INỌTA 17
De vbene Baibol gha ya sẹtin ru iyobọ ne ẹgbẹe ruẹ hẹ?
AVBE ỌDỌ/AVBE ERHA EMỌ
“Erriọ ẹre ọ vbe khẹke ne ikpia vbe hoẹmwẹ ọvbokhan iran vbene iran hoẹmwẹ egbe iran. Okpia nọ hoẹmwẹ ọvbokhan rẹn, egbe ẹre, ẹre ọ hoẹmwẹ ọnrẹn, rhunmwuda, a i miẹn okpia nọ ma hoẹmwẹ egbe ẹre, sokpan, te ọ koko ẹre, ọ ghi vbe gha gbaroghe ẹre . . . Te ọ khẹke ne dọmwadẹ ọghẹe vbe uwu uwa hoẹmwẹ ọvbokhan rẹn zẹvbe nọ hoẹmwẹ egbe ẹre, emwi nẹi mwẹ a ma ru na khin.”
“Wa ne erha emọ, wa ghẹ gha ru emwi nọ ya ohu mu ivbi uwa, sokpan, wa gha dia iran ye odẹ, ne uwa vbe gha ma iran emwi zẹvbe ne Jehova gualọe yi.”
AVBE AMWẸ
“Okhuo ghi . . . kakabọ gha rhie ọghọ ne ọdọ ẹre.”
“Wa ne amwẹ, wa gha gbe uhunmwu kotọ ne ọdafẹn uwa, zẹvbe nọ khẹke emwa ni ya Enọyaẹnmwa yi.”
EMỌ
“Emọ, wa gha họn ẹmwẹ ne evbibiẹ uwa zẹvbe ne Enọyaẹnmwa hoo, rhunmwuda, emwi nọ gbae na khin. ‘Rhie ọghọ ne erhaa kevbe iyuẹ,’ ọna ọre uhi nokaro; eyan nọ lele uhi na ọre wẹẹ: ‘Ne agbọn miehe na maan ruẹ, ne u miehe na vbe tọ vbe agbọn na.’”
“Wa ne emọ, wa gha họn ẹmwẹ ne evbibiẹ uwa vbe emwi hia, rhunmwuda, ọna keghi ya ẹko rhiẹnrhiẹn Enọyaẹnmwa.”