1 Samuẹl

25 E Samuẹl keghi wu, ẹre ivbi Izrẹl hia na si koko, iran na do khiẹ ọre. Iran na ghi re ẹre ye Rama ne ẹvbo ẹre. Vbe iyeke ọnọna, e Devid keghi kpa, ọ na gha rrie ẹgbo ọghe Paran. 2 Ọ mwẹ okpia ọkpa nọ ghaa rre ẹvbo na tie ẹre Meọn, sokpan, ẹvbo na tie ẹre Kamẹl ẹre ọ na gha winna, ọ keghi re ọmwa nọ fe ẹsẹse, ọ kegha mwẹ ohuan arriaisẹn eha (3,000) kevbe ẹwe arriaisẹn (1,000). 3 Eni okpia na ọre Nabal, a kegha tie ọvbokhan rẹn Abigẹl, okhuo na keghi wa mose, ẹwaẹn vbe gba nẹẹn, sokpan ọdafẹn ọnrẹn nọ ke ẹwae Kelẹb rre, kegha re ọmwa oya ne egbe balọ. 4 E Nabal kegha gia eto ohuan rẹn vbe Kamẹl, e Devid kegha rre uwu ẹgbo nii, ọ keghi họn. 5 Ẹre ọ na gie igbama igbe ne iran gha rrie Kamẹl, ya gualọ ẹre miẹn, ne iran vbe wẹẹ ẹre do. 6 Ọ na wẹẹ ne iran tama e Nabal wẹẹ, “E Devid wẹẹ do, ọse mwẹ, ọ na erhunmwu guẹ ẹsẹse, kevbe ẹgbẹe ruẹ kevbe emwi ruẹ hia. 7 Ọ họẹn wẹẹ u gha gia eto ohuan ruẹ, ọ vbe hoo ne u rẹn wẹẹ ke ima kevbe avbe ọsuohuan ruẹ ẹre ọ gba rrọọ sin, ma ma vbe ru iran emwi rhọkpa. A ma vbe do emwi iran ọkpa rhie vbe uwu ẹghẹ ne iran ya gha rre Kamẹl. 8 Nọ iran, iran gha tama ruẹ. E Devid wẹẹ ne u rhan obọ itohan miẹn emwa irẹn rhunmwuda, ẹdẹ oghọghọ ẹre ima ya rre. Rhunmwuda ọni, viọ emwi ne obọ ruẹ gbare ne ima ne eguọmwadia ruẹ; kevbe Devid ne ovbuẹ.” 9 Emwa e Devid keghi ya ta uhunmwu na ma Nabal zẹ vbene Devid gie. Vbe okiekie, 10 e Nabal keghi wanniẹn wẹẹ, “E Devid? De ọmwa na tie vberriọ yi? I ma he họn ẹmwẹ ọnrẹn ẹdẹ. Ẹi re avbiẹ eviẹn ni lẹkua ẹre ọ ghi rre ẹvbo! 11 Mẹ i rhie ebrẹd mwẹ ra amẹ mwẹ ra emiowo ne I gbele ne iran ni gu mwẹ gia eto ohuan, ne I viọ gie emwa na ma rẹn ẹvbo ne iran ke rre!” 12 Emwa ọghe Devid keghi bu ẹre gha khian, iran na ya tama rẹn vbene Nabal kha hẹ. 13 Ọ keghi tama iran hia wẹẹ, “Wa gbalọ agbada uwa.” Iran keghi gele ru vberriọ, e Devid keghi vbe mu ọghẹe gba, ọ na viọ emwa ni rrie odẹ uri eva vbe emwa rẹn mwẹ, vbene uri ọkpa na tota ke emwi vbe owa, vbe ehe ne evbare ye. 18 Abigẹl keghi zẹgiẹ viọ ududu ebrẹd uri, ẹkpo ohian ayọn eva, ohuan na ranmwẹ isẹn, ititi ọmọ azara na ka re iyisẹn, ududu ọmọ ohọ na ka re uri, ọ na kuẹn ehia yan ekẹtẹkẹtẹ. 19 Ọ na tama avbe eguọmwadia wẹẹ, “Wa khian mwu, I lele uwa dee vbe odieke.” Sokpan ọ ma ta ẹmwẹ rhọkpa ma ọdafẹn ọnrẹn. 21 E Devid kegha roro ẹre wẹẹ, “Vbọzẹ ne l na tan ifuẹn gaa emwi oko nii vbe uwu oha vbe edinran, emwi ẹnrẹn rhọkpa na do rhie i rrọọ, ọna ẹre ọ ghi ya san mwẹ ẹse ne I ru nẹẹn? 22 Te Osanobua gha kinmwi mwẹ gbua, adeghẹ ima gbele emwa rẹn hia, nọ ghẹ ghi kẹ vbọ, ọ te sẹ owiẹ!” 25 Lahọ ghẹ zẹ ye Nabal re ighẹ ẹwobi ọmwa nii. Emwi ne a ya eni ẹnrẹn kha ẹre gele wa nọ—akpa! I ma miẹn emwa ne u gie rre adazẹ. 26 E Jehova ẹre ọ ma guẹ rria ikhi ne egbe ruẹ ne u gbele avbe eghian ruẹ. Banbanna nian, mẹ ya eni e Jehova nọ rrọọ vẹn ihẹn ma ruẹ wẹẹ, eghian ruẹ hia kevbe emwa ni te gualọ odẹ ne iran gha la ruẹ re, vbene a khian rri e Nabal oya, ẹre a ra vbe rri iran oya. 29 Adeghẹ ọmwaikọmwa vbe dekun ruẹ, ọ na wẹẹ irẹn khian gbe ruẹ rua, e Jehova ne Osanobua ruẹ gha rhie ruẹ lẹre ye uwu ẹkpo ọghe arrọọ. Zẹvbe ọghe avbe eghian ruẹ, vbọrhirhighayehẹ, e Nọyaẹnmwa gha filo iran kua zẹvbe ne ọmwa ya umọvọn filo okuta kua. 32 E Devid keghi wanniẹn tama rẹn wẹẹ, “Rhie urhomwẹ ne Jehova ne Osanobua ọghe Izrẹl, nọ gie ruẹ bu mwẹ gha dee vbe ẹrẹna! 33 Kpọnmwẹ Osanobua ye ẹwaẹn esi ruẹ kevbe emwi ne u ru vbe ẹrẹna, ne u ma na gu mwẹ ru ai ghẹ ru dizigha kevbe ne u ma na gu mwẹ rria ikhi ne egbe mwẹ.