Yali an bɛna o kɛ ko kura wa?

Wele bilala ko kura tutigɛbaga farankanw ko la

¹ Yali an bɛna o kɛ ko kura wa? Mun? An bɛna kɛ tutigɛbaga farankanw ye Hakilijigin don waati la wa? San 1997 Feburuyekalo Ministère du Royaume farankan y’an ɲɛ minɛ n’a tɔgɔ ye ko: ‘An bɛ tutigɛbaga farankan 100 ɲinina Senegali ani tutigɛbaga farankan 25 Mali la.’ An tun dalen b’a la ko aw tun n’o welekan ta aw sɛbɛ la. Tuma min na san 1997 Marisikalo baara dantigɛli kɛra, an ye nisɔndiya sɔrɔ k’a ye ko Senegali weleweledala 163 ani Mali weleweledala 27 donna tutigɛbaga farankan baara la. N’an ye o hakɛ fara Tutigɛbaga basigilenw 78 ninnu ani tutigɛbaga kɛrɛnkɛrɛnnenw 78 kan, o minnu ye u ka dantigɛli sɛbɛn di o kalo la, an b’a ye ko weleweledala kuuru bɛɛ la, kɛmɛ la, 35 tun bɛ tutigɛbaga farankan baara la. Yali ɲinan an bɛna o kɛ ko kura Hakilijigin don waati la wa?

² Mɔgɔ minnu ye cɛsiri kɛ walisa ka dɔ fara u niyɔrɔ kan waajuli la salon, an bɛ olu bɛɛ fo ni kɔnɔnajɛya ye. A jɛlen don ko Jehowa ani aw mɔgɔɲɔgɔn kanuya de y’aw bila o la, nka nata tɛ (Luka 10:27; 2 Piɛre 1:5-8). Cogo caman kɔnɔ, weleweledala dɔw y’u labɛn walisa ka kɛ tutigɛbaga farankanw ye. Senegali jɛkulu dɔ la, weleweledala 24 kɛra tutigɛbagaw ye o kalo kelen na, maakɔrɔ ani cidenyabaara maganna fanba tun bɛ o mɔgɔw la ani bangebaga kelenpe ka denbaya dɔ ka sokɔnɔmɔgɔ batiselenw bɛɛ. Kafo lakɔlɔsibaga dɔ y’a sɛbɛn ko: ‘Cɛsiriba de bɛ kɛ waajuli la. [...] O ye nɔ bila danyɔrɔ la, ani jɛkuluw ka nisɔndiya bonyara kosɛbɛ fana. Balimakɛ nisɔndiyalenw don ka ɲɔgɔn dɔn kosɛbɛ tun ani k’a cidenyabaara nɔ ɲumanw ye.’

³ Salon, denmisɛnw fana tun ma bila kɛrɛ fɛ. Weleweledala musoma dɔ min si ye san 13 ye, n’a tun ma batise fɔlɔ, o tun kɔrɔtɔla waati kɔrɔ, waati min na a tun bɛn’a jira k’a b’a yɛrɛbakun di Jehowa ma. A batiselen Feburuyekalo la, a ye nin sɛbɛn a ŋaniya ko la ka kɛ tutigɛbaga farankan ye Marisikalo la: ‘Ikomi fɛn fosi tun tɛ n’ bali tuguni, ne ye n’ ka tutigɛbaga farankan ɲinisɛbɛn di o yɔrɔnin bɛɛ la. [...] An ye waati duman caman minnu dɔn ɲɔgɔn fɛ, olu tun tɛna se ka kɛ n’aw tun ma wele bila ni kanuya ye tutigɛbagaw ko la. Ne bɛ Jehowa waleɲumandɔn, ale min ye bonya di ne ma ka sɔrɔ weleweledalaw la, o minnu ye welekan jaabi.’ A ye kuntilenna sigi k’a kɛ ko kura.

