Traduction du monde nouveau jirali
1 “[Traduction du] monde nouveau y sɔrɔfɛn nafamaba ye. Barika b’a la ani a bɛ iko a ɲɛnama don, wa a bɛ kalanbaga bila ka miiri ani ka sɛgɛsɛgɛli kɛ. San fɛ Kiri (Haute Critique) ka baara tɛ, nka dɔnnikɛlabaw ta don, dɔnnikɛlaba minnu bɛ Ala n’a ka Kuma bonya.” Nin cogo de la Heburukan ni Gɛrɛkikan ɲɛfɔla dɔ kumana. An sɔnna a ka fɔta ma. An bɛ se cogo di ka tɔw dɛmɛ ka kɛ n’o koɲumandɔn ɲɔgɔn ye Traduction du monde nouveau ko la, tuma min na an bɛna ale ni Dɔnniya gafe jira ɲɔgɔn fɛ Desanburukalo la?
2 Mɔgɔ dɔw bɛ se k’a fɔ ko: ”Kabini tuma jan Bibulu bɛ an bolo. An mago ma se dɔ wɛrɛ ma.” An ka baara ye k’u dɛmɛ u k’a ye ko Traduction du monde nouveau tɛ Bibulu wɛrɛ ye dama. Daɲɛw kɔrɔjɛ bayɛlɛmali de don sisan kuma cogo la, n’a bɛ sɛbɛn bakolo kɔrɔ jɔnjɔn jira. Misali bɛ se ka di a ka mankutuba ɲɛ dɔ kan, an kɛtɔ k’a jira ko “Waaro” daɲɛ (Bible de Darby) kɔnɔ, o yɛlɛmanna ka kɛ “dumuniminɛn” ye (Traduction du monde nouveau) kɔnɔ, Luka 2:7nan na.
3 O bɛɛ n’a ta, Bibulu kalanbagaw man ca kosɛbɛ; mɔgɔ minnu bɛ Bibulu sariyakolow faamu ka ɲɛsin don o don ɲɛnamaya kow ma, olu hakɛ ka dɔgɔ n’a kalanbagaw ye. U mago b’a la k’a dɔn ko Ala ka Kuma bɛ se ka nɔ ɲuman bila u ka ɲɛnamaya la; a bɛ laadilikan minnu di laadiriya ni jogo ni denbaya ka diɲɛnatigɛ kan, olu bɛ se k’u dɛmɛ ka bi kunkow kunbɛn. O bɛna se ka kɛ cogo di?
4 Ɲɛjirali misali: “N’i ye jogo ɲumanw yɛlɛma cogo teliman lajɛ bi, siganna min bɛ sini ko la, k’o fana lajɛ, yali i bɛ sɔn a ma ko an mago bɛ danna bilasirali fɛn na an balo cogo ko la wa? [Jaabi makɔnɔ.] Hali k’a sɔrɔ kitabu kɔrɔba don, Bibulu bɛ laadilikan ɲuman di ka ɲɛsin bi balicogo ni denbaya ni diɲɛnatigɛ hɛrɛmaw ma.” O kɔ, i ka masalakun 2nan ta Dɔnniya gafe kɔnɔ, ka dakun 10nan kalan ka fara dakun 11nan kumasen fɔlɔ ni 2 Timote 3:16, 17nan kan. Ni mago jira kɛra, i ka Dɔnniya gafe kofɔ, k’an ka sokɔnɔ Bibulu kalan sarabɔbali bolodasira ɲɛfɔ, ka ban ka Traduction du monde nouveau jira. N’i b’a miiri k’a ka fisa ka kalan daminɛ Wajibiya gafenin kan, i bɛ se k’a kɛ ten. I bɛ se ka kuma kuntacogo bɛnnen wɛrɛw sɔrɔ Comment raisonner gafe kɔnɔ, a ɲɛ 9nan-15nan na.
5 An k’an ka koɲumandɔn jira Traduction du monde nouveau kabakoman ko la. An bɛ se k’o ka an kɛtɔ k’a jira ni dusukisɛya ye Desanburukalo la.