I ye tuma bɛɛ Seere ye wa?

¹ I na nin ɲininkali jaabi ni ɔwɔ ye wa? Hali ni Jehowa ka baarakɛla yɛrɛlatɛmɛlenw bɛɛ tɛ se ka tuma bɛɛ cidenyabaara kɛ, yala a man kan an ka sigi n’a ye ko, an bɛɛ b’an yɛrɛw jate iko tuma bɛɛ Seerew ye wa? Tiɲɛ na, o ka kan.

² An tɛ se ka kɛ tuma-ni-tuma Krecɛnw ye. Yesu y’a fɔ: “Ne b’a diyanyeko kɛ tuma bɛɛ.” (Yuhana 8: 29). Pol min tugura o sira kelen fɛ, o b’an deli ka fɛn “bɛɛ kɛ Ala bonyali kosɔn.” (1 Kor. 10: 31). O kama, an bɛɛ b’an yɛrɛw jate iko Jehowa Seerew ye tuma bɛɛ. N’o miiriya basigira an na, a nɔ ɲuman na ye an ka ko kɛtaw kelen-kelen bɛɛ la.

³ A’ ye kɛnɛkanko jateminɛ: An yeko n’an ka kuma an’an taama cogo bɛ se k’a jira mɔgɔ wɛrɛw la ko, tiɲɛ na, an ye Jehowa Seerew ye. An b’a kala ma ko donfini bɛnnen ani kuma senuma ani taama cogo ɲuman, olu wajibiyalen bɛ an ma, n’an bɛ foro baara la wala n’an bɛ taa Krecɛn lajɛw la. Hali n’an bɛ taa kalanyɔrɔ la, wala baarakɛyɔrɔ la, wala n’an ni dɔw bɛ finyɛminɛ na ɲɔgɔn fɛ, an ka ko kɛtaw bɛɛ ka kan k’a jira kɛnɛ kan k’an bɛ taama Jehowa ka namu tilennenw sira kan.

⁴ Yesu y’a fɔ: “Dugu min sigilen bɛ kulu kan, o tɛ se ka dogo. (...) Aw ka yeelen ka bɔ ten mɔgɔw ɲɛ kɔrɔ, walisa u ka aw ka kɛwale ɲumanw ye ka aw sankolola Fa bonya.” (Mat. 5: 14- 16). Nin bɛ sirataama an ka ko kɛtaw bɛɛ la, ani tuma bɛɛ la. N’an y’a ye ko seereya lɔgɔ t’an na an kɛyɔrɔ wala an kɛwalew kosɔn, an ka kan k’an yɛrɛw ɲininka ko, “Ne bɛ baara kɛ Jehowa ye tuma-ni-tuma wa, wala tuma bɛɛ de?” Ka kuma mɔgɔ wɛrɛ fɛ Masaya kibaru duman ko la, n’man kan ka o kuma waati tɛgɛnsonya abada.

⁵ E dun? “I ye tuma-bɛɛ Seere ye wa?” I kɛtɔ k’a fɔ “Ɔwɔ” ni jagɛlɛyakan ye, i miiri k’i ka jaabi bɛ diya Jehowa ye ani k’a bonya.