⁴ A dɔ rɔ, i tun bɛ weleweledala 241 ninnu na, o minnu donna tutigɛbaga farankan baara la Marisikalo tɛmɛnen na, walima mɔgɔ 97 ninnu na Awirilikalo la, walima tuguni mɔgɔ 85 ninnu na Mɛkalo la. Yali ɲinan i bɛna o kɛ ko kura wa? N’i ma se ka kɛ tutigɛbaga ye salon, yali i bɛna se k’o kɛ ɲinan wa? Yali an bɛna mɔgɔ 241 hakɛ tɛmɛ wa, o hakɛ min ɲɔgɔn ma sɔrɔ fɔlɔ Senegali ani Mali la?

⁵ I miiri Awirili ni Mɛ kalow ma: Ɲinan Hakilijigin don bɛ bɛn Sibiridon ma, Awirilikalo tile 11 la. O de bɛ Awirili kɛ kalo ye min bɛnnen don walisa ka dɔ fara i ka baara kan cidenyabaara la (2 Kor. 5:14, 15). An bɛna kalo tile 11 fɔlɔw bila ka mɔgɔ wele, mɔgɔ minnu sɔnnen don koɲuman walisa ka kɛ yen Hakilijigin don na. N’i b’a ɲaniya ka kɛ tutigɛbaga farankan ye, i k’i ka ɲinisɛbɛn di joona sanni waati ka se, waati min na i b’a fɛ k’a daminɛ. — 1 Kor. 14:40.

⁶ Ikomi dɔgɔkun laban dafalen duuru bɛ Mɛkalo la, a bɛna nɔgɔya weleweledalaw ma minnu bɛ taa kalanso la walima minnu bɛ baara kɛ baara donw bɛɛ la, u ka kɛ tutigɛbaga farankanw ye o kalo la. N’i y’a jateminɛ ka waati tan kɛ waajuli la o dɔgɔkun laban ninnu kelen-kelen bɛɛ la, i tɔ tora ka waati tan dɔrɔn sɔrɔ kalo kɔnɔna na walisa ka waati 60 wajibiyalenw sɔrɔ.

⁷ Awirilikalo walima Mɛkalo la, an bɛna La Tour de Garde ni Réveillez-vous! bɔkow jira. O ka kan k’an camanba dusu lamin walisa an ka don tutigɛbaga baara la. Munna an b’o fɔ? Bawo sɔn-ni-sɔn gafenin ninnu jirali ka nɔgɔn wa u kalanni ka di. A bɛnnen don baara ɲɛw bɛɛ la: so-ni-so waajuli, bitiki-ni-bitiki la, ani tuma min na an bɛ kuma mɔgɔw fɛ bɔlɔnw na, mobili jɔyɔrɔw la, nakɔw la ani senfɛ seereya hukumu dɔw kɔnɔ. Kɛrɛnkɛrɛnnenya la, La Tour de Garde ni Réveillez-vous! bɛ tiɲɛw lafasa Masaya ko la. U bɛ mɔgɔ ɲɛsin Bibulu kirayakumaw timɛli ma ani u b’a jira ko Ala ka Masaya sigira. U bɛ nɔ bila fana u kalanbagaw ka ɲɛnamaya la bawo u bɛ kuma mɔgɔw mago jɔnjɔnw kan. Sɛbɛnw bɛ ni nɔ min ye an ka ɲɛnamaya kɔnɔna na, n’an bɛ miiri o la, o bɛna an bila k’u caman bila mɔgɔw bolo Awirilikalo ni Mɛkalo la.

⁸ Walisa k’o sɛbɛn ninnu jɛnsɛnni bonya, nafa bɛna k’a la i bolo ka nin barokun ninnu lajɛ: ‘“La Tour de Garde” et “Réveillez-vous!” la vérité au moment opportun’ (La Tour de Garde; san 1994 Zanwuyekalo tile fɔlɔ), “Faisons un excellent usage de nos périodiques” (San 1995 Le ministère du Royaume, Setanburukalo ta) ani “Préparons notre propre présentation”. (Le ministère du Royaume; san 1996 Ɔkutɔburukalo ta.)

