Gha Mwẹ Ilẹkẹtin Wẹẹ E Jehova Gha Sẹtin Miẹn Ruẹ Fan

Tie Nọmbas 13:25–14:4 ne u mieke na bẹghe vbene Ivbi Izrẹl ya rhie ẹre ma wẹẹ iran ma mu ẹtin yan e Jehova.

Hia ne u rẹn eke ne ẹmwẹ ke dee kevbe eke ne ẹmwẹ rrie. Vbọzẹ nọ na te khẹke ne Ivbi Izrẹl gha mwẹ ilẹkẹtin wẹẹ, e Jehova gha miẹn iran fan, vbe iran ghi kpa hin Igipt rre nẹ? (Psm 78:​12-16, 43-53) De emwi nọ mobọ si ẹre ne iran ma na mu ẹtin yan e Jehova? (Diut 1:​26-28) De vbene Jọsua vbe Keleb ya rhie ẹre ma wẹẹ, iran mu ẹtin yan e Jehova?​—Nọm 14:​6-9.

Ruẹ sayọ. De emwi ne Ivbi Izrẹl gha te ru nọ gha ru iyobọ ne iran ya mu ẹtin yan e Jehova sayọ? (Psm 9:10; 22:4; 78:11) Ma ghaa rhie ọghọ ne Jehova vbọ khian ya ru iyobọ ne ima ya mu ẹtin yan rẹn?​—Nọm 14:11.

Emwi ne u miẹn ruẹ vbọ. Nọ egbuẹ wẹẹ:

• ‘De emwi eso nọ gha sẹtin yae gha lọghọ ne I mu ẹtin yan e Jehova?’

• ‘Vbia khian ya ya ekhọe hia mu ẹtin yan e Jehova nian kevbe ne I vbe sẹtin mu ẹtin yan rẹn vbe odaro?’

• ‘De emwi ne I yayi wẹẹ, e Jehova gha ru zẹvbe ne orueghe nọkhua ya sikẹ otọ?’​—Luk 21:​25-28.