1 Samuẹl
4 Avbe ọkaolotu Izrẹl hia keghi si koko, iran na bu e Samuẹl gha rrie Rama. 5 Iran keghi tama rẹn wẹẹ, “Ghee, u khian ọmaẹn nẹ, avbe ivbiuẹ i vbe lele ukpowẹ ruẹ. Rhunmwuda ọni, zẹ ọba ọkpa yọ nọ gha khaevbisẹ yan ima, ne ima vbe gha mwẹ ọba vbene avbe ẹvbo ọvbehe vbe mwẹ.” 7 E Jehova keghi tama e Samuẹl wẹẹ, “Damwehọ ẹmwẹ ne iran rhirhi tama ruẹ, ẹi re uwẹ ẹre iran he, sokpan mẹ ẹre iran he zẹvbe ọba ọghe iran. 8 Ke ẹghẹ ne I ya viọ iran ke otọ Igipt ladian gha dee, ẹre iran ke he mwẹ ye otọ, iran na gha ga avbe ẹbọ ọvbehe; banbanna nian, emwi ne iran ru mwẹ re ke ẹghẹ nii gha dee, ẹre iran vbe ru uwẹ re na. 9 Rhunmwuda ọni nian, danmwehọ iran. Sokpan u ghi ya obọ sekhae ne iran, u ghi rhan otọ ẹre ma iran, vbene avbe ọba ọghe iran gha ru iran hẹ.” 18 Ẹdẹ dee ne uwa khian ya gha tu, rhunmwuda ọba ne uwa zẹ ne egbe uwa, sokpan, e Jehova i khian zẹ ye uwa re vbe ẹdẹrriọ.