Yala ne labɛnnen bɛ wa?

A sɛbɛn ɛnprimelen cogoya

Yala ne labɛnnen bɛ walasa ka to ka waajuli kɛ ni jɛkulu ye wa?

I labɛnnen bɛ se ka kɛ walasa ka kɛ weleweledala ye min ma batise fɔlɔ n’a y’a sɔrɔ ko:

I bɛ to ka Bibulukalanw kɛ, ka delili kɛ, ani ka taa lajɛw la tuma bɛɛ.
I bɛ ka fɛn minnu kalan, olu ko ka di i ye ani ni i dalen bɛ o fɛn na ani fana ni i b’a fɛ ka o fɛnw kofɔ mɔgɔ wɛrɛw ye.
I bɛ Jehova kanu ani ko i ye Jehova kanubagaw sugandi ka kɛ i teriw ye.
I ye i sen bɔ politikikow bɛɛ ani diinɛ nkalonma la.
I bɛ ka ɲɛnamaya kɛ ka kɛɲɛ ni Jehova ka sariyakolow ye ani i b’a fɛ ka kɛ Jehova Seere ye.

Bibulukalanden dɔ ani mɔgɔ min bɛ ka a kalan Bibulu la, olu bɛ waajuli la ɲɔgɔn fɛ, Bibulukalanden bɛ ka muso dɔ waaju a ka so.

Ni i b’a miiri ko i labɛnnen bɛ walasa ka to ka waajuli kɛ ni jɛkulu ye, mɔgɔ min bɛ ka Bibulukalan kɛ i kun, o fɔ o tigi ye. O la, kow bɛna sigi sen kan walasa i ni diinɛ maakɔrɔw ka kuma laɲinitaw kan, i ka kan ka minnu dafa.

Yala ne labɛnnen bɛ batɛmu tali kama wa?

I labɛnnen bɛ se ka kɛ batɛmu tali kama . . .

Ni i ye weleweledala ye min ma batise fɔlɔ.
Ni i bɛ to ka waajuli kɛ ni i seko bɛɛ ye.
Ni i bɛ “jɔnkɛ dannamɔgɔ hakiliman” kɔkɔrɔdon ani ka tugu a ka bilasiraliw kɔ. —Matiyu 24:45-47.
Ni i ye i yɛrɛbakun di Jehova ma delili kɔnɔ ani ni i b’a fɛ ka ale kelenpe de bato fo badaa.

Bibulukalanden dɔ bɛ ka batise Jehova Seerew ka lajɛba dɔ la.

Ni i b’a miiri ko i labɛnnen bɛ batɛmu tali kama, mɔgɔ min bɛ ka Bibulukalan kɛ i kun, o fɔ o tigi ye. O la, kow bɛna sigi sen kan walasa i ni diinɛ maakɔrɔw ka kuma laɲinitaw kan, i ka kan ka minnu dafa.