YƆRƆ 8

Yesu ka saya bɛ nafa jumɛn lase i ma?

Yesu sara an kosɔn walisa an ka se ka ɲɛnamaya. Yuhana 3:16

Musow bɛ ka Yesu ka kaburu lankolon lajɛ

Tile saba Yesu salen kɔ fɛ, muso dɔw taara a kaburu lajɛ. Nka a kaburu lankolon tun don. Jehova ye Yesu lakunun ka bɔ saya la.

Yesu y’a yɛrɛ jira a ka cidenw na o kɔ a taara sankolo la

Kɔ fɛ, Yesu y’a yɛrɛ jira a ka kalandenw na.

Jehova ye farikolo kura di Yesu ma, min ni mɛlɛkɛw ta ye kelen ye. A ye sabaliya ni sebaayaba di a ma fana. Yesu ka kalandenw ye a yɛlɛntɔ ye ka taa sankolo la.

Ala ye Yesu lakunun, k’a kɛ Ala ka Masaya Masakɛ ye. Daniɛl 7:13, 14.

Ka Yesu sigilen to a ka masasigilan kan, a bɛ ka hadamadenw mara alijinɛ kɔnɔ dugukolo kan

Yesu y’a ka ɲɛnamaya di walisa ka diɲɛ bɛɛ kisi. (Matiyu 20:28) O kunmabɔsara de fɛ, an bɛ se ka ɲɛnamaya banbali sɔrɔ. Ala de ye o latigɛ.

Yesu ye Masakɛ ye min sigira Ala fɛ, min bɛna dugukolo bɛɛ mara. Dugukolo kan, mɔgɔ tilennen 144 000 suw bɛ lakunun ka taa ɲɛnamaya kɛ sankolo la, walisa ka fara Yesu kan. Yesu ni o mɔgɔ 144 000 de ye sankolola gofɛrɛnaman tilennen ye. O de bɛ wele Ala ka Masaya.—Jirali 14:1-3.

Ala ka Masaya bɛna dugukolo kɛ Alijinɛ ye. Kɛlɛ ni kojugu ni faantanya ani balontanya tɛna kɛ yen tun. Mɔgɔw bɛna hɛrɛ lakika sɔrɔ.—Zaburu 145:16.