An ka seereya kɛ “mɔgɔ suguw bɛɛ ye”
1 Tuma min na an bɛ mɔgɔw bɛn minnu bɔyɔrɔw kow kɛcogo tɛ kelen ye ani minnu ka diinɛ dafaralenw don, an hakili bɛ jigin ko Jehowa sago ye ko “mɔgɔ suguw bɛɛ ka kisi ani ka tiɲɛ dɔnniya lakika sɔrɔ”. (1 Tim. 2:4, NW) Ka fara sɛbɛndenninw ani gafeninw hakɛ kan minnu dilanna kɛrɛnkɛrɛnnenya la o kama, sɛbɛn ɲumanbaw fila b’an bolo baara bɛ se ka kɛ ni minnu ye tuma bɛɛ walisa ka mɔgɔw dɛmɛ, mɔgɔ minnu ka diinɛ m’u kalan tiɲɛ ko la ka ɲɛsin Ala ani Krista ma.
2 L’humanité à la recherche de Dieu gafe bɛ faranfasiyali di mɔgɔw ma diɲɛ diinɛ belebelebaw kan, ani o cogo la ka dɛmɛ don mɔgɔw ma u kɛra yɔrɔ o yɔrɔ la, ka danfara kɛ u ka kalansiraw ani Bibulu bɛ kalan min kɛ Ala lakika kelenpe ko la. Fan wɛrɛ fɛ, Le plus grand homme de tous les temps gafe bɛ ɲɛfɔli kɛ Yesu Krista ka ɲɛnamaya kan. A bɛ mɔgɔ dɛmɛ ka dɔnniya sɔrɔ kosɛbɛ Ala Denkɛ kan ani k’o tigi sama ka na a ma, iko o kɛra mɔgɔw caman na cogo min na san kɛmɛ fɔlɔ la (Yuh. 12:32). N’a bɛ bɛn tuma o tuma, i bɛ se ka nin hakilina nataw lajɛ walisa k’o gafe ninnu jira.
3 N’i ɲɛ na, a bɛnnen don ka “Le plus grand homme de tous les temps” gafe jira mɔgɔ dɔ la, i bɛ se ka ɲininkali kɛ ko:
◼ “Mun bɛ na i hakili la tuma min na i bɛ miiri Yesu Krista la? [A to a k’i jaabi.] Tarikukalanna caman sɔnna a ma ko Yesu ye cɛw bɛɛ la cɛba ye min ɲɔgɔn ma deli ka balo. [Kɔrɔmasurun dɔ ta Le plus grand homme gafe ɲɛbila la.] Bibulu b’a jira ko Yesu ka ɲɛnamaya tun ye ɲɛjiralan ye an bolo walisa an k’a ladege.” Piɛrɛ ka bataki fɔlɔ la, a tilayɔrɔba filanan, a tilayɔrɔdennin mugan ni kelennan na, ani Le plus grand homme gafe ɲɛbila dakun fɔlɔ min b’a ɲɛ laban na, o fana kalan. Ni duden ye mago jira kɛ Yesu dɔnniya ko la, a jira ko gafe bɛ se ka kɛ a ta ye. Sanni i ka taa, Yuhana 17:3nan kalan ani ɲininkali kɛ, ko: “Nin dɔnniya min bɛ na ni ɲɛnamaya banbali ye, an bɛ se k’o sɔrɔ cogo di?” I labɛn ka segin ka na n’o jaabi ye.
4 Tuma min na i bɛ segin ka na ɲɛfɔ dɔnniya min bɛ na ni ɲɛnamaya ye, o bɛ sɔrɔ cogo min na, i bɛ se k’a fɔ ko:
◼ “N’ tun ye layidu ta i ye ka segin ka na jira i la cogo min na an bɛ se ka dɔnniya sɔrɔ, dɔnniya min bɛ na ni ɲɛnamaya banbali ye.” Connaissance gafe jira. A kalansen fɔlɔ ta k’a jira kalan bɛ kɛ cogo min na.
