Yesu tun ye jɔni ye?

Jehova ye Yesu ci ka na dugukolo kan. 1 Yuhana 4:9

Ni an b’a fɛ an ko ka diya Jehova ye, fo an ka mɔgɔ dɔ fana lamɛn min jɔyɔrɔ ka bon kosɛbɛ. Waati jan yanni Jehova ka Hadama da, a ye mɛlɛkɛ setigiba dɔ da sankolo la.

Kɔ fɛ, Jehova ye o ci dugukolo kan walisa a ka bange npogotigi dɔ fɛ min tɔgɔ ko Mariyama, Bɛtilɛhɛm jamana la. O den tɔgɔ dara Yesu.—Yuhana 6:38.

Ko ɲuman minnu bɛ Ala la, Yesu ye u ladege k’a dafa, k’a to dugukolo kan. A tun ka ɲi, kanuyaba tun bɛ a la, wa mɔgɔw tun bɛ se ka gɛrɛ a la. A ma siran ka mɔgɔw kalan ni tiɲɛ ye Jehova ko la.

Yesu tun ye mɔgɔ ɲuman ye, nka a kɔniyalen tun don. 1 Piɛrɛ 2:21-24

Diinɛ karamɔgɔw ye Yesu kɔniya, bawo a ye u ka kalansira nkalonmaw ni u ka sira juguw labɔ kɛnɛ kan.

Yesu ye banabaatɔw fana kɛnɛya, ka mɔgɔ dɔw su lakunun.

Diinɛ karamɔgɔw ye Romɛ ɲɛmɔgɔ dɔw lasu ka Yesu bugɔ ani k’a faga.