Psalm
99 E Jehova ọre ọba, avbe emwa gha guọ. Ọ tota ye ẹkete ẹre vbe odukhunmwu avbe cherub, agbọn keghi mu rueghe. 2 E Jehova kpọlọ vbe Zaiọn; irẹn ẹre ọ yo sẹ avbe uhunmwu ẹvbo hia. 3 Emwa hia rho eni ẹnrẹn nọkhua, nọ vuọn ne orrirri ọba, nọhuanrẹn ẹre eni ẹnrẹn khin. 4 Ọba nọkhua, wẹ hoẹmwẹ emwi nọ gbae; wẹ mu ohiẹn ẹmwata gbọọ nẹ vbe Izrẹl, wẹ rhie ẹmwata kevbe a i ghee ikpanro rre nẹ. 5 Wa rho e Jehova ne Osanobua mwa; wa ya uhunmwu rhanmwẹ otọ vbe odaro ẹkete ẹre, nọhuanrẹn ẹre eni ẹnrẹn khin! 6 Ohẹn ọghẹe ẹre Mozis kevbe Erọn ghaa khin, e Samuẹl keghi vbe re ọmwa nọ ghaa na erhunmwu ghee ẹre; iran kpee tie Jehova, ọ ghi vbe khuẹnniẹn iran. 7 Ọ keghi ke orrẹ ọghe okuku gu iran guan, iran kegha ya uhi kevbe emwamwa nọ viọ ye iran otọ ru emwi. 8 Eo Jehova ne Osanobua mwa, wẹ zẹ ẹmwẹ wanniẹn emwa ruẹ, wẹ rhie ma iran wẹẹ, Osanobua nọ yabọ ẹre uwẹ khin, agharhemiẹn wẹẹ u rri iran oya ye orukhọ ọghe iran. 9 Wa rho e Jehova ne Osanobua mwa, wa vbe ya ga vbe oke ẹre nọhuanrẹn! Ọmwa nọhuanrẹn, ẹre Jehova ne Osanobua mwa khin.