⁹ Maakɔrɔw bɛ misali jira: Ikomi u ŋaniya ye ka weleweledala caman kɔkɔrɔmadondo, o minnu kɛra tutigɛbaga farankan ye salon, jɛkulu dɔ maakɔrɔw y’a dɔgɔ da ka Sibiri kelen ta kalo kɔnɔ k’o kɛ baara kɛrɛnkɛrɛnnen don ye jɛkulu mɔgɔw bɛɛ fɛ. Ɲɔgɔnye caman minnu labɛnna tile waati danfaralenw na, u y’a to jɛkulu mɔgɔw bɛɛ k’u sen don seereya cogo caman na. U ye waajuli kɛ jagokɛlaw ka kinw na, bɔlɔn fɛ ani so-ni-so. U ye segin-ka-bɔnyew kɛ, ka batakiw sɛbɛn ani ka seereya di negejuru fɛ. Weleweledalaw walekɛcogo ɲɛna: 117 y’u sen don waajuli la tile kɔnɔna na. U ye waati 521 kɛ cidenyabaara la ani u ye sɔn-ni-sɔn gafeninw ani gafeninw ni gafew 617 bila! Nisɔndiya min sɔrɔla o Sibiridon na, o tora sen na fo Karidon foroba jɛmu ni La Tour de Garde kalan na, o minnu mɔgɔw nata cayara iko a ɲɔgɔn tun ma ye fɔlɔ.

¹⁰ Awirilikalo ni Mɛkalo la, a bɛnnen don ka jɛkulu hakili jigin baara lajɛ kelen-kelen bɛɛ la, waajuli ka ɲɔgɔnyew bɛ kɛ tuma min na ani yɔrɔ min na dɔgɔkun nata la, janko ni fɛɛrɛw tigɛra ka fara fɛɛrɛ kɔrɔlenw kan. Tutigɛbaga basigilenw ani weleweledala minnu tɛna kɛ tutigɛbaga farankanw ye, dusu ka don u kɔnɔ walisa n’u bɛ se, u ka waajuli kɔkɔrɔmadondo ni tɔw ye.

¹¹ Baara lakɔlɔsibaga ani balimakɛ min bɛ danyɔrɔw di, u ka kan ka fɛɛrɛw kɛ walisa ka danyɔrɔw kɛ minnu tɛ baara tuma bɛɛ. Cɛsiri bɛna kɛ walisa ka mɔgɔw ɲini minnu tun tɛ so, ani ka waajuli kɛ bɔlɔnw na ani bitiki-ni-bitiki la. Dusudon bɛna kɛ ka ɲɛsin sufɛ waajuli ma, ikomi tilew ka jan o waati la san kɔnɔna na. A bɛnnen don ka gafeninw caman ɲini Awirilikalo ni Mɛkalo kama walisa ka dɔ fara baara kan.

¹² Weleweledala caman bɛ se k’a kɛ: Tutigɛbaga farankan ɲinisɛbɛn kumasen fɔlɔ b’a fɔ: ‘Ne ka kanuya ka ɲɛsin Jehowa ma ani n’ ŋaniya ka n’ mɔgɔɲɔgɔnw dɛmɛ ka Jehowa ani a kuntilenna dɔn, u bɛ n’ bila ka dɔ fara ne niyɔrɔ kan foro baara la, ani ka don tutigɛbaga farankan baara la.’ Ka Jehowa kanu ani ka kɛ a fɛ ka tɔw dɛmɛ alako ta fan fɛ, o ye yɛrɛbakun dili jujɔ ye (1 Tim. 4:8, 10). Walisa ka kɛ tutigɛbaga farankan ye, fo i ka batise ani ka kɛ ni jogo ɲuman ye ani ka se ka waati 60 kɛ cidenyabaara la kalo kɔnɔ. N’an bɛɛ b’an ka cogoya mafilɛ, an dɔ minnu ma deli ka kɛ tutigɛbaga farankanw ye, yali u bɛna se ka kɛ a ye ɲinan Awirilikalo walima Mɛkalo la wa?

