1 Samuẹl
10 Ere Devid na kpa, ọ na lẹẹ ne Sọl, ọ na bu Akis ne ọba ọghe Gat. 11 Ẹre emwa ọba na tama Akis wẹẹ, “Ọna i re Devid ne ọba ẹvbo ẹre ra? Ọmwa na ẹre avbe ikhuo nii ya gha so ihuan vbe iran ku wẹẹ, ‘E Sọl gbele arriaisẹn inu nọ khin, sokpan, e Devid gbele arriaisẹn igbe inu nọ khin.’” 12 Emwi ne iran ta na keghi rueghe e Devid orhiọn, ohan Akis kegha muẹn ẹsẹse. 13 Ẹre Devid na ba gha ru vbe mwẹmwẹ vbe odaro iran hia, ọ ghi gha gbẹnnẹ emwi ye ẹkhu onurho ẹvbo nii, ọ ghi vbe gha kpa odọnghọn ye ẹtu ẹre. 14 Akis keghi tama emwa rẹn wẹẹ, “Tẹ ọmwa na mwẹmwẹ! Vbọzẹ ne uwa na rhie ẹre bu mwẹ gha dee?