Yali i bɛna taa sigi yɔrɔ wɛrɛ la wa?

Ni nin ɲininkali jaabi ye ɔwɔ ye, fɛn caman de bɛ yen, e ani mɔgɔ wɛrɛw ka kan ka min bɔ aw yɛrɛw la k’a kɛ. Fɛn fɔlɔ minnu ka kan ka kɛ, olu jiralen bɛ dakun nataw la. N’i tugura olu la, i bɛna basigi joona i ka jɛkulu kura kɔnɔ.

(Fɔlɔ) N’i y’a dɔn kaban k’i bɛna taa, a dɔ rɔ, i ka jɛkulu sɛbɛnnikɛla bɛ se ka jɛkulu kura ka Masaya So ladɛrɛsi sɔrɔ. N’i sera o yɔrɔ la dɔrɔn, Masaya So yɔrɔ ɲini, ka jɛya jɛkulu lajɛw kɛwaatiw la. N’a y’a sɔrɔ jɛkulu kelenpe dɔrɔn tɛ lajɛ kɛ Masaya So kɔnɔ, maakɔrɔw ɲininka u k’a fɔ i ye i sigilen bɛ jɛkulu min danyɔrɔ la. I kana mɛn k’a sɔrɔ i ma taa lajɛw la, ka dɔnbagaya don e ni jɛkulu maakɔrɔw cɛ.

(2nan) I bɛ bɔ jɛkulu min na, ani i bɛ taa min na, olu sɛbɛnnikɛla fila bɛna e n’i ka denbaya ka Weleweledala Baara Dantigɛli sɛbɛnw ciliko ɲɛnabɔ. Kofɔli bataki bɛna ci fana i ka jɛkulu kura maakɔrɔw ma. (San 1991 Feburuyekalo Ministère du Royaume Réponses à vos questions yɔrɔ lajɛ.) O yɔrɔ jɛkulu ka Baara Kulu mɔgɔw ka kan ka gafe kalan ɲɛminɛbaga bɛnnen ladɔnniya i naliko la walasa a ka se k’i ye, k’i dɛmɛ i k’i ka gafe kalan kɛyɔrɔ kura dɔn.—Rom. 15:⁠7.

(3nan) I ka jɛkulu kura weleweledala bɛɛ bɛ se ka dɔ kɛ ni nisɔndiya ye walasa u ka dɔnbagaya don e n’u cɛ, k’a kɛ cogo la fana min b’a to i b’a ye k’i nali diyara u ye. (A suma ni 3 Yuhana 8 ye.) A jɛlen don k’o kɔrɔ ye k’i ka kan ka kɛ lajɛw la walasa e n’i balimakɛw ni balimamusow ka se ka ɲɔgɔn dusulamin, ka ɲɔgɔn barika bɔnya fana.

(4nan) I man kan ka jɔ fo i ka yɛlɛmani baara bɛɛ ka ban pewu k’a sɔrɔ k’i sen don foro baara la n’i ka jɛkulu kura mɔgɔw ye. N’i bɛ Masaya kunkankow bila jɔyɔrɔ fɔlɔ la, fɛn tɔw bɛna ɲɛnabɔ, wa i bɛna lafiya kosɛbɛ i sigiyɔrɔ kura la. (Mat. 6:33) N’i basigira i ka so kura kɔnɔ tuma min na, siga t’a la k’i bɛn’a ŋaniya ka jɛkulu kɔnɔ mɔgɔ damadɔw wele ka na i bara walasa aw ka ɲɔgɔn dɔn koɲuman.—Rom. 12:13b.

Ka taa i sigi yɔrɔ wɛrɛ la, o ye koba de ye. Nka, o ko bɛ mɔgɔ min kun kan, ni fɛn minnu ɲinina, n’a bɛ olu kɛ, hakili ta fan fɛ ɲɛtaakow tɛna sumaya. Mɔgɔ bɛɛ minnu sen b’o ko la, an ka balimaya kanu, Krecɛnya sira la, o bɛ nɔ ɲuman to olu bɛɛ la.