¹³ Jɛkuluw kɔnɔ, caman bɛn’a ye k’u bɛ se fana ka kɛ tutigɛbagaw ye n’u ɲɛ bɛ balimakɛw ni balimamuso tɔw la, minnu ka cogoya n’u ta bɔlen bɛ ɲɔgɔn fɛ, ka don o baara la. Denmisɛn minnu si sera kalan don ye ani mɔgɔ kɔrɔbaw ani Krecɛn minnu bɛ baara kɛ baaradon bɛɛ la, ani maakɔrɔw ni cidenyabaara maganna ani mɔgɔ wɛrɛw fana, u sera ka kɛ tutigɛbaga farankanw ye. Gadonmuso dɔ, den fila tigi min bɛ baara kɛ tuma bɛɛ, a ye waajuli kɛ waati 60 kɔnɔ, ka gafenin 108 bila ani ka Bibulu kalan 3 daminɛ kalo min dɔ la kelen na a tun kɛra tutigɛbaga farankan ye. A sera k’o kɛ cogo di? Baarakɛyɔrɔ la a y’a ka dumuni kɛ waati ta walisa ka seereya kɛ danyɔrɔ surun dɔ la. A ye waajuli kɛ ni batakiw ye ani mobili jɔyɔrɔw la ani bɔlɔn fɛ. Dɔgɔkun don min na a tun tɛ baara kɛ, a y’o kelen-kelen bɛɛ kɛ ka waajuli kɛ n’a ka jɛkulu ye. K’a sɔrɔ a tun b’a miiri a daminɛ na ko tutigɛbaga farankan baara tun ye kuntilenna sɔrɔbali ye, tɔw barika la ani waatibolodacogo ɲuman sababu la, a sera ka balilan kunnasagon.

¹⁴ Yesu ye nin danganiya di a ka kalandenw ma ko: “Ne ka tɔnna jiri man gɛlɛn, ne ka doni ka fiɲɛ.” (Mat. 11:30) O tun ye dusulamin barokun dɔ tɔgɔ ye san 1995 Utikalo tile 15nan La Tour de Garde kɔnɔ. O barokun tun bɛ kuma balimamuso dɔ kan min ka tuma bɛɛ baara tun b’a bila cɛsiriba kɛlila tuma bɛɛ. Yali a tun bɛ miiri ko tutigɛbaga farankan baara tun tɛ ale ta ye wa? Ayi. Tiɲɛ na, a tun sera kalo o kalo ka kɛ tutigɛbaga farankan ye. Munna? Bawo a yɛrɛ ka fɔ la, o baara tun b’a to a k’a ka ko damakɛɲɛni jogo mara. Ka tɔw dɛmɛ ka Bibulu tiɲɛ kalan ani k’u ye ka yɛlɛmaliw kɛ u ka ɲɛnamaya kɔnɔ walisa Ala ka sɔn u la, olu tun ye fɛnw ye minnu tun bɛ nisɔndiya di a ma kosɛbɛ a ka ɲɛnamaya kɔnɔ, o min tun falen bɛ baara la.—Ntalenw 10:22.

¹⁵ An ka kan ka jɛn fɛnw o fɛnw kɔ, ani an ka kan ka yɛlɛmali minnu kɛ walisa ka kɛ tutigɛbaga farankanw ye, u bɛ sara kosɛbɛ ni kodumanw ye minnu bɛ sɔrɔ o la. Balimamuso dɔ donnen kɔ tutigɛbaga farankan baara la, a y’a sɛbɛn ko: ‘A ye ne dɛmɛ n’ kana miiri ne yɛrɛ la, nka k’a ɲini kosɛbɛ tun ka tɔw dɛmɛ. [...] Mɔgɔ minnu bɛ se ka don a la, ne bɛ o gɛlɛya u ma.’

