An bɛ baara min kɛ diɲɛ bɛɛ kɔnɔ o wari bɛ bɔ min?

An bɛ Bibulu miliyɔn caman bɔ k’u di mɔgɔw ma fu la ani gafe wɛrɛw san o san. An bɛ Masaya Sow ani Betɛliw jɔ ani ka an mago don olu la. An jɔlen don ni Betɛlitiw ani misiyɔnɛri ba caman ye, ani an bɛ dɛmɛw kɛ maa degunnenw ye. A bɛ se ka kɛ i bɛ i yɛrɛ ɲininka: ‘Nin bɛɛ wari bɛ bɔ min?’

An tɛ a ɲini mɔgɔw ka wari fara ɲɔgɔn kan, walima ka jaka di ani an tɛ yaala ka wari minɛ mɔgɔw la. Hali k’a sɔrɔ an bɛ baara min kɛ diɲɛ bɛɛ kɔnɔ o tɛ ta wariba kɔ, an tɛ wari deli mɔgɔw fɛ. A ka ca ni san kɛmɛ ye, La Tour de Garde sɛbɛn filanan tun b’a fɔ k’a jɛya ko, an dalen b’a la ko Jehova ye an jigi ye, fo ka taa min kɛ “an tɛna dɛmɛ ɲini hadamadenw fɛ.” Wa an ye o bɔ a sira fɛ!—Matiyu 10:8.

An ka baaraw bɛ kɔkɔrɔdon don bolomafaraw fɛ mɔgɔw bɛ minnu di ka bɔ u yɛrɛ la. Jehova Seerew yɛrɛ fana nisɔndiyalen don ka u ka waati, u ka fanga, ni u ka wari ani u ka fɛn wɛrɛw di walasa Ala sago ka kɛ dugukolo bɛɛ kan. (1 Tilew Kibaru 29:9) Masaya So kɔnɔna na, an ka lajɛbaw kɛyɔrɔw la ani an ka jamalajɛbaw fana la, a ka di minnu ye, buwati minnu bilalen bɛ bolomafaraw kama, olu bɛ se ka fɛn dɔ bila o kɔnɔ. Walima bolomafaraw bɛ se ka di an ka siti jw.org fɛ. Wari fanba min bɛ sɔrɔ, o bɛ bɔ nilikɛlaw la minnu ka sɔrɔ bɛrɛbɛnnen don, olu bɛ i n’a fɔ fantan muso min cɛ sara, Yesu kumana ka ɲɛ min kan, ka d’a kan a ye wari misɛn fila bila Alabatosoba nafolo kɔnɔ. (Luka 21:1-4) Ola, an kelen-kelen bɛɛ bɛ se tuma bɛɛ “ka wari dɔ bila a dan na” walasa ka o di ka kɛɲɛ ‘ni an kelen-kelen ye min latigɛ an yɛrɛw kɔnɔ’.—1 Kɔrɛntekaw 16:2; 2 Kɔrɛntekaw 9:7.

An dalen b’a la ko Jehova bɛna ta’a fɛ ka mɔgɔw bila a ka di minnu ye u ka bonya da a kan ni u “bolofɛnw ye,” ani ka masaya baara kɔkɔrɔdon, walasa a sago ka se ka kɛ. —Ntalenw 3:9.

• Mun b’a to danfara bɛ an ni diinɛ tɔw cɛ?

• Mɔgɔw bɛ bolomafara minnu di ka bɔ u yɛrɛ la, olu bɛ mago jumɛnw ɲa?