5 N’i b’a fɛ ka “L’humanité à la recherche de Dieu” gafe jira, i bɛ se ka ɲininkali kɛ ko:
◼ “Iko diinɛ danfaralenw ka ca kosɛbɛ bi bi in na, yali i ma deli k’i yɛrɛ ɲininka ko Ala sɔnna diinɛ min na, an bɛ se k’o dɔn cogo min na wa?” A ka jaabi kɔfɛ, L’humanité à la recherche de Dieu gafe dayɛlɛ a ɲɛ 377nan na. Yɔrɔ 7nan miiriya labɔ ani duden ɲininka n’a bɛ sɔn a ma ko diinɛ lakika ka kan ka kelenya sigi hadamdenw siyaw bɛɛ cɛ. Sɛbɛnni minnu kɔfɔra, u dɔ la kelen ta, ani ni waati b’a yamaruya, baro kɛ yɔrɔ dɔ wɛrɛw kan min bɛ barokun sɛbɛnnenw kɔnɔ. Ni mago jɔnjɔn bɛ yen, a jira ko gafe bɛ se ka kɛ a ta ye. Tuma min na i bɛ taa, i bɛ se ka ɲininkali lawuli ko: “Diinɛ lakika ka kan ka nɔ bila mɔgɔ jogo la cogo di?” I labɛn segin-ka-bɔnye dɔ kama walisa ka ɲininkali jaabi.
6 Tuma min na i bɛ segin ka na ɲɛfɔ diinɛ lakika bɛ nɔ bila mɔgɔ ka hadamadenya la cogo min na, i bɛ se k’a ɲininka ko:
◼ “E yɛrɛ ɲɛ na, diinɛ ka kan ka nɔ bila mɔgɔ jogo la cogo di? [A to a k’i jaabi.] Krista ye namu di an ma, namu min sababu fɛ diinɛ ka kan ka jateminɛ.” I ka Matiyu 7:17-20nan kalan L’humanité à la recherche de Dieu gafe kɔnɔ, a ɲɛ 12nan na. O kɔfɛ, a ɲini duden fɛ a ka dakun 20nan kalan ɲɛw 13-14nan na. Ni waati b’a yamaruya, baro bɔ dakunw 25-29nan kan, a ɲɛw 16-18 la. O bɛ se ka wolo kalan dɔ la Wajibiya gafenin walima Connaissance gafe kan.
7 Barokun bɛ daminɛ ni minɛn minnu ye: Kalankɛminɛnw caman bɛ L’humanité à la recherche de Dieu gafe kɔnɔ minnu bɛ se ka dɛmɛ don walisa k’u kɛ ka baro daminɛ i taali ko fɔlɔ la, walima segin-ka-bɔnye la. I bɛ se ka baro dɔ daminɛ i kɛtɔ dɔrɔn ka ɲininkali bɛnnen dɔ lawuli. Misali la, ɲininkaliw ani kumakun minnu filɛ nin ye, ani ɲɛ minnu na u bɛ sɔrɔ, i k’olu sɛbɛn:
“Ɲininkali minnu ka kan ni jaabi ye”—ɲɛ 17-18
“Yali Yesu ka ko tun ye nsiirin ye wa?”—ɲɛ 237
“Jɔni ye Bibulu sɛbɛn?”—ɲɛ 241
“Kuranɛ ani Bibulu”ɲɛ 285
“Seereya minnu b’a jira ko Bibulu ye lakika ye”—ɲɛ 340-1
“Jehowa Seerew dalen bɛ min na”—ɲɛ 356-7
“Diinɛ lakika bɛ lasaa cogo min na?”—ɲɛ 377
8 I bɛ se ka ɲɛ kelen walima ɲɛ caman sugandilenw ta L’humanité à la recherche de Dieu gafe kɔnɔ. Baro bɛ yɔrɔ min kan, o ɲɛfɔ. I ka tila ka segin-ka-bɔnye boloda i kɛtɔ ka ɲininkali dɔ lawuli min ni barokun bɛ ɲɔgɔn ta, ani min jaabi bɛ se ka sɔrɔ Wajibiya gafenin walima Connaissance gafe kɔnɔ. A ka jɛya i hakili la k’i ye duden wele ka na foroba jɛmu na.
9 Mɔgɔ dusujɛlen suguw bɛɛ bɛ tiɲɛ ɲini Ala ani Krista ko la. An bɛ se k’u dɛmɛ an ka seereya baara la. O la sa, an ka taa’ fɛ ka “baara kɛ ka kɛlɛ kɛ, katuguni an jigi bɛ Ala ɲɛnama kan, o ye mɔgɔw [“sugu”, NW] bɛɛ Kisibaga ye, janko dannabagaw ta.”— Tim. 4:10.