Koduman minnu sɔrɔla an ka kafoba ka jamalajɛ la

¹ A kalo damadɔw de filɛ nin ye, an tun b’an labɛn na ka kɛ san 1998 kafoba ka jamalajɛ la. O jamalajɛ dɔw kɛra jamanaw ni ɲɔgɔn cɛ jamalajɛw ye. A kumakun tun ye “Ala ka sira bɛ na ni ɲɛnamaya ye”. An ye waati duman minnu kɛ o jamalajɛw la, an hakili b’olu la sisan. O lajɛbaw ye hakili ta fan fɛ dumuni ɲuman caman minnu di an ma, an y’olu diyabɔ.

² O jamalajɛw y’an nisɔndiya kosɛbɛ ɲinan, ka d’a kan u ye jamanaw ni ɲɔgɔn cɛ jamalajɛw cogo ta. A kɛra ko misiɔnɛriw, walima ko jamana wɛrɛw cidenw tun bɛ yen wo, walima k’u tun tɛ yen wo, an bɛɛ ye ko kɛlen ɲumanw lamɛn Jumadon wuladafɛ kalan na, n’o kumakun tun ye “Tunga fɛ cidenya baara” ye. “Sumantigɛ ka ɲɛtaa dantigɛliw” ka bɔ diɲɛ yɔrɔ bɛɛ la, o kuma fɔra don o don. O fana y’an dusu lamin kosɛbɛ.

³ Fɛn kura ɲumanw: Jumadon jɛmu laban kumakun ye ɲininkali dɔ lawuli. Mɔgɔ caman minnu tun tɛ tiɲɛ dɔn, u tun y’u yɛrɛ ɲininka o la. O ye ko: “Yali ɲɛnamaya dɔ bɛ yen saya kofɛ wa?” Walisa k’o jɛmu duman in laban, gafenin kura dɔ jirala: Que devient-on quand on meurt? (Mun bɛ kɛ n’an sara?) Siga t’a la k’an y’a kalan, k’a ye k’a bɛna kɛ fɛn nafama ye walisa ka tiɲɛ jira mɔgɔw la, mɔgɔ salenw lahaalaya ko la. Mɔgɔ minnu fana bɛ sukasi la, a b’olu dusu saalo lakununni jigiya sababu fɛ.

⁴ Sibiridon jɛmu laban kumakun tun ye ko: “Dabaga: a jogo ani a ka siraw”. O nana n’an ye hakili jakabɔ kuma laban na ko Dabaga dɔ ka kan ka kɛ yen. Walisa k’an dɛmɛ k’o tiɲɛ in faamu, Y a-t-il un Créateur qui se soucie de vous? (Yali Dabaga bɛ yen min bɛ hami aw la wa?) gafe bɔra. O gafe b’an ka dannaya bonya Jehowa la. A b’an ka faamuyali bonya a jogo ani a ka siraw la fana. Nka, mɔgɔ kalannen koɲuman minnu dalen tɛ Ala la, a kɛra olu de kama kɛrɛnkɛrɛnnenya la.

⁵ Ŋaniya min tara n’an dusukun bɛɛ ye: Jamalajɛ jɛmu laban y’a jira k’a ka kan an bɛɛ ‘ka taa’ fɛ ka taama Jehowa ka sira la’. O la sa, a tun bɛnnen don an k’a fɔ kɛnɛ kan, ŋaniya dɔ la, k’an kelen-kelen bɛɛ jɔlen b’a kan ka tugu tuma bɛɛ Ala ka sira la, sira min bɛ na ni ɲɛnamaya ye, k’o gɛlɛya mɔgɔ wɛrɛw ma, ani k’a bila ɲɛfɛ k’a ka fisa ni sira tɔw bɛɛ ye. (Esa. 30:21) An kɛra “Ala ka sira bɛ na ni ɲɛnamaya ye” jamalajɛ la minkɛ, yali o m’an dusu lamin kosɛbɛ wa?