Aw bɛ nmagotɛkola minɛ cogo di?
1 Nmagotɛkola ye dusukunnatantanya wala himihimintanya ye; nkasiratɛkola wala hamintanya fana don. O ye kɛcogow bɛɛ la gɛlɛman ye, an bɛ min ye ka caya an ka cidenyabaara senfɛ. Aw bɛ mun kɛ ka o kunbɛn? O b’aw sumaya aw ka cidenyabaara la wa? An bɛ se k’o kunnata cogo di walisa Masaya ka cikan ka mɔgɔw lasɔrɔ?
2 A’ye fɔlɔ k’a ɲini k’a dɔn munna, foro la, mɔgɔw ye nmagotɛkolaw ye. Politiki ni diinɛ nyɛmɔgɔw de ye u jigilatigɛ wa? Yala u b’a miiri ko ɲɛnabɔ cogo tɛ u ka kunkow la wa? Yala u bɛ siga fɛn fisaman kunkan layiduw la wa? N’u ɲɛ tɛ u ka nafa la o yɔrɔnin bɛɛ la, yala u b’u ban ka diinɛkow jateminɛ wa?
3 Masaya ka jigiya sankɔrɔta: Kunko tɛ yen, Masaya tɛ se ka min ɲɛnabɔ. A bɛ se ka kɛ tuma min na, an ka kuma Masaya ka layiduw ko la, k’an sinsinen to Sɛbɛnniw kan, hali ni Bibulu tɛmɛsira dɔ tɛ se ka jira. (Heb. 4: 12). Nka, an bɛ se ka na ni masala ye Masaya ka layiduw kan cogo di?
4 Mɔgɔw ka kan k’an ka bɔnye kun faamu. A ko b’u ye k’a dɔn k’an bɛ taa u bara mɔgɔɲɔgɔn kanuya kosɔn, ani k’an b’an mago don jama la. An bɛ se ka ɲininkali labɛnnnenw kɛ, i n’a fɔ nin ɲɔgɔn na: “[Kunko min bɛ ka digi jama la,] e ka miiri la, mun de ye o ɲɛnabɔlan ye?” Ni kuma kuntigɛ cogo dɔ ma nyɛ, a’ye dɔ wɛrɛ sifilɛ.
5 Bolofɛntigiw bɛ yɔrɔ minnu na, o dukɔnɔmɔgɔw tɛ u mago don Masaya ka cikan na. Nka, weleweledalaw b’u magan ka kuma kuntigɛ cogo ɲini min bɛ mɔgɔw haminanko kɔri. N’u bɛ Connaissance gafe jira tuma min na, furuɲɔgɔnma fila bɛ nin dantigɛli kuma sifilɛ: “Dondala ta fan fɛ, e ka miiri la, lada- mulenya jɔyɔrɔ ka bon o la, bi diɲɛ in na wa? Yala i sɔnnen b’a ma ko Bibulu dɔnniya sen ka kan ka ye ladamulenya dafalen na wa?” Don dɔ wula fɛ, u ye gafe saba bila dɔw ye; o kɔfɛ, u dɔ la kelen min tun ye musotigi ye, o ko, k’a ye Connaissance gafe mumɛ kalan, wa a sɔnna Bibulu kalan ma.
6 N’aw ni nmagotɛkola bɛnna, a’ye kuma kuntigɛ cogo wɛrɛw sifilɛ. A’ye ɲininkaliw kɛ. A’ye mɔgɔw ka hakilinaw lawuli. A’ye baara kɛ ni Ala ka Kuma se ye. Aw na se o cogo la ka tɔw dɛmɛ ka Masaya ka jigiya dakabanama minɛ.