¹⁶ A bɛ waati bolodacogo ɲuman wajibiya: Farankan in ɲɛ laban na, an ye waati bolodacogow jira ko kura iko a tun bɛ san 1997 Feburuyekalo Le ministère du Royaume kɔnɔ cogo min na. A dɔ rɔ, a dɔ la kelen bɛ bɛn i ma. I kɛtɔ k’u lajɛ, i ka kalo o kalo baara ye min ye ka kɔrɔ, i miiri o la. Sokɔnɔ baaraw jumɛn bɛ se ka kɛ sanni i ka kɛ tutigɛbaga farankan ye walima jumɛn bɛ se ka bila fo i ka baara ka ban? I bɛ waati min bila k’i fari foni ani k’i ɲɛnajɛ ani k’i fɛrɛ, yali i bɛ se ka waati dɔ sɔrɔ ka bɔ o la wa? Sanni i k’i sinsi i ka waati 60 wajibiyalenw kan, i k’i ka waati bolodacogo kɛ k’a jate i bɛ min kɛ don o don ani dɔgɔkun o dɔgɔkun. Ka waati 2 kɛ don o don walima ka waati 15 kɛ dɔgɔkun o dɔgɔkun, o bɛ labɔli kɛ walisa ka kɛ tutigɛbaga farankan ye. Waati bolodacogo minnu jirala, i k’olu mafilɛ. O kɔfɛ, sɛbɛnnikɛlan ta, ani a lajɛ waati bolodacogo min ka fisa e ani i ka denbaya ma.

¹⁷ Walekɛcogo ɲuman min sɔrɔla ani jɛkulu ye dɔ fara kɔkɔrɔmadondo kan cidenyabaara ko la cogo min na salon, o nana ni nisɔndiya ye tutigɛbaga basigilen dɔ ma. A y’a sɛbɛn ko: ‘Aw ye dusulamin min kɛ ni kanuyaba ye ka cɛsiri kɛrɛnkɛrɛnnen kɛ walisa ka tutigɛbaga farankan baara kɔkɔrɔmadondo, o la, ne ka fɔli b’aw ye kosɛbɛ. [...] Aw ye waati bolodacogo minnu jira, o ye weleweledala caman dɛmɛ, o minnu tun ma deli k’a kɛ tutigɛbaga farankanw ye, ka ye k’u tun bɛ se k’o kɛ. [...] Ne ye hɛrɛ sɔrɔ ka kɛ Jehowa ka jɛkulu la ani ka tugu jɔnkɛ dannamɔgɔ ni hakilima kɔ, ale min b’an ɲɛminɛ ni nisɔndiya ani kanuya ye.’

¹⁸ Ntalenw 21:5 bɛ nin danganiya di ko: “Min timinan ka di baara la, o ka ko latigɛlenw bɛ a kɛ fɛntigi ye.” (Bibulu Senuma, san 1996 ta) Nin dusulamin bɛ Ntalenw 16:3 kɔnɔ ko: “I ka i ka kɛwalew kalifa Jehowa ma, ni o kɛra, i ka ko latigɛlenw na ɲɛ.” Ɔwɔ, an kɛlen kɔ k’an ka ko latigɛlen fɔ Jehowa ye deli la, ani k’an kalifa a ma cogo dafalen na walisa an ka se, o tuma la an bɛ se ka kuntilenna sigi ka kɛ tutigɛbaga farankanw ye k’a sɔrɔ tamaki t’a la. An kɛlen kɔ k’a ye kalo kelen walima kalo fila kɔnɔ k’an ka waati bolodacogo ka ɲi walisa ka kɛ tutigɛbaga farankanw ye, laala an bɛna ci bila baara ɲinisɛbɛn yɔrɔ la min b’a fɔ ko: ‘Ci bila nin yɔrɔ in na n’i b’a fɛ ka kɛ tutigɛbaga farankan ye k’a sɔrɔ i ma dabila fo ladɔnniyali kura la.’ A kɛra cogo o cogo, an bɛ se k’an labɛn ka kɛ tutigɛbaga farankan ye Utikalo la, bawo dɔgɔkun laban dafalen duuru de bɛ o kalo la. O la sa, an kelen-kelen bɛɛ bɛna ala-ka-marako san ban an kɛtɔ k’an jija k’an se bɛɛ kɛ cidenyabaara la.

