INỌTA 16
De emwi nọ khian ru iyobọ nuẹn ne u ghẹ gha si osi?
“Zẹ ọlọghọmwa ruẹ obọ ne Jehova, ọ gha gbaroghe ruẹ. Ẹ i khian gi ọmwa esi de hiehie.”
Psalm 55:22
“Ọmwa gha mwamwa emwi ẹse, emwamwa rẹn ghi dinnodẹ, sokpan, ọmwa nọ ya okhirhikhirhi ru emwi, ogue ẹre ọ khian gha ye.”
Itan 21:5
“Wa ghẹ fian afianma, I gu uwa rrọọ. Wa ghẹ si osi rhunmwuda, mẹ ọre Osanobua uwa. I gha ya uwa wegbe, I gha ru iyobọ ne uwa, I gha ya obọ erha ọmwa mwẹ nọ gbae da uwa yi.”
Aizaia 41:10
“Gha nọ vbe uwu uwa, nọ gha si osi sẹrriọ wẹẹ, ọ ghi sẹtin rhie ekiubit ọkpa ba ẹdagbọn rẹn?”
“Rhunmwuda ọni, wa ghẹ gha si osi ba ẹmwẹ ẹdẹ nakhuẹ, rhunmwuda, akhuẹ mwẹ oyanghan ọghe obọ ẹre. Dọmwadẹ ẹdẹ mwẹ ọlọghọmwa ọghe obọ iran nẹ.”
“Gha rẹn avbe emwi ni ru ekpataki sẹ ya ru.”
“Wa ghẹ si osi ye emwi rhọkpa, sokpan, wa gha nọ emwi hia ne uwa gualọ vbe obọ Osanobua vbe erhunmwu, wa ghi gha rinmwiaẹn, wa ghi vbe gha kpọnmwẹ ọnrẹn; ẹghẹ nii, ọfunmwegbe ọghe Osanobua nọ gberra ne ọmwa gha sẹtin rẹn otọ re, gha gbogba ga ekhọe uwa kevbe iziro ọghe uwa, lekpa e Kristi Jesu.”