An ka Daniɛl ka kiraya kuma kalan
1 K’a daminɛ Awirilikalo tile 7nan dɔgɔkun na, an bɛna Prêtons attention à la prophétie de Daniel! (An k’an jan to Daniɛl ka kiraya kuma na) gafe kalan jɛkulu ka gafe kalan na. Mɔgɔ caman ye o gafe duman in kalan kaban. Nka sisan, cogo b’an bolo ka nafa sɔrɔ a la kulu ka baro fɛ. Mɔgɔw bɛɛ welelen don o la: weleweledalaw, magojirabagaw, ni denmisɛnninw. A ɲininen bɛ bɛɛ fɛ u ka na o gafe kalan in na dɔgɔkun o dɔgɔkun. O kalan sinsinnen bɛ Daniɛl ka kitabu de kan n’o bɛ sɔrɔ Bibulu kɔnɔ. A kalan kɔrɔ ka dun kosɛbɛ.—Dut. 31:12, 13.
2 Kalan bolodasira n’a ɲɛbilakumaw: Daniɛl ka kiraya kuma gafe kalan bolodasira mumɛ bɛ sɔrɔ An ka Masaya Cidenyabaara in kɔnɔ. I bɛna gafe min kalan, i ka gafe kalan bolodasira dɔ mara o kɔnɔ. Daniɛl ka gafe masalakun, n’a dakunw, ani Daniɛl ka kitabu tilayɔrɔdennin minnu bɛna kalan dɔgɔkun o dɔgɔkun, olu bɛɛ bɛ sɔrɔ kalan bolodasira la. Kunnafoni wɛrɛ minnu bɛ sɔrɔ gafe kɔnɔ, olu bɛna sɛgɛsɛgɛ cogo min na, ani tuma min na, o dilen don fana kalan bolodasira la. Daniɛl tɛmɛsira dɔw bolodalen bɛ dɔgɔkun o dɔgɔkun. A ɲininen bɛ kalan ɲɛminɛbaga fɛ a ka segin o tɛmɛsiraw kan kulu fɛ kalan bɛɛ kelen-kelen laban tuma na. Ni waati bɛ sɔrɔ, tilayɔrɔdenninw bɛ se ka kalan, k’u ɲɛfɔ. Tilayɔrɔdennin dɔw ɲɛfɔli bɛ se ka dɔgɔkun fila ta bawo u sɛgɛsɛgɛli n’u waleyacogo b’o wajibiya.
3 I labɛn kalan mumɛ bɛɛ kama: Cɛsiri kɛra ka kalan hakɛ bɛnnen boloda walasa dɔgɔkun o dɔgɔkun kalan kɛta ka kɛ ka bɛn waati dilen ma k’a sɔrɔ a ma kɛ ni kɔrɔtɔ ye. Kalansen naani ka surun. O kosɔn, Zuwɛnkalo tile 5nan dɔgɔkun kalan bannen kɔ, kalan ɲɛminɛbaga bɛ se ka segin Daniɛl 2:1-40 kan. Zuwɛnkalo tile 26nan dɔgɔkun na, a bɛ se ka segin Daniɛl 3:1-30 kan. Sɛtanburukalo tile 4nan dɔgɔkun na, segin bɛ kɛ gafe ɲɛ 139 jaw ani a Bibulu tɛmɛsiraw mumɛ kan. Ɔkutɔburukalo tile 2nan dɔgɔkun kalan na, baro ka kan ka kɛ katimu kan minnu bɛ gafe ɲɛw 188 ni 189 na.
4 Dɔgɔkun o dɔgɔkun, i k’i labɛn koɲuman kalan kama, ani ka nisɔndiya sɔrɔ ka jaabi di. Bonya min b’i bolo k’i fara Jehowa ka jɛkuluba yeta kan, ani ka nafa sɔrɔ dɔnniya ni faamuyali la minnu bɛ di mɔgɔ munnen kantigiw fɛ, o ko ka bonya i bolo. (Dan. 12:3, 4) Ni ɲumanya ye, dusu don tɔw kɔnɔ walasa u ka gafe kalan matarafa. An kelen kelen bɛɛ k’an jan to Ala ka kiraya kuma na min jirala Daniɛl ka kitabu ɲumanba in kɔnɔ.—Heb. 10:23-25; 2 Piɛ. 1:19.