Ladɔnniyaliw

◼ Zanwuyekalo la: Ɲɛ 192 gafe fɛn o fɛn min bɔra san 1987 ɲɛ, n’u maralen bɛ se ka sɔrɔ jɛkulu bolo. N’o gafew tɛ jɛkulu minnu bolo, u bɛ se ka La vie: comment est-elle apparue? Évolution ou création? gafe walima I bɛ se ka nyɛnamaya kɛ fɔ abada alijana kɔnɔ dugukolo kan gafe jira. Feburuyekalo la: Le secret du bonheur familial, walima ɲɛ 192 gafe fɛn o fɛn minnu maralen bɛ se ka sɔrɔ jɛkulu bolo. Marisikalo la: Dɔnniya min bɛ na ni ɲɛnamaya banbali ye. Cɛsiri kɛrɛnkɛrɛnnen ka kɛ walasa ka sokɔnɔ Bibulu kalan daminɛ. Awirilikalo la: La Tour de Garde ni Réveillez-vous! Wajibiya gafenin ka sɔrɔ magojirabagaw ye. Cɛsiri ka kɛ walasa ka so kɔnɔ Bibulu kalanw daminɛ.

◼ Zanwuyekalo tile 10 nan dɔgɔkun ka Baara ka lajɛ la, weleweledala batiselen minnu bɛɛ bɛ yen, u bɛna se ka “Instructions médicales/ Pas de sang” sɛbɛn sɔrɔ ka fara documents d’identité médicaux kan u ka denmisɛnw ye.

◼ Kafo lakɔlɔsibagaw ka foroba jɛmu kura bɛna kɛ nin ye: “Harmagedɔn kɛlɛ: mun na, ani waati jumɛn na?” A bɛ daminɛ Feburuyekalo la, wa a kɛli mɛnnenba ye Marisikalo tile 5 ye.

◼ Jɛkuluw ka kan ka labɛn bɛnnenw kɛ walasa ka Hakilijigindon labato Arabadon, Awirilikalo tile 19, tile binnen kɔfɛ. Hali ni jɛmu bɛ daminɛ tilebin ɲɛ, Hakilijigindon taamasiyɛnw man kan ka tɛmɛ fɔ tile binnen kɔfɛ. Walasa k’a dɔn tile bɛ bin tuma min na aw ka yɔrɔ la, aw ka sɛgɛsɛgɛli kɛ sigida kunnafoniw sɔrɔyɔrɔw la. Hali n’a y’a sɔrɔ k’a ka fisa jɛkulu kelen-kelen bɛɛ k’a yɛrɛ ka Hakilijigindon labatoli kɛ, o tɛ se ka kɛ tuma bɛɛ. Yɔrɔ minnu na jɛkulu hakɛ dɔw bɛ jɛ Masaya So kelen na tuma caman na, a dɔ rɔ jɛkulu kelen walima caman bɛ se ka yɔrɔ wɛrɛ sɔrɔ o su koɲɛ kama. O bɛ se ka kɛ yɔrɔ min na, an b’a fɛ ka hakilina di ko sanga 40, o y’a dɔgɔyalenba ye, o de ka kan ka don lajɛw ni ɲɔgɔn cɛ, walasa ka nafa dafalen bɔ o waati la ka nabagaw fo, ka mɔgɔw dusu lamin, mɔgɔ minnu ye mago jira kɛ kɔsa in na. Fɛn minnu fana ka kan ka jateminɛ, o ye bolifɛnkow ani u jɔyɔrɔko ye, ka fara mɔgɔw jiginni ni u tali kan. Maakɔrɔw kulu ka kan ka fɛɛrɛw latigɛ, fɛɛrɛ minnu ye u bɛɛ la fisamaw ye sigida la.

◼ San 2000 Hakilijigindon waati ɲɛkɔrɔ, foroba jɛmu kɛrɛnkɛrɛnnen bɛna di Karidon na, Awirilikalo tile 16. Jɛmu kumakun bɛna kɛ nin ye: “Kun min na hadamadenw mago bɛ kunmabɔnafolo la.” Jɛmu yɔrɔw labɛncogosɛbɛn bɛna di. Kafo lakɔlɔsibaga ka bɔnyeli, walima kafo ka jamalajɛ, walima don kelen jamalajɛ kɛrɛnkɛrɛnnen bɛ jɛkulu minnu bolo o dɔgɔkun laban na, olu bɛna jɛmu kɛrɛnkɛrɛnnen kɛ dɔgɔkun na min dalen bɛ o kan. Jɛkulu si kana a ka jɛmu kɛrɛnkɛrɛnnen kɛ san 2000 Awirilikalo tile 16 don ɲɛ.