Tilanyɔrɔ 10nan dadonkumaw

Jehova ye Masa ye fɛɛn bɛɛ kun na. Kabi wagatijan, koow bɛɛ b’ale lo bolo, ani koow bele b’ale lo bolo. Ɲɛyirali fɛ, a ye Zeremi kisi ka bɔ kɔlɔn dɔ kɔnɔ yɔrɔ min na a niin tun be farati la. A ye Sadiraki, Mesaki ani Abɛdenego kisi ka bɔ dingɛ tasumaman kɔnɔ ani a ye jaraw daa siri walisa ka Daniyɛli kisi. Jehova ye Ɛsitɛri tanga walisa a ka se k’a ka siyamɔgɔw kisi. A tɛna a to juguya ka to kudayi. Kiraya kuma minw ɲɛsinna jaa jamanjanba ani yiri belebeleba koo ma, u b’a yira ka gwɛ ko yanni dɔɔni, Jehova bena juguya bɛɛ ban ani ka dugukolo mara.