Psalm
38 Eo Jehova, ghẹ rriọ mwẹ oya vbe u ghaa mu ohu. 2 U ya ifẹnmwẹ ruẹ kuan mwẹ nẹ, u gbe mwẹ fi otọ nẹ. 3 Uwu obalọ ẹre I ghi ye, rhunmwuda ighẹ ohu muẹn. Emianmwẹ gba mwẹ egbe hia. Rhunmwuda orukhọ mwẹ. 4 Orukhọ mwẹ gba mwẹ uhunmwu, ihẹ ọre khua gberra ne I gha sẹtin mu. 5 Ẹtẹ mwẹ wia, ọ vbe kẹkẹ rua rhunmwuda ukọnmwẹ mwẹ. 6 Orhiọn mwẹ ma ghi sotọ, iro vbe han mwẹ; Te I ghi khiẹ ne ebi ro. 7 Evbirraro ya egbe mwẹ giẹn rua, I sikẹ uwu fo. 8 l sin ruan fo fẹẹrẹ, a rẹnkhẹn mwẹ ruan, ekhọe mwẹ hia tighi, te l ghi tu utumwẹ obalọ. 9 Eo Jehova, wẹ rẹn emwi ne I rhie aro yi, u vbe họn utumwẹ obalọ mwẹ hia. 10 Ẹkokoudu mwẹ hawa, orhiọn ni mwẹ, awanwan aro mwẹ la hin nẹ. 11 Avbe ọse kevbe emwa mwẹ i ghi sikẹ mwẹ, rhunmwuda ẹtẹ mwẹ, avbe etẹn mwẹ na gba rẹn egbe, te iran ghi lẹẹ mẹ. 12 Iran ni hoo ne iran gbe mwẹ rua, khuẹn ifi khẹ mwẹ; iran ni hoo ne iran kuan mwẹ gha yan wẹẹ, te iran khian miẹn mwẹ uhunmwu. Iran i dobọ uma na si ghee mwẹ yi. 13 Te imẹ yevbe ayin ehọ nẹi họn ẹmwẹ, I yevbe odin nẹi sẹtin guan. 14 I yevbe ọmwa nọ ma khuẹnniẹn, rhunmwuda ighẹ ọ yin ehọ. 15 Sokpan, wẹ ẹre I mu ẹtin yan Jehova; wẹ ne Jehova ne Osanobua mwẹ, keghi zẹ ẹmwẹ wanniẹn mwẹ. 16 Ghẹ gi avbe eghian ye igiogio gbe usẹ nọ sẹ mwẹ. Ghẹ gi iran ya udemwẹ mwẹ gha rhuọ. 17 Te I khian ghi de, obalọ ẹre I ghi ye vbe ẹghẹ hia. 18 l miẹn orukhọ mwẹ kue, iran i ghi gi orhiọn mwẹ sotọ. 19 Egbe rran avbe eghian mwẹ, iran vbe wegbe, iran ni gheghe khuiwu mwẹ wa bun. 20 Iran ni ya ọkhọ san ẹse mu aro igbinna daa mwẹ, rhunmwuda ighẹ I hia ne I gha ru vbene ọ kere. 21 Eo Jehova, ghẹ he mwẹ yotọ. Osanobua mwẹ, ghẹ khian rree mẹ! 22 Do yọ mwẹ obọ nian, e Jehova ne ọmiọnmwafan mwẹ.