Mun na an bɛ wele ko Jehova Seerew?

Mɔgɔ caman ka miiri la ni i ko Jehova Seerew, o ye diinɛ kura dɔ de tɔgɔ ye. K’a sɔrɔ a bɛ san 2 700 bɔ, Ala sɛbɛ tun bɛ a ka baarakɛlaw wele a ka “seerew.” (Esayi 43:10-12) Fo ka taa se san 1931 ma, an tɔgɔ tun ye Bibulu kalanbagaw de ye. Mun na an tɔgɔ dara ko Jehova Seerew?

Tɔgɔ in bɛ an ka Ala jira. Ala tɔgɔ bɛ sɔrɔ siɲɛ ba caman Bibulu bololasɛbɛnni fɔlɔw kɔnɔ. Nka Bibulu bayɛlɛmalen caman kɔnɔ u ye tɔgɔ in falen ni mankututɔgɔ ye, i n’a fɔ Ala walima Matigi. K’a sɔrɔ Ala ye a yɛrɛ ko fɔ Musa ye ni a tɔgɔ Jehova de ye, ka tila k’a fɔ a ye ko: “O ye ne tɔgɔ ye badaa.” (Ekisode 3:15) O cogo la, Ala ye danfara don ani ala nkalonmaw bɛɛ cɛ. Nin tɔgɔ senuma in ka kɛ anw na, o ye kunkɔrɔta ko ye an bolo.

Tɔgɔ in bɛ an ka baara jira. Fɔlɔ fɔlɔ la, cɛw ani musow kantigiw k’a daminɛ Abɛl la, olu ye dannaya ani seereya kɛ Jehova la. San kɛmɛ caman tɛmɛnnen Nuhun, Ibrahima, Saran, Musa, Dawuda, ani dɔ wɛrɛw farala “o seere jamaba” kan. (Heburuw 11:4–12:1) Seere bɛ se ka seereya kɛ walasa ka mɔgɔ dɔ jɛya kiritigɛlaw ɲɛkɔrɔ, o cogo kelen na, an cɛsirilen don walasa ka mɔgɔw ladɔnniya tiɲɛ kan an ka Ala ko la.

Yesu fana tun ye seere ye. Bibulu bɛ a wele ko “seere tilennen sɛbɛma”. (Jirali 3:14) A yɛrɛ y’a fɔ ko ale kɛra sababu ye Ala tɔgɔ ka dɔn ani a ye “tiɲɛ seereya” kɛ. (Yuhana 17:26; 18:37) Ola, Krisita ka kalandenw ka kan k’o tɔgɔ ta ani ka kɛ sababu ye Ala tɔgɔ ka dɔn. O de kama Jehova Seerew bɛ u cɛsiri o kɛli la.

• Mun na Bibulu kalanbagaw welela ko Jehova Seerew?

• Kabini waati jumɛn Jehova bɛ ni seerew ye dugukolo kan?

• Seerew bɛɛ la belebele ye jɔni ye?