Psalm

56 Osanobua tohan mwẹ rhunmwuda, emwa wa gu mwẹ gbinna, avbe eghian mwẹ wa zẹ mwẹ kpokpo vbe ẹghẹ hia. 2 Iran ni mu aro igbinna da mwẹ wa gu mwẹ khọn ne ebi ro. Iran ni gu mwẹ khọn wa bun ẹsẹse. 3 E Jehova ne Oghodua, ohan ghaa mu mwẹ, I mu ẹtin yan ruẹ. 4 I rho Osanobua, rhunmwuda eyan ne irẹn yan rẹn. I mu ẹtin yan Osanobua, ohan i ghi mu mwẹ, de emwi ne ọmwa kẹkan gha sẹtin ru mwẹ re. 8 Wẹ rẹn vbene obọ orueghe da mwẹ sẹ hẹ, tue ameve mwẹ ye uwu ọgọ ohian ruẹ. A ma mwamwa iran yotọ vbe ebe ruẹ ra? 9 Ẹdẹ ne I gha kpe tie ruẹ, avbe eghian mwẹ gha lẹẹ werriegbe, mẹ rẹn ọnọna wẹẹ, mẹ ọre Osanobua ya ba. 10 I gha rho Osanobua, rhunmwuda ẹmwẹ nọ tae. I gha rho e Jehova, rhunmwuda ẹmwẹ nọ tae. 11 Irẹn ẹre I mu ẹtin yan, ohan i mu mwẹ. De emwi ne ọmwa kẹkan gha sẹtin ru mwẹ re? 12 Osanobua mẹ gha ha emwi ne imẹ ve nuẹn, mẹ gha viọ emwi imuohan ọghe ekpọnmwẹ mwẹ nuẹn. 13 Rhunmwuda u wọlọ mwẹ ladian vbe uwu uwu, u ma gi obọ gba mwẹ rhunmwuda ọni, ẹre imẹ na khian vbe odaro Osanobua vbe uwu uwanmwẹ nọ wan mu emwa ni rre agbọn