔnbaliya) ye. (Luka 17:​11-19) [w98 15/2 ɲ. 5 d. 1]

29. Ikomi Jehowa jɛnna ni Rahab ka kɛwale ye, a ye kuma minnu fɔ Jeriko cɛw ye minnu tugura Israɛldenw kolajɛbagaw kɔ, o b’a jira ko (nkalon ye mɔgɔ ka ko latigɛlen de ye; mɔgɔ diyagoyalen tɛ ka kunnafoni jɔnjɔnw di mɔgɔw ma, mɔgɔ minnu yamaruyalen tɛ k’o dɔn; a tun m’a ka diɲɛ jogo bɛɛ yɛlɛma.) (Jos. 2:​3-5; a suma ni Rom. 14:4 ye.) [Dɔgɔkun Bibulu kalan; w93 15/2 ɲ. 25 d. 1 lajɛ.]

30. Iko a ɲɛfɔlen bɛ cogo min na Yuhana 13:5 la, Yesu y’an kalan min na, o bɛ (ɲumanya, faamuya, majiginnenya) de jira, n’o b’a to mɔgɔ bɛ sɔn ka baara majiginen kɛ tɔw ka hɛrɛ kama. [w98 15/3 ɲ. 7 d. 6]

A’ ye tɛmɛsira nataw jɛ ni kumasenw ye minnu bɛ bɛn u ma: Dut. 7:​3, 4; 17:7; 25:​11, 12; 28:3; Jer. 15:20

31. Ikomi bangeminɛnw ko ka bon Dabaga bolo, o ka kan ka nɔ bila Krecɛn ka latigɛli la ka ɲɛsin muso ka bangeliko jateminɛcogo ma. [Dɔgɔkun Bibulu kalan; w99 15/6 ɲ. 28 d. 2-5]

32. An bɛ se ka dannaya dafalen sɔrɔ ko Jehowa b’an kɔkɔrɔdon walasa an k’an ka ci dafa ka Ala ka Masaya kibaru duman kofɔ. [w98 1/3 ɲ. 27 d. 6]

33. Ka sɔn Bibulu ka lasɔminikan ma, o b’an tanga dusukasi kɔmanaw ma minnu bɛ bɔ Krecɛn ni dannakɛbali dɔ ka furu la. [Dɔgɔkun Bibulu kalan; w89 1/11 ɲ. 20 d. 11 lajɛ.]

34. Ka Jehowa ka duba sɔrɔ, a dulonnen tɛ an sigi yɔrɔ la, walima an ka baara kɛ yɔrɔ la, walima an bɛ se ka jɔyɔrɔ min sɔrɔ Ala ka baara la. [Dɔgɔkun Bibulu kalan; w96 15/6 ɲ. 15 d. 15 lajɛ.]

35. Ka ɲɛsin mɔgɔ gɛnni ma, Pol bɛ Sariya kofɔ walasa ka fanga di a ka kumaw ma minnu bɛ 1 Kɔrɛntekaw 5 la. [Dɔgɔkun Bibulu kalan; si ɲ. 213 d. 24]