Psalm

98 Wa so ihuan ọgbọn gie Jehova, ọ ru emwi ọyunnuan nibun nẹ. Ọ vbe ya ẹtin kevbe iwegbe ẹre nọhuanrẹn, miẹn akhọnmiotọ nẹ. 2 E Jehova na iyẹn akhọnmiotọ ẹre, ọ vbe ya ẹtin akhọnmiotọ ẹre khian na rẹnrẹn vbe avbe uhunmwu ẹvbo hia. 3 Ọ ru zẹvbe nọ ve Ivbi Izrẹl re, vbe amuẹtinyan kevbe ahoẹmwọmwa nẹi beghe. Emwa hia ni rre ehe hia, miẹn akhọnmiotọ ọghe Osanobua ima nẹ. 4 Wa so ihuan oghọghọ gie Jehova, wa ne otagbọn hia, wa ya ihuan kevbe uwemwẹ oghọghọ rho ẹre! 5 Wa so ihuan urhomwẹ gie Jehova; wa ya akpata kpe orhu nọ rhiẹnrhiẹn. 6 Wa kpe orhu kevbe okpe, ne uwa we uwemwẹ oghọghọ, gie Jehova ne ọba mwa. 7 Wa davan, wa ne okun, kevbe emwi ni rre uwu ẹre hia, agbọn deba emwa hia ni rre uwu uwẹ, wa so ihuan! 8 Wa ne ẹzẹ, wa kpe obọ, wa ne oke, wa koko ya oghọghọ so ihuan 9 vbe odaro e Jehova, rhunmwuda, ọ dee do bu ohiẹn agbọn na, irẹn gha bu ohiẹn emwa ni rre agbọn na vbe ẹmwata kevbe a i ghee ikpanro.