Psalm
82 Osanobua keghi miẹn agba dia vbe ehe nọ na do iko; uwu ẹbu avbe osa, ẹre ọ na bu ohiẹn: 2 “Wa dobọ ohiẹn a i ta ẹmwata na bu yi, wa ghẹ ghi bu ohiẹn ikpanro ne avbe emwa dan! 3 Wa gha mu ẹzọ ivbiogue kevbe emọ nẹi mwẹ erha gui, wa gha ru emwi ẹse ne nẹi mwẹ kevbe ne ẹtin fo. 4 Miẹn ivbiogue kevbe emwa nẹi mwẹ iyobọ fan; miẹn iran fan vbe obọ emwa dan.” 5 Iran ma rẹn emwi rhọkpa hiehie! Te iran khian yo khian rre vbe uwu ebiebi! A mu avbe ẹyotọ ọghe agbọn na rueghe. 6 “Mẹ khare wẹẹ, ‘osa ẹre uwa khin, ivbi Enọ Yo Sẹ Ehia ẹre uwa hia khin.’ 7 Sokpan, te uwa khian wulo zẹvbe emwa kẹkan, te ufomwẹ ẹdagbọn uwa, khian vbe gha yevbe ọghe ivbi ọba nọ rhirhi a gha khin.” 8 Osanobua, larre, do rri ọba yan agbọn, wẹ ẹre ọ yan uhunmwu ẹvbo hia.