Tilanyɔrɔ 2nan dadonkumaw

Mun na Jehova y’a kɛ sanjiba ye duniɲa halaki galen? Adamadenw ka koow daminɛ na, Sutana ye murutiliko dɔ lawuli Jehova kama. Mɔgɔ dɔw y’a latigɛ ka tugu Sutana kɔ, i n’a fɔ Adama ni Awa ani u dencɛ Kayɛn. Nka mɔgɔ damanin y’a latigɛ ka tugu Jehova kɔ, i n’a fɔ Abɛli ni Nuhun. Mɔgɔw fanba juguyara fɔɔ Jehova ye daan sigi o duniɲa juguman na. Tilanyɔrɔ nin bena an dɛmɛ k’a faamu ko an be min sugandi, ɲuman lo wo, juguman lo wo, Jehova ɲɛɛ b’a la. An bena a faamu fana ko a tɛna sɔn juguman ka see sɔrɔ ɲuman kan abada.