¹⁹ Yesu ye kiraya kɛ ko: “Mɔgɔ min dara ne la, o na ne ka kɛtaw kɛ, ka dɔ kɛ minnu ka bon olu ye.” (Yuhana 14:12). Tuma min na nin kiraya kuma bɛ ka timɛ cogoba la, bonya b’an bolo ka kɛ Ala ka baarakɛɲɔgɔnw ye. Sisan de ye waati ye walisa ka kibaru duman waajuli kɛ ni barikaba ye, an kɛtɔ k’a waati ɲuman kunmabɔ o baara kɛli kama (1 Kor. 3:9; Kol. 4:5). Iko Masaya weleweledalaw, cogo ɲuman min b’an bolo walisa k’an niyɔrɔ kɛ, o ye ka don tutigɛbaga farankan baara la tuma o tuma n’an bɛ se. Tutigɛbaga farankanw ka tanuli dɔnkiliw bɛna bonya min sɔrɔ ɲinan Hakilijigin don tuma na, an kɔrɔtɔlen sigilen bɛ k’o makɔnɔ (Zab. 27:6). An kɛtɔ ka miiri nafa ma o minnu sɔrɔla salon, an bɛ se k’an yɛrɛ ɲininka ko: ‘Yali an bɛna o kɛ ko kura wa?’ An dalen b’a la k’a bɛna kɛ ten.

[Yɔrɔ kɔrilen ɲɛ 6nan]

Yali i bɛ se ka kɛ tutigɛbaga farankan ye wa?

‘I bɛ cogo o cogo kɔnɔ, n’i batiselen don, ani n’i dɔnnen don ni taamacogo ɲuman ye, ani n’i bɛ se ka waati 60 kɛ waajuli la kalo o kalo, ani n’i ɲɛ na i bɛ se ka baara kɛ kalo kelen walima kalo caman kɔnɔ iko tutigɛbaga farankan, i ka jɛkulu maakɔrɔw bɛna nisɔndiya sɔrɔ k’i ka tutigɛbaga ɲinisɛbɛn jateminɛ.’​—Organisés pour bien remplir notre ministère, a ɲɛ 114nan.

[Yɔrɔ kɔrilen ɲɛ 6nan]

Tutigɛbaga farankan ka waati boladacogow

Waati bolodacogo dɔw ye ka waati 15 kɛ fɔrɔ baara la dɔgɔkun o dɔgɔkun

Sɔgɔmaw—Ntɛnɛn fo Sibiri

Kari bɛ se ka falen don wɛrɛ la

Don Tuma Waatiw

Ntɛnɛn Sɔgɔma 2 ni tila

Tarata Sɔgɔma 2 ni tila

Araba Sɔgɔma 2 ni tila

Alamisa Sɔgɔma 2 ni tila

Juma Sɔgɔma 2 ni tila

Sibiri Sɔgɔma 2 ni tila

Waatiw Mumɛ: 15

Tile fila dafalenw

Tile fila bɛ se ka sugandi dɔgɔkun kɔnɔ

Don Tuma Waatiw

Araba Tile dafalen7 ni tila

Sibiri Tile dafalen7 ni tila

Waatiw Mumɛ: 15

Wuladanin fila ani dɔgɔkun laban

Wuladanin fila bɛ se ka sugandi dɔgɔkun kɔnɔ

Don Tuma Waatiw

Ntɛnɛn Wuladanin 1 ni tila

Araba Wuladanin 1 ni tila

Sibiri Tile dafalen8

Kari Tile tilancɛ 4

Waatiw Mumɛ: 15

Dɔgɔkun wuladaw ani Sibiri don

Kari bɛ se ka falen don wɛrɛ la

Don Tuma Waatiw

Ntɛnɛn Wulada 2

Tarata Wulada 2

Araba Wulada 2

Alamisa Wulada 2

Juma Wulada 2

Sibiri Tile dafalen 5

Waatiw Mumɛ: 15

N’ yɛrɛ ka baarabolodali

Tuma kelen-kelen bɛɛ waati hakɛ latigɛ

Don Tuma Waatiw

Ntɛnɛn

Tarata

Araba

Alamisa

Juma

Sibiri

Kari

Waatiw Mumɛ: 15