Job

1 Okpia ọkpa kegha rrọọ vbe ẹvbo na tie ẹre Uz, a kegha tie okpia na e Job. Ọmwa esiesi wa gha nọ; te ọ wa gha mu ohan Osanobua, erriọ vbe ya gha lẹ ne emwi dan. 6 Ọ ghi sẹ ẹdẹ ne avbe odibosa ya gbe ẹbu vbe odaro Osanobua, e Setan na vbe gha rre uwu ẹbu iran. 7 E Jehova keghi nọ rẹn wẹẹ, “Vbe uwẹ a ke dee vbọ?” Esu keghi wanniẹn wẹẹ, “I hẹ yo hẹ rre zozo lele otagbọn khian.” 8 E Jehova keghi tama rẹn wẹẹ, “U ma miẹn ọguọmwadia mwẹ ighẹ e Job, orhiọnkpa i rrọọ vbe uhunmwu otagbọn nọ gu obọ mwẹ kevbe nọ vbe maan zẹvbe ọre. Ọ wa ga mwẹ, ọ keghi vbe hia vbe ẹghẹ hia nẹ ghẹ ru orukhọ.” 9 Esu keghi wanniẹn wẹẹ, “E Job gha ga ra, adeghẹ ẹi miẹn ere vbọ? 10 U tan obọ gue ẹre, kevbe ẹgbẹe ọre kevbe emwi hia nọ mwẹ. U fiangbe emwi hia nọ ru. Ẹmila ne u hẹ nẹẹn vuọn otọ ẹvbo na hia. 11 U gha miẹn ẹre emwi hia nọ mwẹ, u gha miẹn wẹẹ, ọ gha sirra gha tie ihẹn nuẹn!” 12 E Jehova keghi tama Esu wẹẹ, “Ọ maan khekherriọ. A viọ emwi hia nọ mwẹ yọ ruẹ obọ, sokpan, ghẹ ya obọ kaẹn irẹn tobọre.” Ọre Esu na kpa. 13 Ọ ghi sẹ ẹdẹ ọkpa, ivbi e Job keghi koko gha rri evbare vbe owa ọtẹn iran nọdiọn. 14 Orhiọnkpa keghi mu ulẹ bu e Job gha dee, ọ tama rẹn wẹẹ, “Ma ghi ya avbe ẹmila gua vbe ugbo, avbe ekẹtẹkẹtẹ na vbe gha rri irunmwu vbe ọkpẹn evba. 15 Avbe Ivbi e Sabia keghi wa rre vbe udemwurri, iran na wa fu ehia viọ gha rrie. Iran gbele eguọmwadia ruẹ hia rua, mẹ ọkpa ẹre ọ miẹn uhunmwu, ẹre I na lẹ gha dee do tama ruẹ.” 16 Te ọni he ye guan vbe ọguọmwadia ọvbehe rre do tama rẹn wẹẹ, “Erhẹn ọghe Osanobua ke ẹrinmwi rre do giẹn avbe ohuan kevbe avbe ọsuohuan, ọ keghi gbele iran hia rua, mẹ ọkpa ẹre ọ miẹn uhunmwu, ẹre I na do tama ruẹ.” 17 Vbe irẹn ma he ye guan fo, ọguọmwadia ọvbehe keghi rre do kha wẹẹ, “Otu izigan eha ọghe emwa Kialdia keghi rre, do hẹ rhu ima. Iran keghi munọ avbe ekẹtẹkẹtẹ hia viọ gha rrie, iran gbele avbe eguọmwadia ruẹ hia, mẹ ọkpa ẹre ọ ghi kẹ. Mẹ ọkpa ẹre ọ miẹn uhunmwu, ẹre I na do tama ruẹ.” 18 Vbe irẹn ma he ye guan fo, ọguọmwadia ọvbehe keghi rre do kha wẹẹ, “Ivbuẹ kegha koko rri evbare vbe owa ovbuẹ nọdiọn, 19 Ẹhoho nọkhua keghi ke uwu ato hoho rre. Ọ keghi bi owa nii gbotọ, ọ na gbele iran hia rua. Mẹ ọkpa ẹre ọ miẹn uhunmwu, ẹre I na do tama ruẹ.” 20 Ẹre Job na gua kpaegbe, ọ keghi ya akhiẹ sọ ukpọn ye egbe ẹre ẹkun. Ọ khiokhio eto, ọ na de mu aro rhu otọ. 21 Ọ keghi kha wẹẹ, “Irhunmwirhun ẹre iyemwẹ biẹ mwẹ re, irhunmwirhun ẹre I vbe ya rrie. E Jehova ẹre ọ viọ emwi ne ọmwa, e Jehova ẹre ọ vbe miẹn ọmwa ẹre. Urhomwẹ nọ ne eni ẹnrẹn.” 22 Vbe uwu ena hia, e Job ma ru khọọ, ọ ma vbe zaan Osanobua.