Emwi Ne U Gha Ru Ne U Mieke Na Miẹn Ere Vbe Uwu Ọghe Jesu
Uhukpa vbe ukpukpo, ẹre Avbe Osẹe Jehova kevbe emwa ni bun ne iran rhie itie na ya do Ugie Ayere Ọghe Uwu e Jesu, zẹvbe ne Jesu wẹẹ ne ima gha ru ẹre. (Luk 22:19) Ugie na keghi ye ima rẹn vbene izọese ne Jesu ru ruẹ ekpataki sẹ hẹ. Ọ vbe ye ima rẹn afiangbe ne ima khian miẹn vbe ẹghẹ na kevbe vbe odaro, rhunmwuda izọese ọghe Jesu.—Jọn 3:16.
Deghẹ u deba ima do Ugie Ayere Ọghe Uwu e Jesu vbe ukpo na ra u ma sẹtin deba ima, de emwi ne u khian ru ne u mieke na miẹn ere vbe uwu ọghe Jesu? Ghee emwi eva ne kpataki ne Jesu we ne ima ru:
1. Ruẹ vbekpa Osanobua kevbe Jesu. Vbe Jesu ghi na erhunmwu gie Erha nọ rre ẹrinmwi, ọ na wẹẹ: “Emwi nọ khian ya iran gha mwẹ arrọọ ọghe etẹbitẹ, ọre ne iran do rẹn uwẹ ne Osanobua ọkpa nọ re ọghe ẹmwata, kevbe ọmwa nii ne u gie rre, nọ re Jesu Kristi.”—Jọn 17:3.
2. Rhie emwi ne u ruẹ ye uyinmwẹ. Te Jesu wa nianian wẹẹ, te ọ khẹke ne ima gha ya emwi ne irẹn ma ima re ru emwi. Vbe igiemwi, vbe ikporhu ne Jesu kpee vbe uhunmwu oke, ọ keghi kakabọ tian emwa ni “họn ẹmwẹ ne [nọ] tae, [kevbe ni] vbe yae ru emwi.” (Luk 6:46-48) Vbe Jesu gu avbe ukọ ọghẹe guan ọ na tama iran wẹẹ: “Ugbẹnvbe uwa ghi rẹn ena hia nẹ, u miẹn vbene agbọn gha rhiẹnrhiẹn uwa hẹ, deghẹ uwa na yae ru emwi.”—Jọn 13:17.
U gha hoo ne u ruẹ sayọ vbekpa Osanobua kevbe Jesu ra? U gha hoo na ru iyobọ nuẹn ne u mieke na rhie emwi ne u ruẹ ye uyinmwẹ ra? Ghee emwi eso nọ gha sẹtin ru iyobọ nuẹn.
Iruẹmwi e Baibol
E Baibol ne ima gu emwa ruẹ, ru iyobọ ne emwa ni bun nẹ ya sẹtin rhie emwi ne iran ruẹ ye uyinmwẹ; ọghe ọhẹ nọ.
Gha rrie abọ na tie ẹre, E Baibol Na Maa Ọmwa Re ne u mieke na rẹn sayọ vbekpa vbene ima ya gu emwa ruẹ e Baibol hẹ.
Ghee vidio na, Sọyẹnmwẹ Iruẹmwi E Baibol Ruẹ ne u mieke na bẹghe vbene Avbe Osẹe Jehova ya gu emwa ruẹ e Baibol hẹ.
Avbe Iko Ne Avbe Osẹe Jehova Do
Avbe Osẹe Jehova keghi do iko igbava vbe uzọla vbe ehe na tie ẹre Ọgua Arriọba. Emwi ne Baibol tae kevbe vbene ima khian ya rhie emwi ne ima ruẹ re ye uyinmwẹ ẹre ima guan kaẹn vbe avbe iko na.
Emwa hia gha sẹtin rrie iko na, ọ gha khọnrẹn wẹẹ u i re Osẹe Jehova. U sẹtin yo iko na ghee mwẹ ghee ruẹ, u sẹtin vbe kọnẹti (videoconference).
Ghee vidio na De Emwi Na Ru Vbe Ọgua Arriọba? ne u mieke na bẹghe vbene ima ya ruẹ emwi hẹ vbe iko ọghomwa.
U sẹtin gualọ ehe ne ima na do iko nọ sikẹ ruẹ vbe abọ na tie ẹre, Avbe Iko Ne Avbe Osẹe Jehova Do.
Avbe uhunmwuta kevbe vidio
Uhunmwuta kevbe vidio ni bun rre website na nọ gha ru iyobọ nuẹn ya rẹn sayọ vbekpa imamwaemwi ọghe Jesu kevbe vbene izọese ọghẹe ru ekpataki sẹ hẹ.
Vbe igiemwi, ne u miẹn na rẹn vbene uwu ọghe orhiọnkpa ya sẹtin miẹn emwa ni bun fan hẹ, ya tie avbe uhunmwuta na, “Jesus Saves—How?” kevbe “Why Did Jesus Suffer and Die?” ra u sẹtin vbe ghee vidio na Vbọzẹe Ne Jesu Na Wu?