Aizaia

4 Ọ gha baa so uwa gbe, wa ne uhunmwu ẹvbo ni ru orukhọ, wa ne emwa dan ni kẹkua! Orukhọ uwa silo uwa gbe otọ nẹ, wa fi iyeke gbe Jehova ne Osanobua Izrẹl, wa keghi he ẹre ye otọ. 5 Vbọzẹ ne uwa na sọtẹ khian vberriọ yi? Te uwa hoo na ye rri uwa oya sẹ ọna ra? Izrẹl, ghee vbene ẹtẹ gba uwa uhunmwu hia. Orhiọn kevbe ekhọe uwa khuọnmwi. 6 Wa ke adesẹ uhunmwu ya sẹ owẹ, ihe ọkpa nọ gbae i ghi rre egbe uwa. Ẹwẹn ivbi ẹtẹ kevbe okobẹtẹ gba uwa egbe hia. A ma kpe uwa ẹwẹn ra na gbalọe. A ma rhie ukhunmwu ye rhọkpa. 16 Wa khuẹ, ne uwa kpe egbe uwa huan. Wa dobọ emwi dan ne imẹ miẹn ighẹ uwa ru na yi. Ẹn, wa dobọ emwi dan na ru yi, 18 E Jehova khare wẹẹ, “Larre ne ima do ru adọlọ, orukhọ ruẹ gha gbiruẹn sẹrriọ we te ọ ghi baa, I gha khuọ ruẹ ne u gha fua vbe isonorhọ. Orukhọ ruẹ gha yevbe ukpọn ododo, I gha yae khian nọ fua zẹvbe ititi oru.