Ihuan ọghe Solomọn

6 Ghẹ gi ẹmwẹ ọmwa la ruẹ aro gberra ọghomwẹ, ghẹ sikan mu obọ ọmwa ọvbehe gberra ọghomwẹ, ahoẹmwọmwa wa mwẹ ẹtin zẹvbe uwu, orriarria wa vbe mwẹ ẹtin zẹvbe uwu tobọre, te ọ mu erhẹn, erhẹn ọghe Jah. 7 Amẹ i sẹtin dọ ẹre yọ, a i miẹn ẹzẹ nọ gha sẹtin lẹẹ rhu ẹre, sokpan ọmwa gha kha wẹẹ, irẹn gha ya igho ẹre dẹ ahoẹmwọmwa, amẹ isikan na kpe ku ọmwa, ọre emwi nọ khian miẹn vbọ. 8 Ma mwẹ ọtẹn nokhuo nekherhe ọkpa, te ewẹn ọnrẹn he ye giẹrẹ. De emwi ne ima gha ru nẹẹn adeghẹ igbama ọkpa rre do nọ ẹmwẹ ọnrẹn? 9 Adeghẹ egbekẹn nọ, ma gha bọ owa ọkhẹ esiliva nẹẹn, sokpan, adeghẹ onurho ẹvbo nọ, ma gha ya sida na valọe gba ogba lẹga ẹre. 10 Egbekẹn ẹre imẹ khin, avbe ewẹn mwẹ ọre owa ọkhẹ ọre. Enida mwẹ rẹnrẹn wẹẹ ehe ne irẹn ye, ẹre I na mwẹ ọyẹnmwẹ kevbe ọfunmwegbe.