Dugukolo yɔrɔ bɛɛ la, an ka mɔgɔw ladɔnniya Jehowa tɔgɔ la
1 Tuma min na Yesu ye ci bila a ka kalandenw kan ka kɛ a ka seerew ye fo “dugukolo dan bɛɛ la,” a tun ye misali di u ma kaban walasa u ka tugu o la. (Kɛw. 1:8) Yesu tun bɛ mɔgɔw sɔrɔ waati o waati la, ani yɔrɔ o yɔrɔ la, a tun bɛ kuma Ala kuntilenna kan ka ɲɛsin hadamadenw ma. Jɔnkɛ dannamɔgɔ kulu fana bɛ Yesu ladege ka baara kɛ ni sira caman ye walasa Jehowa tɔgɔ ka ‘dɔn dugukolo yɔrɔ bɛɛ la.’—Esa. 12:4, 5.
2 Mun de kɛra don tɛmɛnenw na: San tɛmɛnenw na, ka ɲɛsin Ala ka Kuma ma, barokunw bɔra kibarusɛbɛnw kɔnɔ. “Photo-Drame de la Création” (Ja labɛnnenw dali kan) jirala mɔgɔ miliyɔnw na. Baara kɛra ni mobiliw ye kumajɛnsɛnnan bɛ minnu na. Baaraba kɛra ni phonograhe (fono) ye, ani waati dɔ la ni arajo fana ye. O ko bɛɛ kɛra walasa ka kibaru duman weleweleda. Tiɲɛ don ko sinsin kɛra min kan fɔlɔ, tuma bɛɛ la, o ye ka kuma mɔgɔ kelen-kelen fɛ walasa mago bɛnnen ka se ka don magojirabaga sɔrɔlen na. O la sa, du-ni-du baara kɛra sira nafama ye walasa ka mɔgɔw ladɔnniya Jehowa tɔgɔ la yɔrɔ bɛɛ la.—Kɛw. 5:42.
3 Mun bɛ ka kɛ an ka donw na: Ikomi waatiw yɛlɛmana, diɲɛ nana don senna teliya waati la. Yɔrɔ caman na mɔgɔw sɔrɔ man di u ka so. Ka waati ta ka hakili ta fan fɛ fɛnw kalan, ka taasi o la, mɔgɔ minnu samanen bɛ o fɛ, olu ka dɔgɔ. O de la, an ka kan k’an ka cidenyabaara kɛ ka kɛɲɛ n’o ko ye. An ka t’a fɛ k’an ka danyɔrɔ kɛ du-ni-du baara la. Ka fara o kan, dusu donna an kɔnɔ walasa mɔgɔw bɛ sɔrɔ yɔrɔ o yɔrɔ la, an ka taa o yɔrɔw la. An “labɛnnen ka sɔrɔ tuma bɛɛ” walasa jigiya min b’an kɔnɔ, an ka se k’o lafasa. (1 Piɛ. 3:15) O kɔrɔ ye k’an cɛsiri ka wajuli kɛ an baarakɛɲɔgɔnw, an kalandenɲɔgɔnw, ani mɔgɔw fɛ an bɛ mɔgɔ minnu bɛn siraw kan. K’o kɛ mobiliw jɔyɔrɔw la, bitiki ni bitiki, ani yɔrɔ dɔ wɛrɛw la mɔgɔw bɛ se ka sɔrɔ yɔrɔ minnu na. Ikomi Jehowa bɛ k’an kɔkɔrɔdon, an bɛna dondala sɔrɔ an ka cɛsiriw la. Yali i bɛ ka i niyɔrɔ kɛ walasa ka mɔgɔw lasɔrɔ u bɛ yɔrɔ o yɔrɔ la wa?
4 Sira o sira min bɛ se ka sɔrɔ, an kelen-kelen bɛɛ k’o ɲini walasa ka mɔgɔw ladɔnniya Jehowa tɔgɔ la an ka danyɔrɔ la. Ikomi an jigi dalen bɛ Jehowa kan walasa ka mɔgɔ dusukun tilennenw sama, n’an b’an ka cidenyabaara kɛ k’a dafa, an bɛ se ka nisɔndiyaba sɔrɔ o la.—Yuh. 6:44.