Kibaru duman ye mun ye?

1. Kibaru min bɔra Ala yɔrɔ, o ye mun ye?

Ala b’a fɛ mɔgɔw ka ɲɛnamaya diyabɔ dugukolo kan. A ye dugukolo ni a kɔnɔna few da, ka d’a kan a bɛ hadamadenw fɛ. Sɔɔni a bɛna fɛɛrɛw latigɛ walasa ka siniɲɛsigi ɲuman di mɔgɔw ma dugukolo yɔrɔ bɛɛ la. A bɛna hadamaden dusu saalo a kɛtɔ ka dan bila tɔɔrɔ sababuw la.—Jeremi 29:11 kalan.

Gofɛrɛnɛman si ma se ka farinya kow, bana, walima saya ban. Nka kibaru duman dɔ bɛ yen. Yanni sɔɔni, Ala bɛna hadamaden gofɛrɛnɛmanw falen ni a yɛrɛ ka gofɛrɛnɛman ye. O gofɛrɛnɛman bɛna hadamaden minnu mara, olu bɛna hɛrɛ ani kɛnɛya lakika diyabɔ.—Esayi 25:8; 33:24; Daniɛl 2:44 kalan.

2. Mun na kibaru duman ye kɔrɔtɔ ko ye?

Ala mana mɔgɔ juguw halaki ka bɔ dugukolo kan, tɔɔrɔ bɛna ban o waati dɔrɔn de la. (Sofoni 2:3) O bɛna kɛ tuma jumɛn? Ala ka kuma tun kumana kow kan minnu tun bɛna hadamadenya taabolo tiɲɛ an ka waati la. Ko minnu bɛ ka kɛ sisan, olu b’a jira ko Ala ye waati min boloda o surunyara.—2 Timote 3:1-5 kalan.

3. An ka kan ka mun kɛ?

An ka kan ka ɲini ka Ala dɔn a ka kuma sababu fɛ, n’o ye Bibulu ye. O min bɛ i ko fa ɲuman ka bataki cilen an ma. A bɛ ɲɛnamaya kɛcogo ɲuman ko fɔ an ye, ani cogoya min na an bɛ se ka ɲɛnamaya banbali sɔrɔ dugukolo kan don nataw la. Tiɲɛ don, a tɛna diya mɔgɔ dɔw ye, k’a ye ko i bɛ ka dɛmɛ sɔrɔ walasa ka Bibulu faamu. Nka ɲɛnamaya banbali min kofɔlen bɛ don nataw la, o ye ko duman ye min man kan ka jɛ.—Ntalenw 29:25; Jirali 14:6, 7 kalan.